အသံကြောင်ကြောင် သေနေတဲ့ ငကြောင်

လောလောလတ်လတ် အလျဉ်က

ဒီ D d ဒီပရက်(စ်)ရှဲ(န်) ဒေါင်းဒေါင်း ဒုန်း

မတူမညီ ခြားခြားနားနား ပြေးလွှားနေရတဲ့ ၀န်းကျင်ကာလာဇုန်မှာ

အနံ့ဆိုး အသက်ဆိုးတွေ မစာမနာ ၀င်ဝင်/ရောက်ရောက် ၀င်ရောက်လာတယ်

လှုပ်လှပါလား အားကျစရာပဲ ဆက်သွား ဆက်လုပ် ဆက်လှုပ်

လူငယ်ဆိုတာ တလှုပ်လှုပ်နဲ့ လုပ်နေ လှုပ်နေမှ ဒါမှ မဟုတ် လွဲရော့

မနက်ခင်း ပန်ကာရှေ့ ဆက်တိုက်ရွာတဲ့ ချွေးစက်အမောဖိုင်တွေ

ဖိုးအင်ဝမ်း.............။

SMA+ကိုးကင်းကောင်= ကားကားကားကှင့် ကွှန်းကားကော် ကကျာ ကား

SY+ကူးကင့်= ကာက ကီကှာ ကီကို ကို

LTN+ကင်းကဏ်ကီ= ကေကူကေကိမ်း ကူကယ်ကီကိုင်း

MDR+ ကှူးကာကီ= ကီကတ်ကိုင်းကကွင်း ကေကို့ ကကြောင်းကန်ကာ

အူး............ရာထူးရှိမှ ရူးလို့ ရတာမဟုတ်ဘူးဟေ့

ဖြတ်မယ် တောက်မယ် ရောရောနှောနှော စပေ့(စ်)ခြား လိုင်းရွှေ့ တပ်ဆင်မယ်။

ဒါဟာ မိက်ကပ်ထူထူဖို့ထားတဲ့ အကွဲအရှ အပွန်းအပဲ့ ဒဏ်ရာ အနာတရတွေလား

ရန်ကုန်က မခွါနိုင်သေးတဲ့ အညာသားတစ်ယောက်လား

မသာမယာ သေဆုံးသွားရတဲ့ မသာအလောင်းကြီးလား

ကဗျာကို အရောင်ခွဲ/အရောင်းအ၀ယ်လုပ်/အရွဲ့တိုက်/အရည်ဖျော်/ရှော့ခ်ရိုက်ပစ်မယ့် လူတွေလား

မျှော်လင့်ချက် သွေးသံရဲရဲ ဒူးထောက်လို့ အသံမမာနိုင်ခဲ့။

ဒီလူ......................

ဒီအခန်းထဲ

ဒီ

D

d

ဒီပရက်(စ်)ရှဲ(န်) ဒေါင်းဒေါင်း ဒုန်း၊

ပြီးရင်...........

အသံကုန် ကြောင်နေအောင် အော်။

မင်းဟာ လမင်းအစစ် မဟုတ်ခဲ့ဘူး

မင်းလမင်းဟာ အစစ် မဟုတ်ခဲ့ဘူး

လမင်းဟာ မင်းအစစ် မဟုတ်ခဲ့ဘူး

လမင်းအစစ်ဟာ မင်းမဟုတ်ခဲ့ဘူး

အစစ်ဟာ မင်း လမင်း မဟုတ်ခဲ့ဘူး

အစစ်ဟာ လမင်း မင်းမဟုတ်ခဲ့ဘူး။

မဟုတ်ဘူး မသိဘူးတွေဟာ

မင်းရဲ့ လမင်း အစစ်ဖြစ်တယ်။

ဆူးရင့်၊တန့်ဆည်၊

ခြေရာ လက်ရာ အကွေ့ အကောက်

သဘာဝပတ်ဝန်းကျင် ထိန်းထိမ်းသလို
ဘာကြီးညာကြီး ဖြစ်လာနိုင်သလို
ငလျင် ငလျင် ငလျင်လို ငါက ဒီမှာ ဒီလို..........လို
ဟဲ့ညိုမြ စောင်မလိုဘူး သွား/မေးကြည့်
လူကြုံရင် ဆရာချောဝမ်းဗိုက်သားကို နာနာပွတ် နာနာဖွတ်
တိုက်ဆိုင်မှု အတုံးအခဲကို ဖွာဆန်ကြဲအောင် ကျော်/ခွ မင်းမူ ဆက်သွယ်ကြည့်
သတင်းတွေက လူ့အဖြစ်ရဲ့ အမြင်အာရုံ မူးယစ်ဆေးပဲ
သွေးကြောတစ်လျှောက် ချာတူးလန်ဖြစ် ဖျားနာသွား
လူဟာ ကွန်ပျူတာ အင်တာနက် စကြ၀ဠာ အရိုင်းယဉ်ကျေးမှုမှ မဟုတ်တာ
မသိ နားမလည် စိတ်လွတ်လက်လွက် အခိုက်အတန့်တိုင်း သေသလို ရှင်ကြည့်ဖို့
မိတ်ဆုံစားပွဲမှာ အသားခြင်းထိ သေဆုံးရတဲ့အချိန်တွေ အားယားနေရင်
လူချင်းပြိုပျက်နေတဲ့ ထိခိုက်မှု မမှုရေးချ မမှုတဲ့ လူမှုရေး
ဘယ်သူက ဒီကဗျာ ဒီကမ္ဘာ ဒီလူသား ဒီစာရွက်သားလေးထဲ ယင်းထလို့ နာနေသလဲ။

အစ်မက ကစဉ့်စဥ့် ကလျားကလျား သိမ်းဆည်းထားတာ ပြဿနာတွေလား
အစ်မက ကစဉ့်စဥ့် ကလျားကလျား သိမ်းဆည်းထားတာ နာကျင် ဒဏ်ရာတွေလား
အစ်မက ကစဉ့်စဥ့် ကလျားကလျား သိမ်းဆည်းထားတာ ကူးယူမှုတွေလား
အစ်မက ကစဉ့်စဥ့် ကလျားကလျား သိမ်းဆည်းထားတာ ဂရုစိုက်မှုတွေလား။

ကဗျာတွေ ကဗျာဆရာတွေ လက်သည်းဝှက်တွေ အပြင်းစားရိုက်ချက်တွေ ဖြာခနဲ့ ပျံသန်းသွား
ဝလုံးတွေ သုညတွေ သတင်းတွေ သဘောမတွေ့သော ဗလာနဲ့ ဇီးရိုးတွေဆီ
နျူကလီးယားမစ်ဇိုင်းလ်းတွေ ပစ်လွှတ်ဖို့/ အယူအဆ ပြေလည်ဖို့
သရုပ်ဆောင် အကြင်နာက data တွေ ခွေခွေလေး ဖြစ်နေတာ
လူကြီးမင်း ဘယ်သူ ဘယ်ဝါ ခင်ဗျား သိပုံဟာ ယင်းထလို့
ထိုသို့ ထိုနှယ် ရင်ထိုး ရင်အောင့် အသက်ရှူကျပ်တာ နေတိုင်းဂရုစိုက်ပါ
အက်စ် လူငယ်တစ်ယောက်က အရောင်တွေ ပွားမယ်
တ၀င်းဝင်း တလက်လက် ထွားမယ် ကစားမယ် တောမှာပဲ တေနေလိုက်တော့မယ်။

မနေ့ညက အမှန်ဟာ သုံးခါတိတိ အသိရခက်တယ်
ရန်ကုန်မှာ လောဘ ဒေါသ မောဟများ သတိထား သတိထား
အွန်လိုင်းမှာ ကိုက်ခဲမာန်ဖီရန် အသင့်ပြင်ကျစို့
အစစ်အမှန် ပျော်ရွှင်စရာတွေ အမြှီးကုတ် အကူအညီ ဆုတ်ခွာပေးပါ
အနုပညာသံချေးချင်း ယဉ်ပါးဖို့ ချိန်းဆိုထားပါတယ်
ကိုယ်ခတ်ပိတ် ဖြတ်ညှပ်ထားရတဲ့ အရိုင်းဧရိယာဟာ
သိလျက် မသိလျက် အကြောလန်ထွက်လို့။

ဟဲ့တာဝန်ဝတ္တရား
ပွတ်သပ်မှုကျောက်ဆောင်တွေ ခေါက်တင် ဆွဲတင်
အောင်လံမလွှင်နိုင်တဲ့ အရိုင်းယဉ်ကျေးမှုမှာ ယုံကြည်ပါ
ဒေါသအမည်းအမှောင်နဲ့ မျှားယူ နေထိုင်ရတာ ရိုးနေပြီဟေ့
လက်မ မထောင်သေးတဲ့ ခင်ဗျားနဲ့ လူသား ပတ်ဝန်းကျင် တံတိုင်းပျက်ကြီး
ငါတွေကြားမှာ အတ္တမွေးမြူခြင်းကလည်း မှုးယစ်ဆေး အယူအဆပဲ ဂရုစိုက်
နေထိုင်ဖြတ်သန်းမှုက ဘာညီညာကြီး ၀ဲလိုဝဲ
ဒီကြေကွဲဇာတ် တိုက်ဆိုင်ခြင်းက ဒီလူသား လွမ်းနေရတာ အားငယ်လိုက်တာ
ဖရိုဖရဲမလေးတွေ အဆင်ပြေသလို မရယ်ဖြစ်တာ စဉ်းစား ညိုမြ
ချာချာလည် လူသားတွေရဲ့ အမြင်မတော်တာ သိရခက်တဲ့ စိတ်ဓာတ်ကျဆင်မှု
အရွယ်က အလိမ္မာနဲ့ အယဉ်ကျေးဆုံး တည်ဆောက်ရတယ်
ထိတွေ့ရမယ့် ကြိုးစတွေ အားနဲ့ မာန်နဲ့ ထည့်သွင်း သိမ်းဆည်းထား
စကားလုံးကြား စောင့်နေတဲ့ ပြဿနာက ပြဿနာပဲ
ဝါးဟားးးးး ဟားးးးး ခင်းဗျား ရူးနေပြီး ရူးနေပြီဟေ့။

ဒီကဗျာ သေသလို အိပ်စက်နေပါလား ဆရာချော
ဟဲ့လူငယ်အက်စ်
ဟဲ့လူငယ်ဒီဇိုင်း
ဟဲ့သရုပ်ဆောင်
ဟဲ့ဒီလို ဒီလို.....လို
ပြဿနာမီးခိုးတွေက ပြဿနာမီးခိုးတွေပါပဲ။

ဆူးရင့်၊တန့်ဆည်၊

ဒီကဗျာကို မှတ်ချက်ထုတ်ရရင်......စိုးမင်းအောင်ရေးတဲ့ ဓားပါးပါးနှင့် မွှန်းထားသော ကဗျာ ငါး၊
လင်းသဏ်ညီ ရေးတဲ့ လေယူလေသိမ်း လူငယ်ဒီဇိုင်း၊
မှူးဒါရီ ရေးတဲ့ ဒီရက်ပိုင်း သေဖို့ အကြောင်းဖန်လာ၊
ကိုယ်တိုင်ရေးဖြစ်တဲ့ ငါက ဒီမှာ ဒီလို......လို ဆိုတဲ့ကဗျာလေးပုဒ်ကို ဖြတ်/တောက်/စပေ့ခြား
လိုင်းရွှေ့ တပ်ဆင် ချိတ်ဆက်ရောနှော ထားခြင်းသက်သက် ဖြစ်ပါတယ်။ ဒါပေမယ့် စိတ်ထဲ စွဲနေတဲ့ စကားလုံးကိုတော့ ဒီကဗျာထဲ ထပ်ခါ ထပ်ခါ သုံးထားဖြစ်ပါတယ်။ ဒီလေးပုဒ်ကိုပဲ ဒီလေးယောက်လုံးက ရောနှောဖြစ်ကြမယ် ထင်ပါတယ်.......။ ။

သတိ။ ။ တုတ် စက္ကူ မသုံးရ....................

တစ် နေရာယူ

နှစ် အသင့်ပြင်

သုံး ................................

ကိုယ်တို့အားလုံး သေသလို ဟန်ဆောင်နေခဲ့ရတဲ့ သက္ကရာဇ်တွေ

ပျက်သုဉ်းနေတဲ့ နာမည်ကို ပလပ်စတစ်ဆာဂျရီ အစားထိုးလို့

လှနိုင်မလား

သမိုင်းဟာ အုတ်ကျင်းနဲ့ သိပ်မဝေးလှပါဘူး

လှလှ၏ ရယ်သံတွင် အသံလုံးဝ မပါဝင်ပါ

တန်ကြေးကြီး သရုပ်ဆောင်တွေက

အရုဏ်ဦးမှာ ကြာတွေပွင့်လို့

ကဗျာတစ်ပုဒ် စာမူခ သုံးလေးထောင်

အရေးသားကအစ ကဗျာဆရာတွေ လက်မထောင်ထားကြ

ပေါ်လစီကင်းကင်း ဂျက် ကွင်း ကင်း

ရုံးသုံး ပွဲစားသုံး လက်ဖက်ရည်ဖိုးဟာ ဘယ်လောက်လဲ

မြို့ပြရဲ့ ချွေးနံဟာ အရင်ကထက် နံစော်ရင်

ကျေးလက်က ဘာစော်နံနေမလဲ

ရုပ်ရှင်ရုံမှာ ဘူတာမှာ မှတ်တိုင်နဲ့ ခုံးကျော်တံတားအောက်မှာ

မာဆတ်မှာ ကေတီဗီမှာ နိုက်ကလပ်နဲ့ သံလမ်းမှာ

သွေးသားရောင်းပြီး ၀ယ်လာခဲ့တဲ့

သူမရဲ့ စာဝတ်နေရေး ကျန်မာရေး

ကျောင်းနဲ့လမ်း လမ်ကြောင်းမှားခဲ့ရတဲ့ သူဖုန်းစား ကလေးငယ်တွေ

ကိုယ်အနှံ့ နနွင်းသုပ်ထားတဲ့ အ၀ါရောင် မိခင်အတုတွေ

ငှားရမ်းခ တစ်ထောင့်ငါးရာ အထက်ရှိတဲ့ နီတာတွက် ရင်သွေးငယ်အတုတွေ

လမ်းစရိတ်ပြတ် ဖိနပ်ပြတ်နေတဲ့ အရေခြုံ ဘာသာရေးအတုတွေ

ရုပ်သေးတွေ ကြိုးဆွဲသမျှ ကပြနေရတဲ့ လူအတုတွေ

လိမ်ညာလှည့်ပတ်မှုက မျက်လှည့်ပွဲ တစ်ခုလို ....တစ်ခုပြီး တစ်ခု

လောင်ကွင်းထဲ မီးသင့် အစအနတွေ လိုက်ရှာလိုက်တိုင်း

စိတ်နဲ့ကိုယ် မကပ်နိုင်တဲ့ခေတ်ဟာ မကောင်းဆိုးဝါး ဆန်လာတယ်

တောကျီးကန်းတွေ အုပ်စုဖွဲ့ရယ်မောသံနဲ့

လမ်းမပေါ် ဖြတ်ပြေးသွားတဲ့ အင်းဂျင်သံနဲ့

အသက်(၁၈)နှစ်ပြည့်သူတိုင်း မှတ်ပုံတင်လုပ်ဖို့ နိုးဆော်သံနဲ့

ဒီကဗျာကို နောက်ထပ် စာခုနစ်ကြောင်း ရေးပြီး အဆုံးသတ်ရမယ့် အတူတူ

အဖြူရောင်အခန်းကျဉ်းလေးထဲ

ကောင်းကင်က လမင်းဆီ ငေးရင်း ဟိုအဝေးက လမင်းဆီ

သစ်ခက် သစ်ရွက်တွေ ယိမ်းလှုပ်ခါယမ်းနေသလိုလား ခံစားမှု လွင့်ဝဲနေတာ

မိုးစက်စက် ပြုတ်ကျလာသလိုလား မျက်ဝန်းမှာ စီးဆင်းနေတာ

ကိုယ့်ပထမ မျက်လုံးတစ်ဖက်က အဆင်မပြေမှုများနဲ့ တိမ်မြုပ်ကန်းမိုက်နေတယ်

တဖြည်းဖြည်း ရွေးကောက်ပွဲကြီး နီးကပ်လာပြီ အမေ့ကို လွမ်းရင်း..........

ကိုယ့် ဒုတိယမျက်လုံးတစ်ဖက်ကို နာနာကျင်ကျင်မှိတ်ပစ်လိုက်ပါတယ်။ ။

ဆူးရင့်၊တန့်ဆည်၊

၂၁၊ ၉၊ ၂၀၁၀

နံနက်ခင်း ၃း၁၀

၍.................ရွေ့တယ်

ထိန်းချုပ်စောင့်ကြည့်ရမယ့် ပွိုင့်ဟာ ဘယ်မှာ
အနီ
အ၀ါ
အစိမ်းနှင့် အခြား
မလိုအပ်တဲ့တံခါးချပ်တွေ ပေါက်ပါက်ပွင့်လို အပွင့်လိုက်လွင့်စင်သွား
ချောင်းမြောင်းနေရတဲ့ အပ်တစ်ချောင်းအကြောင်း
ရှင်းပြစရာ ရှုပ်ထွေးမျှင်တန်းပြီး စာနာမှုမဲ့တယ် ကျေးဇူးပဲ။

လိုင်းပေါ်က ဘာသာစကားတွေ ကောက်
ကောက်နေတဲ့ စိတ်အကောက်အကွေ့တွေအကြား
စိတ်ကြိုက်ဖြန့်ခင်းလို့ မရတဲ့ ဆန္ဒအထပ်ထပ်မှာ
ရာသီတွေဝေ့ဝေ့မှုန်သွားလိုက် အသားမာတက်လာလိုက်။

ကိုယ့်လောက် ဘယ်သူမှ စိတ်မနှစ်တဲ့ လူနဲ့ လုပ်ကြံခံလိုက်ရတဲ့ လူ
နစ်နေတဲ့ nicknameတိုင်း မသမာမှု အကြမ်းဖက်မှုတွေပဲ
အခန်းဟာ
အဖြူရောင်
ယောင်ကိုင်းနေတဲ့ အရောင်ကို ရောင်းရန်ရှိသည်
ဒီစာတန်းချိပ်ဖို့
နေ့က
တစ်ပြည်လုံးသာယာတယ်
ကိုအောင်ရင်ငြိမ်း စိုးမင်းအောင် လင်းသဏ်ညီ နေ့သစ်တို့နဲ့
ခေတ်ပြိုင်မြန်မာ ကဗျာဝက်ဘ်ဆိုဒ်အကြောင်းပြောဖြစ်တယ်
ဗူးဆိုရင် ဖရုံမသီးတတ်တဲ့ သစ်တစ်ပင်စိုက်တယ်
နောက်ဆုံးတော့ နောက်ထပ်နေ့ရက်တွေနဲ့
နောက်ထပ်ဗလာသက်သက်တွေ နောက်ဆုတ်
ပြောင်းလဲမှုဆီ အယုံအကြည်မဲ့ ဖြတ်ပြေးသွားတယ်။

ဒီကဗျာကို ဒီမှာခဏရပ်ပြီး တစ်မိနစ်ခန့် အသက်၀၀ရှုတယ် ဇီးရိုးပဲ
ရင်ခုန်သံအသေအပျက် သုညမိုးများ တစ်ကြိမ်နှစ်ကြိမ်ရွာတယ်
ပင်လယ်ပြင်ဟာ လှိုင်းအသင့်အတင့်မှ လှိုင်းမကြီးနိုင်ပါဘူး။

အိုးးးးးးးးးးးးးးးးးး
မေ့ပစ်ရတော့မယ့် ယောက်သွားအခွံလား
လားလားမှ မသက်ဆိုင်တဲ့ လားတစ်ကောင်လား
နုနုလေး ညံ့ဖျင်းခဲ့တဲ့ နုညံ့မေတ္တာက ပန်ကာခလုတ်ကိုဖွင့်
ပန်လာတဲ့ ဘ၀အဆက်ဆက်က အပေါ်ယံအကာဟောင်းကို
ခွါပစ်ဖို့
ခွဲ ခွဲ ခွါ ခွါ၊ ကွဲ ကွဲ ကွာ ကွာ ဝေးကြမယ်
ဟင်းလင်းပွင့်နေတဲ့ ရင်နံ့နဲ့
ခလုတ်နှိပ်မှားသည် ရှေ့ကျော်ခြင်း
အခြေခံကွဲပြားတဲ့ ပေးဆပ်မှုတွေ မီးပျက်သွားတာ
ရွေ့နေတဲ့ ရွေးကောက်ပွဲကြီးလို ရယ်ရခက် ငိုရခက်။ ။

ဆူးရင့်၊တန့်ဆည်၊

မှတ်ချက်။ ။အမှတ်မထင်သော ဒီဇင်ဘာ(၁၆)ရက် ဘီစီ၂၀၁၀ ညနေခင်း (၆း၂၀)ခန့် အချိန်တစ်ခုကို ခံစားပြီး ၎င်းဒီဇင်ဘာ(၁၈)ရက်နေ့ မိုးသောက်ချိန် (၂း၄၅)ခန့် ဘီစီ၂၀၁၀မှာ ဒီကဗျာကို ရေးသားဖြစ်ပါတယ် ပျော်ရွှင်ချမ်းမြေ့စွာ ဘ၀ခရီးကို ဖြတ်သန်းနိုင်ပါစေ...။

အတွင်းရေးနည်းနည်း ဆန့်ကျင်ဘက်ဒွိဟ အရေးအခြစ်ဖတ်စာ

ရခဲ့ရတဲ့ ဘဝမှာ ရခဲတာတွေ ရလွယ်တာတွေ ငါမသိဘူးမပျော်ရတော့ ဝမ်းနည်းတယ် ဆောရီး

အလင်းရောင်က ညှီဟောက်လို့ ကုတင်နံပါတ် ၃၂ သက်ဆင်းကျလာတယ်

ငါ့အပျိုဖော်ဝင်ခါစ အနုပညာနံဘေးမှာ ဗျူရိုကရေစီ အရေးအခင်းလို တိမ်းမှောက်လို့

နားထဲမှာ ၅ အစ ၇ အဆုံး ကကမျဉ်းစောင်း ကားတစ်စီးတာရာ ပွန်းတိုက်သံ

TV Guide ပျောက်ချင်ယောင်ဆောင်ခဲ့တဲ့ မိန်းမတစ်ယောက် အကြောင်း

လိင်အခင်းအကျင်းကို သင်ယူစရာမလိုဘဲ အလိုလို တတ်မြောက်ပြီးသား မိန်းမတစ်ယောက် အကြောင်း

ညီမ ကိုယ့်အသက် ၃၈ မှာ မင်းကိုချစ်မိပါတယ် မယုံဘူးရှင်

အဲလို အဲလို တွဲလျက်သား ဘာသာစကား အကြပ်အတည်းကြားက သည်းခြေပျက်အသိဥာဏ်

လေးလွှာကနေ တွန်းချလိုက်မယ် ၊ မှုခင်းသတင်းထဲ ဝင်ပါလိုက်မယ်

အားးးးးးးးးးးးးးးး !!! ငါရွံတယ် !!!

လူယုတ်မာမ !!!

ဖုတ်သဘက်ဆန်စွာ ကာမရမ္မက်လိုလားခြင်း ခေါင်းစဉ်မျိုးစုံ ကြားနေရတယ်

လူ့အဖြစ်မှာ လူ့အပျက်တွေ ရှိနေကြတာပဲဆိုတာ မင်းသိပါ

မင်းဟာငါနားမလည်၊မတတ်ကျွမ်းနိုင်တဲ့ဘာသာစကားမျိုးကို ကြားချင်နေပါသလား

ဒီပါဒ မှာ ဘာစာသားမှ မရေးရင် ဘာဖြစ်နိုင်မလဲ

ကွင်းခတ်ထားတယ်ဆိုတာ မလိုအပ်တော့ရင် ဖြုတ်ပစ်လိုက်ဖို့ပဲ ( ဥပမာ - မောနွေကို... )

' သူဟာသစ္စာရှိသူတစ်ယောက်ပါ ' လို့ မင်းကို တစ်တစ်ယောက်က ဘယ်လိုပြောပြပေးနိုင်မှာလဲ

' သူဟာသစ္စာမရှိသူတစ်ယောက်ပါ ' လို့ မင်းကိုတစ်တစ်ယောက်က ဘယ်လိုပြောပြရမှာလဲ

မင်း Sent at 4:56 PM on Monday မှာတခြားတစ်ယောက် ...... ဆိုတာအပြင် ပြောစရာ ရှိပါသေးလား

ငါချော်လဲသလို လဲတယ်ဆိုတာ တစ်ကယ်တော့ ငါတစ်ယောက်တည်းပါကွာ

ဆေးခါးတွေလည်း တိတ်တိတ်ပုန်း အခွန်ဆောင်သလို မှီဝဲနေရတာပဲ

လူမှုရေးဘွဲ့တံဆိပ်တွေ ဒေါ်လာလိုသလို ငါလိုနေတာပဲ

ဝူးဝူးဝါးဝါး ယဉ်ကျေးမှုမညီမျှခြင်းများ လျှိုကျလာတယ်

မင်းမတ်တပ်ရပ်ဝေး ထုထည်စနစ်ပုံလေး ၊ အိပ်မောကျနေချိန် ကိုယ်ထုတ်ကြည့်ဖြစ်ပါတယ်

ငါနာကျင်ရခြင်းရဲ့ အကြောင်းပြချက်ဟာ နာကျင်ရခြင်းပါပဲ

ရင်ထဲကျောထဲမှာ မေတ္တာအကြင်နာက အခွေလိုက် ခုတ်မောင်းနေတယ်

ရောက်ရှိနေရာ ဆေးကုသမှု ဖန်လုံအိမ်ဌာနဇုန်

မင်းကိုဆက်သွယ်မရဘူး

ရင်ခွဲရုံထဲ ကုန်းရုန်းဝင်သွားလိုက်ရတယ် ။

မောနွေ

( ၈ ၊ ၉ ၊ ၂၀၁၀ )

နာကျင်သီချင်း

တစ်စုံတစ်ရာ ဘာများ မှားနေပြီလဲ
အပူဒဏ်ကြောင့် ဖယောင်းတိုင်တွေလည်း ကောက်ကွေး
ရေခဲခံနိုင်ရည်တို့လည်း အရည်ပျော်
စိတ်နှလုံးသား အပိုင်းပိုင်း အစစ
အက်ကြောင်းတွေလိုက် ကွာကျ
သူစိမ်းဆန်မီးခိုးလုံးကြီးတွေဆီက ထွက်ပြေး
ကာကွယ်ရေးဝတ်စုံတွေ စွပ်
နေဟာ အခုပဲ ရောက်လာ အခုပဲ ထွက်သွား မှောင်မိုက်
အမုန်းများရဲ့  အစီးအနင်း
အတုံးလိုက်အခဲလိုက် ခံရ
ချစ်မေတ္တာပျောက်ကွယ်မှု
အိုးနိုး မဖြစ်တော့ဘူး
လူ့အဖြစ်ဟာ သံသယရှိစရာပဲ
ချက်တင်ထဲက အလိမ်အညာ ပေါ့ပျက်ပျက်
ချစ်ရည်လူး လိင်အသားပေး ညစ်ညမ်းစာသားများ
နေထိုင်မှုပုံစံက သူတို့ သရုပ်ပျက် အပျက်ဘက်
ကိုယ့်မှာ လောင်ကျွမ်းခြင်းသည်သာ ရှိပါတယ်
ဘာလိုနေတာလဲ
ကြော်ငြာတွေနဲ့ ပဋိသန္ဒေတားဆေး
အဆင့်နိမ့်အနုပညာ ဖျော်ဖြေရေး ယဉ်ကျေးမှုတွေသာ ခေတ်စားလာကြတယ်
လူ့အဖြစ်ကို ကျဆင်းစေတာပဲ
ဘာတွေ ဖြစ်နေသလဲ
အခွင့်အလမ်းသစ် ဗိုင်းရပ်စ် နျူကလီးယား
ပိုက်ဆံ အနာဂတ်လှိုင်း ပညာ
အကြမ်းဖက်တိုက်ဖျက်ရေးနဲ့
ယာဉ်အန္တရာယ်နဲ့
ဒီမိုကရေစီ အိပ်မက်ဆိုးနဲ့ ပိရမစ်နဲ့
စသဖြင့်များစွာကြား
ကိုယ်တို့ သက်ရှိနေထိုင် ကပ်ဘေးကျရောက် အသက်ရှူကျပ်ခဲ့ကြရတယ်
တစ်စုံတစ်ရာ ဘာများ မှားနေပြီလဲ
မင်းမရှိရင် ဘ၀ဆိုတာ အလကားပါလို့ ကိုယ်ပြောမိတော့မယ်
မင်းဆိုတာ ကိုယ်အလိုအပ်ဆုံး ချစ်မေတ္တာပေါ့
အထီးကျန်တွင်းနက်ကြီးထဲမှာ လှုပ်ရှားမရ ရုန်းမရ အေးခဲသွားစေပါတယ်
ဘာတွေ ဖြစ်လာမလဲ။ ။

စိုးမင်းအောင်
မနက် ၈နာရီ ၁၆ မိနစ်
၂၀၁၀ ခုနှစ်၊ စက်တင်ဘာလ၊ ၁၅ ရက်။

သူများဦးနှောက်ကို အခမဲ့ ငှါးရမ်း တပ်ဆင်ခြင်း

စိတ်ကုးကောင်းသူတွေက ဂျင်းဘောင်းဘီအိတ်ထဲကို လက်နှိုက်

စကားပြေကို ကဗျာလုပ်ဖို့ ဘယ်အပလီကေးရှင်းကို အတက်ခ်ျလုပ်ရမလဲ

ပန်းတစ်ပွင့် ပွင့်တိုင်းပွင့်တိုင်း အလွမ်းတွေ နိုးနေလိုက်ပုံ

လေနီကြမ်းထဲမှာ ဘာလို့ ၀ံပုလွေတစ်ကောင် ချောင်းနေရတာလဲ

အနိုင်အရှုံး ဆုံးဖြတ်ချက်ဟာ လက်လား ဂေါ်လီလုံးလား

အာဟာရပြတ်နေတဲ့ ၀ဋ်နာကံနာလား

ယားတဲ့နေရာကို ထုံးတို့မှတ်ထားရတဲ့ အသားတုံးကြီးလေ.....

ခေတ်ကိုကြုံတွေရမှုက မပြောချင်တာများနေပေမယ့်

အချစ်ဟာလည်း အဓိပ္ပာယ်အသစ်တွေပြောင်းလဲနေပြီ

ဦးနှောက်က အေသင်ဆိုရင် နှလုံးသားက ဘဂ္ဂဒက်

ဘယ်လို အနေအထိုင်မျိုးနဲ့ ဆင်တူနေလဲ

မမေးဝံ့တဲ့ မေးခွန်တွေနဲ့ အန်စာတုံးဖြစ်သွာတဲ့အကြောင်း......

မူးပြီးလွတ်လွတ်လပ်လပ် အန်ချပစ်လိုက်ဖို့

ကပ်ထားရတဲ့ တံဆိတ်တွေက ဘာညာ ဘာညာ ဘာဘာညာညာ

တဖြောက်ဖြောက် တချောက်ချောက် တဖောက်တဖောက်

စိတ်ဒုက္ခ ကျဉ်းကျပ်မူ လေးလံဖိစီးမှု ပဋိပက္ခ

စီးပွားပျက် ကပ်ကြီးမှာတော့ အရင်းနှီးများတဲ့ အိပ်မက်ကို မက်နေသူ

ဘယ်တော့မှ လင်းပွင့်မလာခဲ့ဘူး

ကောင်းကင်က ကောင်းကင်လိုနေပေမယ့်

ခင်ဗျားလည်း သိတဲ့အတိုင်းပဲ ဘာတွေလဲ နေ့တွေလား ညတွေလား

ဝလုံးတွေ စက်ဝိုင်းတွေ လမင်းတွေ သုညတွေဗလာနဲ့

ဇီးရိုးတွေဆီ မရှိခြင်းသက်သက်နဲ့လွမ်းလွမ်းနေရတာ အားငယ်လိုက်တာ

ငရဲခန်းလို့ မျိုချသူ ဒီကဗျာဖတ်ပြီးသူ အားလုံးကို

Thanks....

ဆံပင်ကို ထောင်ထား လက်မကို ထောင်ထား

ဂစ်တာတီးပြီး သီချင်းဆို

We are nod robots

အချိုန်ကိုစောင့်နေရတာ

စေ့စေ့စပ်စပ် အနားမသပ်မိတာ

ဘာမှန်းမသိတာအားလုံး အလွတ်ကျက်ပြီး

ဘာမှန်းမသိတာမှန်သမျှ

ဘယ်တော့မှ မပျောက်ဆုံးဘဲရှိနေတတ်တယ်။ ။

ဆူးရင့်၊တန့်ဆည်၊

ပြီးခဲ့တဲ့ စက်တင်ဘာ(၃)ရက်နေ့က မြန်မာပြည်သားကဗျာဆရာ မောင်ချောနွယ်အတွက် ကွယ်လွန်ခြင်း (၈)နှစ်ပြည့်ပွဲလေးကို မောင်ချောနွယ်ကို ချစ်ခင်လေးစားကြတဲ့ ကဗျာဆရာ ကဗျာဆရာမတွေက ပြုလုပ်ခဲ့ကြပါတယ်။ ဆရာမောင်ချောနွယ်ရဲ့ ကဗျာတွေနဲ့အတူ ကိုယ်တိုင်ရေးကဗျာတွေကို ရွတ်ဆိုပြီးတော့ ဆရာမောင်ချောနွယ်ကို ဂုဏ်ပြုခဲ့ လွမ်းဆွတ်ခဲ့ ကြေကွဲခဲ့ အောက်မေ့ခဲ့ တသခဲ့ကြသလို မောင်ချောနွယ်အမှတ်တရ ကဗျာစာအုပ်လေးတစ်အုပ်ကိုလည်း စီစဉ်ခဲ့ကြပါတယ်။ အခု ဒီကဗျာမှာပါတဲ့ စာသားတွေဟာ အဲဒီစာအုပ်လေးထဲက ကဗျာသား စာသားများကို ပေါင်းစပ်တပ်ဆင်ထားကြောင်း ၀န်ခံပါတယ်။

ကဗျာနားနီး ကဗျာ စကားပြေနားနီး စကားပြေ

အရောင်းအ၀ယ် မဖြစ်ခြင်း ကဗျာပြုပြင်ပြောင်းလဲရေးနှင့်
လူမှု အသင်းအဖွဲ့များ ဖွဲ့စည်းမှုဆိုင်ရာ
အစိုးရမဟုတ်သော လူ့အဖွဲ့အစည်းများအသုံးဝင်မှု
ကဗျာမှုဆိုင်ရာ ကဗျာဝေဖန်ရေးဆောင်းပါများနှင့် ၂၀၁၀ ရွေးကောက်ပွဲ
မှတ်ပုံတင်ပါတီ ယခုနှစ် ဘောလုံးရာသီ ခြေနှစ်ချောင်းဈေးကွက်
အလုပ်မဖြစ်သော ရှေ့တန်း အလယ်တန်း နောက်တန်းတိုက်စစ်မှူးများ
ဒဏ်ရာရ အခြေအနေ အလဲအထပ် အငှားချရန် စီစဉ်ထားသော
ပြည်တွင်းပြည်ပ သတင်းမီဒီယာများအတွက်
မှတ်ပုံတင်ပြီးသော အသင်းအဖွဲ့ပုံစံများအတိုင်း
အိပ်ခ်ျအိုင်ဗွီ မိဘမဲ့ကလေး လူကုန်ကူးမှု မြန်မာဘောလုံးတိုးတက်ရေး
တရားမ၀င် ပြည့်တန်ဆာလုပ်ငန်း မြန်မာငွေတန်ဖိုး
ကိုးခရိုင်စီးပွားရေးမှ ကိုးခရိုင်စိမ်းလန်းစိုပြေရေးအတွက်
ဘောလုံးအကယ်ဒမီကျောင်းဖွင့်ရန် ငါးမိနစ်အလို
စိမ်းလန်းစိုပြေရေးက မြေအောက်ရေဆုံးရှုံးတယ်
အခင်းအကျင်း နှစ်ခုစလုံး အရှေ့ နဲ့အနောက်ကို ဦးတည်တယ်
ပြီးခဲ့သောဇာတ်လမ်းအကျဉ်းများအတိုင်း ဘက်နှစ်ဘက်မှာ
ရေအရင်းအမြစ် ဧရာဝတီလင်းပိုင် ထိန်းသိမ်းရေး ခြံစည်းရိုးကြက်ဆူ
နွေစပါးကို ထိန်းသိမ်းစောက်ရှောက်၍ ပြီး နှင့် မှ တို့ အား မူသော်
ကြီယာ ၆၀ သရုပ်ပြခဲ့
ပလပ်စတစ်ဆေးဆိုးအစများ ရှောင်ကြဉ် ကြွပ်ကြွပ်အိပ်ယဉ်ကျေးမှု ဖျက်သိမ်း
ကြော်ငြာစာတမ်းများ ထုတ်ပြန်
နားရေးကူညီမှုအသင်း ကြွေနေသောသစ်ရွက် အမြစ်တွယ်နေပုံ
တစ် နှစ် သုံး လေး ငါး ခြောက် ခုနစ် ရှစ် ကိုး တစ်ဆယ် ဂျက် ကွင်း ကင်း
အက်ကြောင်းများ ပြန်ချည်နှောင်နေ စိတ်တဆုံးဝင်သွားတဲ့ ရနံ့တွေက
လူကိုအတော်ဒုက္ခပေးပြီဆိုတော့ အသက်ရှူရတာ ပိုပြီးလေးလံ
လူလုံးပြစရာ အရောင်းအ၀ယ်ကိုမဖြစ် စိတ်အတွင်း အစာမကြေမှု
အက်ကြောင်းများ ကကြိုးလို လူကိုချည်နှောင်ခဲ့
စိတ်အဆုံးနစ်ဝင်သွားသော လူသားဆန်ခြင်း မဆန်ခြင်း အငြင်းအခုန်ရနံ့
ခေတ်ရေစီးကြောင်းအတိုင်း ကိုယ်ကပါးစပ်အဟောင်းသား
စိတ်က အာမေဍိတ်အဟောင်းသား
အဓိပ္ပာယ်တွေ မရှိခြင်း မရှိဖို့အတွက် လျက်ဆားလား ဆေးမီးတိုလား
ရှေ့ကိုလည်းမမျှော် နောက်ကိုလည်းမလှည့်ချင် ရပ်နေတာလည်းအလိုမကျ
ဘယ်လို တုံးလုံးလှဲလိုက်ရမလဲ
မတွေးချင် မခေါ်ချင်ဘဲ တွေးလိုက်ရတယ်
အရသာမရှိတဲ့ အရသာကို ဈေးကြီးပေး ၀ါးနေရသလို
မရှူချင်ဘဲ ရှူနေရတဲ့ နိစ္စဓူဝများ အပြင်....
ရပ်တော့ ညောင်းတယ် သွားတော့ ပင်ပန်းတယ်
ဘာလဲဆိုတော့ မေးခွန်းကို ဘာလဲလို့ ပြန်ပြန်မေးရတယ်
ချစ်စိတ်တွေ မကုန်သေးသရွေ့လား
မိုးတဖွဲဖွဲ စိတ်တခေါင်ခေါင် အပေါင်းအသင်းနည်းလာတယ်
သံသယများလာတယ် လိင်စိတ်က တာဝေးပစ် ဒုံကျည်
ကိုယ့်ကိုယ်ကိုယ် ခြိမ်ခြောက်မိတဲ့ အနုပညာက
အမြှီးဖြတ် ခေါင်းဖြတ်
အိတ်ထောင်ထဲက ပိုက်ဆံကို အပြင်ကျမသွားအောင် လူမိုက်ဆန်တော့လည်း
လုပ်အားခက တန်ဖိုးမမျှ
မျက်နှာတွေ မော့ကြည့်ရတာကို မမြင်နိုင်လောက်အောင်ကိုပဲ
လူတစ်ယောက်နဲ့ လူတစ်ယောက် မယုံသလို ရယ်ရတယ်
ဒီနေ့ခေတ်စမ်း စကားလား
ငါတို့ ဘယ်တော့မှ ဂိုဏ်းစတားဖြစ်မှာ မဟုတ်ဘူး
သိပ်ဆန်း သိပ်အန္တရာယ်ရှိတယ်ဆိုတဲ့ အမှိုက်တွေကလည်း
ခေါင်းထဲ ပုံနေလား
ရောက်ရာအရောက်က ငယ်မူပြန်ဒုက္ခတွေပဲ နေ့နဲ့ညမှား
အိမ်ကလေးတစ်လုံး ပိုင်ဆိုင်ကြတာချင်းအတူတူ
ပုတ်ခတ် ရှုတ်ချ ဘ၀ရှင်မင်းတရားကြီးလည်း ဂိုးပြတ်ရှုံးတာပဲ
ငါမယုံတော့ဘူး ငါနဲ့ ငါ့အစစ်အမှန်ကို မယုံတော့ဘူး
နာဇီလို့ မပြောနဲ့ ငါ့ကို နာဇီလက်သစ်လို့ မငေးနဲ့
သရေကွင်းကို သေမင်းနဲ့ ညီမျှခြင်းမချနဲ့
မင်းလည်း သီချင်းကို ကြိုက်လို့ဆိုတယ် ရေးတယ်
ငါလည်း ကဗျာကို ချစ်လို့ရေးတယ် မအောင်မြင်တာတွေ
ပြည်မဖောက်နဲ့ သစ်ပင်ဆိုတာလည်း သူ့အလုပ်သူ လုပ်နေတာပဲမို့လား
ဒီနေ့ ငါတို့ စိုးရိမ်နေသလို စိုးရိမ်နေကြတဲ့ ကားဟွန်းသံတွေ
ငါတို့ လက်တွဲထားပြီး အဝေးမှာ အနီးမှာ ပျောက်ဆုံးနေတဲ့ မိတ်ဆွေတွေ
သေကွဲလား ရှင်ကွဲလား ဘယ်လိုမှ ဆက်သွယ်မရ
မီးခလုပ်ကို ဖွင့်လိုက်တယ် ပြီးတော့ ပြန်ပိတ်လိုက်တယ်
ဘယ်လိုပြစ်ဒဏ်တွေနဲ့ ဆိုင်ကယ်ကို လီဘာအဆုံးဆွဲတာလဲ
လမ်းပေါ်မှာ ကလေးတွေ စွန်လွှတ်နေတယ်
လူဟာ ကလေးကို အလိုလိုက်ကြတယ်
လုပ်စရာတွေများနေတော့ ဘာလုပ်ရမှန်းမသိဘူး
ထင်ရှားသော မုန်လာဥ မျက်နှာချင်းဆိုင်မပြောရဲတော့
တိရစ္ဆာန်တွေလိုပဲ အလစ်ကို ချောင်းနေတယ်
ငါအခု ကစဥ့်ကလျား အိပ်ယာဝင်ပုံပြင်တွေနဲ့ ကျောချစရာတစ်နေရာ
တစ်ဦးနဲ့တစ်ဦး ကျားကွက်ရွှေ့သလို ကျွေးလိုက်စားလိုက် ဘာဖြစ်မလဲ
ရွှေဖလားနဲ့ ကြက်သားကိုင်ဆိုပါတော့
လိုင်းပေါ်တတ်လာတာတွေလည်း အကုန်ဂရုမစိုက်နိုင်ဘူး
အချစ်က ဆယ့်တစ်လမ်း လေးကွက်မှာ
အနားယူဖို့လည်း အသုံးချခွင့်က အတိုးနှုန်းများလာတယ်
မီဒီယာနဲ့ ရာစုသစ်က ချိန်ခွင်လျှာထဲ ရာသီဥတုက တစ်မှောင့်
ဖွဲ့စည်းပုံအခြေခံ ဥပဒေက အကာကွယ်မဲ့ ဆက်ဆံခဲ့သလို
အနုပညာကိုလည်း အကာကွယ်မဲ့ ပြုမူခဲ့သလား
ဝေခွဲမရတဲ့ ရှေးရိုးအစဉ်အလာများနည်းတူ
chemicalတွေထဲမှာ chemicalတွေပဲလား
မှန်ရှေ့ စိတ်နဲ့တောင် မပြစ်မှားရဲ ယုံကြည်မ၀င်ဘူး
လွတ်လပ်ပြီး တရားမျှတသော လူစုလူဝေးနဲ့ အရင်လို ပြန်ပြီးဆွေးနွေးချင်ပါရဲ့
ချစ်သောနှင်း၏ သွေးအား အချစ်နဲ့ပတ်သက်သော အရာများအား
ရှင်းပြရင်း ပြာအတိ ငါဖြတ်ခဲ့သော ရက်စွဲအချို့
ဒလိမ့်ကောက်ကွေး
ဇီးပင်က ဇီးဆူးက ဇီးရွက်ကို ဘယ်တော့မှ မဖောက်ဘူးတဲ့
တရံတခါတော့ ပန်းသီးက အပင်ရဲ့ အဝေးမှာကြွေတယ်
လူလူချင်း အမြင်မကြည်နိုင်
ဘယ်တော့ပြီးဆုံးမလဲ
ရေတွေ ဒလဟောတိုး သမိုင်းကြီး စီးနေတယ်
ဖလက်ဂန်းက ဖမ်းခဲ့တဲ့ လင်းခဲ့သော ပုံရိပ်များအတိုင်း
အာရုံပြောင်းရတာလည်း ကဗျာကို စနက်တံဖြုတ်ရလို့ပဲတဲ့လား
အမေနဲ့ သားနဲ့ မေမေနဲ့ ကျွန်တော်နဲ့
ဆင်းရဲတွင်းနက်လိုက် နီလိုက် ပြာလိုက် စိမ်းလိုက် ၀ါလိုက်
သေတယ်ဆိုတာ ရောဂါတွေထဲမှာ အနာဆုံးဒဏ်ရာပဲ
အထက်ပါအကြောင်းအရာများနဲ့အတူ
တစ်ဦးတည်း နေထိုင်ခြင်းနဲ့ အများကို ဂရုမစိုက်ခြင်း
အတိကျဆုံး စိတ်လှုပ်ရှားခြင်းများအတိုင်း
ဂုဏ်ကျေးဇူးရှိသော ပုံရိပ်များအတိုင်း
ညဟာ မှောင်သထက်မှောင်လာပြီ
သတိတွေရလိုက် သတိတွေပြန်ပေးလိုက်
လွန်လေပြီးသော အခြေအနေအတိုင်း ဂရုမပြုအား
သက်တောင့်သက်သာ မဲ့ဆဲ မြေမြုပ်မိုင်းများ ရှင်းလင်းရဆဲ
မြားများ ဇောက်ထိုးကျဆဲဆိုတော့
လေထူထဲမှာ ဘာတွေ အပြည့်ရှိနေလဲလို့
လမ်းပေါ်မှာ ဘယ်သူတွေရှိမလဲလို့ အကျိုးပဲ အကန်းတွေလို အိမ်တွင်းအောင်း
မီးအိမ်တွေ မီးမထွန်းပဲ ချိပ်ဆွဲ လွတ်လပ်မှုက တစ်ခန်းလုံး မလင်းနိုင်တာ
သတ္ထုသံတွေ လရောင်နဲ့အတူ စီးကျနေ
ငါအမြဲ အိမ်ကရေပဲ တောင့်တမိ
စီးကျလာတဲ့ မျှော်လင့်ချက်ကို ငေးရီရင်း
မျက်ရည်ကဖြစ်တဲ့ သက်တံဟာ
ငါ့ခေါင်းကို ဓားကို ကန့်လန့် စိုက်စူးနေပါတော့တယ်။ ။

တိုးနှောင်မိုး

ပက်ကြားအက် ရင်ခွင်

အသည်းကွဲခဲ့ဖူးတဲ့ ငါ
ချစ်ဦးသူနဲ့ ဝေးခဲ့ဖူးတဲ့ ငါ
ပတ်ကြားအက် ရင်ခွင်ကို
ပိုင်တာ မဆန်းပါဘူး…။

နွေမဆန်တဲ့ နွေကန္တာရထဲ
ပူလောင်ခြင်း အသီးတွေကို
အရည်ဖျော်သောက်လို့
မြတ်နိုးခြင်း သစ်ပင်တွေကို
ရှင်သန်စေခဲ့တာ ။

တကယ်တော့ ငါရူးသွပ်ခဲ့တာပါ
ဖတ်ဖတ်မော အားအင်တွေနဲ့
ငါ့ ရင်ကို ငါအားတင်းရတယ်
ဒဏ်ရာတွေ ဗရပွနဲ့
ပြိုင်းပြိုင်းထနေတဲ့ ငါ့ရင်ခွင်
အချစ်မိုးခေါင်ခဲ့လို့ ပက်ကြားအက်ခဲ့တာ
ပူပြင်းတဲ့ နင့်အချစ် နေရောင်တွေကြောင့်
ခြစ်ခြစ်တောက် ပူတယ်
ငါ့ရင်ထဲမှာတော့ မိုးခေါ်ပွဲတွေ
အကြိမ်ကြိမ်နွဲလို့ ဗုံတီးသံတွေနဲ့
ဆူညံဆဲပေါ့ ။ ။

ရောင့်ရဲ၊တန့်ဆည်၊

အတွေးစများ

ခဏခဏ ဖိတ်လျှံကျတဲ့
ရင်ဘတ်ထဲက အတွေး စ များ
တစ်ခါတစ်လေတော့ ခါးတယ်
နပ်မှန်ဖို့ကြိုးစားနေရတဲ့
ငါ့ခန္ဓာအတွက် အစာ
ဘယ်တော့များမှ နာလံထူနိုင်မှာလဲ
မတွေးမိပဲ တွေးမိနေတဲ့ အတွေးများ
ဝန်ပိနေတဲ့ ကားလို ဦးနှောက်ကို
အသံကုန် ဟစ်ကြွေးနေရတယ်
ကိုငှက်ကြီးလို တစ်နေ့စာအလွဲများနဲ့
အတွေးများကို နယ်ချဲ့ ဖူးတယ်
နီရိုးဘုရင် ဖြစ်ဖူးတယ်
ချီဂွေဗားရား ဖြစ်ဖူးတယ်
အသက်ရှင်ခြင်းရဲ့ အဘိဓမ္မာရှာခဲ့ဖူးတယ်
အတိတ်ကလုပ်ခဲ့တဲ့ အလုပ်တွေ
လုပ်နေဆဲ ပစ္စုပ္ပန်ရဲ့ အလုပ်တွေ
အနာဂတ်အတွက် လုပ်ရအုံးမဲ့ အလုပ်တွေ
အလုပ်တွေ…………အလုပ်တွေ……………
အလုပ်တွေ…………………………………….။

လွန်ကုန်ပြီ အတွေး စ များ
မေ့ထားလို့ရမဲ့ ဆေးတစ်ခွက်ကမ်းလှည့်ပါ
ရိုးသားစွာ ရူးသွပ်နေတဲ့
ငါ့ မနက်ဖြန် အတွက်……………..။

ရောင့်ရဲ၊တန့်ဆည်၊

ခိုင်ရဲ့ ကိုင်းမှာမကျွတ် မလွတ်တဲ့တစ္ဆေ

အဲဒီနေ့က ဖျားတယ်

သူမ မပျော်ရွှင်တော့ ကိုယ်လည်း မရယ်နိုင်ဘူး
ဆိုမိတဲ့သီချင်းက စကားလုံးတွေ ပျောက်နေတယ်
အိမ်အပြန်လမ်းမှာ ခွေးတွေ အရမ်းဟောင်တယ်
ရှင်ကျမဆီ ဖုန်းမဆက်နဲ့တေ့ာ
ကောင်ကင်လည်း ပြိုပြီ
တောင်ပံလည်း ကျိုးပြီ
ပန်းတွေ တဖတ်ဖတ်ပွင့်နေတာကို မြားပစ်သံတွေပဲ ကြားနေရတာ
မမြင်ရတဲ့ အချစ်နဲ့ စစ်ရှုံးသလိုနေ့တွေ
အကြည့်နဲ့လမ်းတွေကို ရပ်တန့်ပစ်လိုက်တယ်
ကမ်းတစ်ခုနဲ့တစ်ခု မနီးကပ်ခဲ့သလို
သင်္ဘောကြီးစီးပြီး ငါတို့ နေ့စဉ် ဝေးခဲ့ကြတာ
မမြင်ရပေမယ့် သတိရစိတ်နဲ့ အော်ခေါ်မိတယ်
ကြာရင် ရှင်မေ့သွားမှာပါတဲ့
စိတ်မှာ မီးစွဲသလို လောင်တယ်
ကွေးကောက်နေတဲ့လမ်းမှာ ငါတို့ မဖြောင်တန်းခဲ့တာ
ညညအိပ်မပျော်လို့ လရောင်ကို ထထစမ်းနေရတာ
မှောက်သွားတဲ့ကော်ဖီခွက်ကို ပြန်တည့်မတ်နေရတာ။
မီးကို စတင်တွေ့ရှိသူဟာ
ကမ္ဘာကြီးကို မီးထဲ ထားခဲ့တယ်
စနစ်တံ အဖြုတ်ခံထားရတဲ့ ဗုံးတစ်လုံး
ကျမ အကြောင်းမတွေးရရင် သေမတဲ့လား ရယ်ရတယ်
ရင်ထဲစူးဝင်နေတဲ့ ဆူးတစ်ချောင်း ဘယ်လိုနှုတ်မလဲ
အခု သွားပြီ ။ ငါ့ဘ၀လည်း မရှိတေ့ာဘူး
အိပ်မက်ကို ကြောက်လို့ ထထိုင်မိတာ
နှလုံးသွေးထဲ တစ်ညလုံး မင်းအကြောင်းပဲ ဆူပွက်နေတယ်
မင်းမရှိတေ့ာတဲ့ အနာနဲ့
ဓားနဲ့ ရှမိသလို ညတွေ
ငါ့ညတွေ ငါ့ပြန်ပေး
ငါပြန်မယ်
ကမ္ဘာထဲက ငါ့ကို ဖဲ့ထုတ်လိုက်
အခု ငါလမ်းမပေါ်
မရှိတော့တဲ့ အသက်နဲ့
သွေးထဲက ပြန်မထွက်တေ့ာတဲ့ အဆိပ်နဲ့
တစ္ဆေတစ်ကောင်
သူ့ကိုယ်သူ ခြောက်လှန့်လို့
လမ်းရှိသလောက် .... လွင့်လို့။

လွင့်သွားတဲ့ လေအတိုင်း
ပွင့်နေတဲ့ ရင်ဟာ
ထုတ်ချင်းပေါက် မြင်နေရတယ်။ ။


ဆောင်းဝေ
23.8. 10

ရင်မှာရှသွားတဲ့ သီချင်း

မြို့ထဲ ကျွန်တော့် တွေ့မိသေးလား
ညီမလေးကို တွေ့မိသေးလား
ရှုမျှော် ခင်းကိုဖွင့်ချလိုက်တေ့ာ
မြက်ခင်းစိမ်းစိမ်း။ သစ်ပင်စိမ်းစိမ်း
အခု ကိုယ်စိမ်းလန်းနေတယ်။

ကျောက်ဖြစ်ရုပ်ကြွင်းထဲ သမိုင်းဟာရွေ့နေသလို
ကိုယ်လည်း အခုမှ လှုပ်လာတယ်။
အသားထဲ ဆုူးတွေစုးဝင်နေသလို
ကမ္ဘာဟာ စစ်ပွဲကို မလိုချင်လည်းရခဲ့တယ်
ကိုယ်လည်း အလွမ်းနဲ့ လောင်ခဲ့တယ်။
...............ရေ
ပြေးနေတာတောင် မဝေးတော့
မင်းမရှိကမ္ဘာဟာ ကိုယ့်အတွက် အသေပေါ့။

ဒီလိုနဲ့ အမှောင်မှုာ
သစ်ကိုင်းလေးတွေ တဖျောက်ဖျောက်ချိုးလို့
ဂစ်တာအိုးကို တဒေါက်ဒေါက်ခေါက်လို့
တလွှာချင်း တချပ်ချင်း။ မုန်တိုင်းလို မြေငလျင်လို
သတိရခြင်းကိုပဲ ရခဲ့တယ်။

တကယ်ပါ
အချစ်မှာ စစ်ရှုံးရတာ
ကိုယ့်မှာ
ပျော်ရတယ် ။

ဆောင်းဝေ
20 . 7. 2010

ရန်ကုန်တစ်ဖက်ကမ်း

ရန်ကုန်တစ်ဖက်ကမ်း
တစ်ဖက်ကို ဟိုဘက်ကမ်း ချထားတာ
ရေက ထိုးခွဲလိုက်လို့ မြို့က နှစ်ခြမ်းကွဲသွားတာ
ရင်နှစ်ခြမ်းကွဲသွားတာ။

ဒီဘက်ကမ်းက တွန်းထုတ်လိုက်ရင်
မျက်ရည်မြစ်မှာ ဘ၀တွေလွင့်သွားတာ
ရေမှာအသိုက်ဖွဲ့နေရတာ
လေထဲမှာ ဖုန်မှုန့်တွေလွင့်သွားတာ။

မြေနဲ့လေနဲ့ ကမ္ဘာဆိုပေမယ့်
ရေနဲ့ ရထားတဲ့ ကိုယ်ဝန်သယ်မြို့လေး
ပျော်သလောက် ပျော်တော်ဆက်နေရတယ်။

ကွမ်းယာ ဆေးလိပ်၊ ဂျာနယ်သမား
ဂဏန်ပုဇွန် ဘ၀လတ်လတ်ဆတ်ဆတ်တွေ
ရင်နဲ့ရင်းပြီးနားထောင်
ချစ်တတ်ရင်
ငိုသံတွေလည်း လှတယ်။

ဒီလိုနဲ့ရောက်လာခဲ့တယ်
အိပ်မက်စိုက်ခင်းများ
လူငယ်များနှင့်တကွ
ဒလ ။ ။

ဆောင်းဝေ
24.6.2010

ဖာထေးထားတဲ့ စိတ်ကူးနဲ့ မိုးခေါင်နေတာ တကယ်

ရယ်စရာကောင်းတဲ့ အဖြစ်တစ်ချို့က နဖူးကို ချိန်ရွယ်ပစ်လိုက်တယ်
ဗလုံးဗထွေး အတွေးများ အစိပ်စိပ်အဖြာဖြာ ပြန့်ကျဲလွင့်ပါးသွား
မောပန်းတကြီး ပွေ့ထူလိုက်မိတယ်
လက်ထဲ ဆုတ်ကိုင်မိတဲ့ အစအနလေးတွေ တိတ်တဆိတ် ဖြန့်ကြည့်မိ
ဟာ...ဘယ်မှာလဲ
မတွေ့ရခြင်းကို တွေ့နေရ ကြားနေရ ထပ်တွေးနေရ
နောက်ထပ်လေဟာနယ်ပေါင်းများစွာထဲ တစ်ခုခု ရှိ်မလား
ရချင်တယ်...မရဘူး ထပ်ရချင်တယ်...အထပ်ထပ် ဝေးသွား
တည်ဆောက်မိပေမယ့် တဒင်္ဂဟာ တဒင်္ဂစစ်စစ်ကို ဖြစ်
မပျက်စေနဲ့ ပျက်ခြင်းဟာ ဖြစ်စဉ်က ထပ်ပြီးပျက်
အမှောင်ကို အလင်းထဲ မျက်စိမှိတ်ရှာမိတယ်
အလင်းက အမှောင်ချောင်မှာ ပုံးကွယ်လို့
ဖွင့်လိုက် ပိတ်ခြင်းဟာ ဖွင့်ခြင်းကို စောင့်၊ ဖွင့်ခြင်းဟာ ဖွင့်ခြင်းကို ပြန်စောင့်
ပြန်စောင့်နေကြ ပြန်စောင့်နေကြရင်း
ဆက်သွယ်မှု ဧရိယာပြင်ပလို့ ပြောပြန်တယ်
ဘယ်အထိ ဘယ်နှမိုင် ဘယ်ကမ္ဘာ ဘယ်စကြ၀ဠာလဲ
တကယ်မဟုတ်ရပါဘူး
ရင်ထဲမှာ ပျောက် နှလုံးသွေးမှာ ပျောက် ဘ၀ထဲမှာ ပျောက်
လူတွေကို တစ်ခု တစ်ကောင် တစ်ယောက်က ချောင်းနေမယ်
လူတွေက တစ်ခု တစ်ကောင် တစ်ယောက်ကို ပြန်ချောင်းမယ်
သံသယကို ထက်မြအောင် သွေးရင်း တစ်ဦးနဲ့ တစ်ဦး
စိတ်ထဲထိ နစ်မြှုတ်သွားအောင် ခုတ်ပိုင်းလိုက်ကြ
တွန့်ဆုတ်တွန့်ဆုတ်နဲ့ နီးလာတဲ့ သေခြင်း
အတင့်ရဲလာတဲ့ ကိစ္စတွေ တစ်စစ ကူးစက်လာကြောင်း
အတည်ပျက်ခြင်း မှာ ပျော်မွေ့နေကြောင်း
အမြင်တွေ တစ်ဖက်ထဲ မြင်နေရကြောင်း
မင်းတို့ပဲ မင်းတို့ဖြစ်ကြောင်း၊ ငါတို့ပဲ ငါတို့ဖြစ်ကြောင်း
အိတ်သွန်ဖာမှောက် တွယ်တတ်လာတဲ့ နွယ်တွေ
ကြာလေ ရှုပ်လေ ရှင်းမရလေ ဖြစ်ကြောင်း
ဖန်တီးထားတဲ့ စမ်းချောင်းလေးမှာ အပျော်ရှာကြရင်း
ဖာထေးထားသော စိတ်ကူးနဲ့ မိုးခေါင်နေတာ
တကယ်ကို ကြာနေတာ မမှတ်မိတာ ကြာပြီ။ ။

နွေဦးကို

ဒီသူငယ်ချင်းကတော့ ဒီနေ့ နေ့လည် ၁၂း၁၀ လောက် ရောက်လာတယ်။ သူက အခု စရဏမဂ္ဂဇင်းမှာ အယ်ဒီတာလုပ်နေတာပါ။ ပြောပြဖို့ စောနေသေးတဲ့ အကြောင်းတစ်ခုလဲ ပါလာတယ်။ အဲဒီအတွက် တိုင်ပင်ကြ
သူ့စိတ်ကူးကို ပြောပြ။ ကိုယ်စိတ်ကူးကို ပြောပြ။ လူကြိုက်များဖို့ လူထဲရောက်ဖို့ ဘယ်လိုပြင်ဆင်မယ် ဘယ်လို
မြှင်တင်ရေးလုပ်မယ် စသဖြင့်အများကြီးပါ။ လိုဂိုကိစ္စတွေ မူကြမ်းစီမံထားတွေ စုံလို့။ နောက်တော့ သူရေးဖြစ်တဲ့
ကဗျာကို ထုတ်ပြတယ်။ ကိုယ်ရေးဖြစ်တဲ့ ကဗျာကို ထုတ်ပြတယ်။
သူက စရဏမဂ္ဂဇင်းအတွက် ကဗျာတစ်ပုဒ်ယူသွားတယ်။
ကိုယ်က ပင်ကူအန်တိမ်တိုက်တင်ဖို့ ဒီကဗျာတစ်ပုဒ် ယူထားလိုက်ပါတယ်။
နောက်တော့ မောင်မင်းစိုး(ရွှေနံ့သာ)ဆီကို သွားကြတယ်။ ရွှေဂုံတိုင် ဒီဘက်ထိပ် ကားပေါ်ကလဲ ဆင်းရော့
မောင်မင်းစိုး၊ ဖိုးဆောင်း၊ ထင်အောင်တို့ကို တွေ့တယ်။ လဖက်ရည်ဆိုင် ထိုင်၊ ရယ်စရာတွေ ပြော။ စကားတွေပြောပြီး
နောက်
လမ်းခွဲခဲ့ကြတယ်။
ဒါပါပဲ။

ဆူးရင့်

အစိပ်အပိုင်းများဖြင့် တစ်စိပ်တစ်ပိုင်း သို့လော သို့လော

မြို့ကြီးကြီးလိုလို လူနေထူထပ်နေသလိုလို တကယ်ပဲ ရှုပ်ထွေးပွေလီနေသလိုလို
လိုသလို လိုအပ်တာတွေရော မလိုအပ်တာတွေရော
လိုအပ်တာ အငယ်လေးတွေ အတွယ်လေးတွေ အစွယ်လေးတွေ ထွက်နေကြတာ
အရွယ်လေးတွေ ရလို့ ရွနေကြတာ။

မကောင်းရင် ကျောင်းကို ပို့လိုက် မလန်းရင် ခွေခေါက်ထားလိုက်
ခေါက်လို့ တွန့်ကြေသွားတဲ့ အဟောင်း၊ အဆွေး၊ အရိ၊ အရွဲ၊ အပုတ်၊ အသိုးတွေ
အသစ်ကလေးဆို သေးသေးလေးကအစ သုတ်လိုက်
မြန်မြန်
သေးသေးလေးက
အပြာရောင်မီးတောက်လေးကို ခြစ်ပြနေလို့
အချစ်လို့ ခေါ်လိုက်ရမလား။

ပူစီတွေက မူလီတွေနဲ့ရောပြီး ရစ်လိုက်ကြ
ကြပ်လွန်းတော့ အရစ်တွေ ပြုန်းထွက်ကုန်တာပေါ့
ကုန်သွားတော့ အပြုံးတွေကိုယ်စီဟာ မလတ်မဆတ်
ဆက်၍ ရှိနေခိုက် ခိုက်လို့ တဆတ်ဆတ်ခါပြနေတာလား ထင်ရ
ခါချနေတာလည်း ဖြစ်နိုင်သလို
နည်းနည်းလေးမှ အထိမခံနိုင်တာ ကိုက်နေလို့ပဲ။

စတန့်သမားတွေက တစ်မှောက်
ဂလန့်သမားတွေက တစ်လျှောက်
စိတ်ခဲကြွတွေက ဂေါတ်တောက်တောက်
အပူတွေလိုက်လိုက်စုနေတဲ့ အပူသည်တွေနဲ့
အမှုတွေလိုက်လိုက်စုနေတဲ့ အမှုသည်တွေနဲ့
အရူးတစ်ပိုင်းကို ရေနဲ့ရောရောသောက်တဲ့ ငမူးတွေနဲ့
အခန်းလွတ်တွေနဲ့ တစ်ခန်းလွတ်နေတဲ့ ငထူးတွေနဲ့
အနံ့အသက်မကောင်းတဲ့ အူတူတူ ငအူကောင်တွေ
ဒါနဲ့ ရောနှောဆက်ဆံလိုက်ခြင်းက ဘာများ အဓိပ္ပာယ်ရှိပါသလဲ။

လူအထင်ကြီးခံချင်နေတာ တမျိုး
အချောက်တိုက် နာမည်ကြီးချင်နေတာ တဖုံ
ဤဆေးကို ဘယ်လို ရောစပ်သုံးစွဲမလဲ
ကိုယ်ဘာဖြစ်ချင်လို့ ဖြစ်ချင်မှန်း မသိတဲ့ သတ္တ၀ါကောင်တွေ
ဤဆေးကို လှုပ်သောက် လှုပ်သောက်
လူအရာမ၀င်တဲ့ လူဖြစ်ပြီး သူငယ်နာ မစင်တဲ့ လူတွေ
ဤဆေးကို လှုပ်သောက် လှုပ်သောက်
သတိပေးနေရသေးတယ်။

အစကတော့ ဆွဲလိုက်ပြီ
ဘယ်လိုက စပြီး ဘယ်လို ဆုံးလိုက်ရမှာလဲ
ဘာဖြစ်လို့ ဘာဖြစ်လိုက်မှန်းတောင်
မသိလိုက်ဘူးတဲ့ မြွေတွေ ဖမ်းနေကြတာ
ရေမြွေတွေလား၊ မြွေဟောက်တွေလား
အဆိပ်ရှိ မရှိ ခွဲတောင် မခွဲဘူး။

ဝ/၀စား၊ ဝေး/ဝေးနေ၊ ၀င်မရှုပ်နဲ့
ဝတစ်လုံးဆောင် အိုတောင် မဆင်းရဲ
အကောင်းကြီးရင် အားနည်းနည်းပဲ ပိုစိုက်ရတယ်
ရူးချင်ရင် ထမင်းလွတ်အောင်ရူး
အထူ အပါးထက် လူစကားကို ပိုနားလည်ကြပါခင်များ။

ကောင်းတာလေးတွေမှ လှတာလေးတွေမှ
အလွန်အင်မတန် နှစ်သက်
လူတစ်ကိုယ်လုံးပေါင်း တစ်ကျပ်တောင် မပြည့်တဲ့ သူတွေ
ကလေးကစားကွင်းထဲ ပြေးဝင်နေချင်သလိုလို
မိုးပျံရထားပဲ စီးချင်နေသလိုလို
သရဲခြောက်တဲ့ အိမ်ကြီးထဲ ရောက်နေသလိုလို
ဟို မရောက်၊ ဒီ မရောက်
ဘာလုပ်လို့ ဘာကိုင်ရမှန်းမသိတဲ့ ကလေးလူကြီးတွေ ပေါမှပေါ။

အသစ်အဆန်းလေးတွေဆို
မျောက်လက်ထဲ သေနတ်ရသလို
တွေ့ကရာ မြင်ကရာ တဒိုင်းဒိုင်း
မျောက်တစ်ဝက် လူတစ်ဝက်ကောင်တွေက
မြှောက်မြှောက်ပြီး အမြှောက်နဲ့ ပစ်ချနေတာ
မြောက်နေတာပဲ မြေကို မထိဘူး။

တစ်ယောက်ထဲ ဟိုဘက်နည်းနည်းလောက် တိုးပါဦး
ဘောင်းဘီကြပ်နေတဲ့ တက်တူးကောင်တွေ
အရေပြားနာတာထက် သူလိုကိုယ်လိုပါပဲ
မတူတာက သွားရည်တွေ ယိုကျလာပြီး
ခွေးရူးပြန်သလိုလို ၀က်ရူးပြန်သလိုလို ဖြစ်နေတာက လွဲရင်။

ကြယ်တွေကို လိုက်ဖမ်းလိုက်ဦးမယ်
ကြယ်သီးတွေ ဖြုတ်လိုက်တယ်
အတောင်ပံတွေ ရနေပြီ
အာကာသထဲ ပျံတတ်သွားတဲ့ ငကောင်းတစ်ယောက်က
အကျမှာ အစအနတွေနဲ့ အသက်ကင်းမဲ့။

အခန်းတံခါးတွေပိတ်
စန္ဒယား ခလုပ်တွေနှိပ်
ဟေ ဟေ့ ပျော်စရာကြီး
အန်ကယ်ကြီး အသက်က (၆)ကွေ့ ကျော်နေပြီ။

Aဇယားဝင်လာတဲ့ ရှောခ့်ပဲ
B.C က သူ့အဆင့်နဲ့သူ နေသာထိုင်သာ
D တွေ ၀င်လာတာက ရေတွေ မဟုတ်ဘူး
A ကိုက်လည်း သေတတ် D ကိုက်လည်း အနေခက်
ခက်ခက်ခဲခဲတွေကြောင့် မသာမယာတွေ ဖြစ်လို့
မသာတွေ ပေါ်ကုန်ကြပြီ။

အချိန်တန်ရင် အိမ်မပြန်နိုင်ကြ
ကွိုင်တွေလိုက်လိုက် ရှာနေတာ အထပ်တွေမှာ ငဖြဲတွေက
ထိုနေရာမှာ အထပ်လိုက် အထပ်လိုက် ပြုံလို့။

ထစ်ခနဲ့ဆို တိုင်ပင်ကိုက်ပြီးသား တိုင်တွေ ပတ်နေတာလည်း
ရှင်းလို့ကို မရဘူး အရှုပ်ထုတ်တွေ အထုတ်တွေ
သယ်သယ်လာကြ အလုပ်တွေ ပေးနေတာ။

လာမထိနဲ့ ထိရင် ငြိမယ် ငြိရင် ဆွဲစားပစ်လိုက်မယ်
မလုပ်နဲ့ တားမရ ဆည်းမရ
ဆလိမ်နဲ့ မဆိုးပဲ ဇကွဲနဲ့ ဆိုးတဲ့ ဇိုးတွေ
လမ်းလျှောက်ရင် ဇပ်တောက် ဇပ်တောက်နဲ့။

ဘာပဲလိုလို ဦးစားကြီး ရှိတယ်
တစ်ခါ တစ်ခါ ကြော်ငြာဝင်တတ်တဲ့ ဘီးကြဲကြီးက ပြူးပြူးပြဲပြဲ။

လာထား အိတ်မစိုက်ရရင် ပြီးရော
ရစရာ ရှိရင် ရှိတာ အကုန်ယူ
အပီအပြင် ယူ/ယူနေတဲ့ အပေါင်းအသင်းတွေ
ဟိုမှာ ယူကုန်ကြပြီ အပိုင်။

ဘာရမလဲ ဟုတ်သော်ရှိ မဟုတ်သော်ရှိ
မဟုတ်မှ လွဲရော
ရှိတာ အကုန်ထုတ်
အိမ်တိုင်ပါ ချွတ်ပြီး ပုံအောလိုက်
တစ်ဘ၀လုံး မွဲခဲ့တဲ့ ငမွဲက ပုံးတွေ ပါးစပ်ဖျားကကို မချဘူး။

မဟုတ်က ဟုတ်ကတွေ
မဟုတ် မဟတ် လုပ်တတ်တာတွေနဲ့
ဟုတ်တာရော မဟုတ်တာရော
ရောရောချလိုက်တဲ့
ရောတောရှိ ရောတောရှိတွေ ရှိပါစေတော့
လိုက်လို့ကို မမီဘူး မှတ်တောင်ထားရဦးမယ်။ ။

မင်းသက်ဇဉ်

မနေ့က (၂၀)ရက်နေ့ နေ့လည်ခင်းပိုင်း(၁၂)နာရီ ကျော်ကျော်လောက်မှာ သူငယ်ချင်း မင်းသက်ဇဉ် အလည်ရောက်လာပါတယ်။ တစ်ယောက်တည်း လွယ်အိပ်တစ်လုံးနဲ့ မြေနီကုန်းမှာ အလုပ်ရှိလို့ လမ်းသင့်တာနဲ့ ကိုယ့်ဆီ ၀င်လာတယ်လို့ ပြောတာပဲ။ သူနဲ့ မတွေ့ဖြစ်တာ (၇)လကျော် ကြာသွားပြီ။ အဲဒီကာလအတွင်းမှာ သူ့ဆံပင်တွေဟာ ချေဂွေဗားရားပုံ ပေါက်သွားတယ်လို့ ကိုယ်ထင်မိတယ်။ သူ့အတွက် ရှိတာလေးနဲ့ လှလှပပ ဧည့်ဝတ်ပြုလို့။ သူကံကောင်းတယ်....အရင်နေ့ နောက်နေ့တွေ လာမယ်ဆိုရင် အခုပြောနေတဲ့ ရှိတာလေးက ဘာမှရှိတာ မဟုတ်ဘူး။ သူလာမယ့် ဒီနေ့ကျမှ မန္တလေးက သူငယ်ချင်း ဖက်တီး ရန်ကုန်ကို ရောက်လာပြီး ထိုးမုန့်တစ်ထုပ် လက်ဆောင်ပေးလို့ အဲဒီထိုးမုန့်နဲ့ သူ့ကို ဧည့်ခံလိုက်တာဟာ ရှိတာလေးနဲ့ ဧည့်ဝတ်ပြုတယ်ခေါ်တယ်။ တစ်ဇွန်းစာ တစ်ကိုက်စာလောက် ကိုက်စားပြီး သူလည်း အီသွားရော။ ကဗျာတွေအကြောင်း ပြောဖြစ်ကြတယ်။ ကိုယ်ရေးဖြစ်ပြီး သူမသိသေးတဲ့ ကဗျာတွေ...သူရေးဖြစ်ပြီး ကိုယ်မသိသေးတဲ့ ကဗျာတွေ ခါးကြားက သေနတ်တွေ ထုတ်သလို သူကလည်း သူ့လွယ်အိပ်ထဲက ထုတ်၊ ကိုယ်ကလည်း ကိုယ့်လွယ်အိပ်ထဲက ထုတ်ပြီး တစ်ယောက်ရင်ဘတ်ဆီ တစ်ယောက်ပစ်ကြ။ တစ်ယောက်က တစ်ယောက်ရဲ့ ကဗျာကို ဖတ်သလို တစ်ယောက်ကလည်း တစ်ယောက် ကဗျာကို ဖတ်ကြ။ ပြီးရင် ဝေဖန်ကြ လေကန်ကြ မှတ်ချက်ပေးကြ၊ သူက ပေဖူးလွှာမဂ္ဂဇင်းအတွက် ကိုယ့်ကဗျာတစ်ပုဒ်ကို ယူသွားသလို ကိုယ်ကလည်း သူကဗျာတွေထဲက ဒီတစ်ပုဒ်ကို ပင့်ကူအန်တိမ်တိုက်အတွက် ယူထားလိုက်တယ်။ နေ့ခင်း (၁)နာရီလောက်မှာ သူပြန်သွားတယ်။ သူက လွယ်အိပ်ကို လွယ်လို့၊ ကိုယ်ထင်မိတဲ့ ချေဂွေဗားရား ဆံပင်ပုံကို သူ့ခေါင်းမှာတပ်လို့။ ကိုယ့်က ကိုယ့်ခြေထောက်ကို ကိုယ်လှမ်းလို့ သူမထင်မိတဲ့ အိုဘားမားဆံပင်ပုံကို ကိုယ့်ခေါင်းမှာတပ်လို့...တဖြည်းဖြည်း... တရွေ့ရွေ့ ဝေးလို့..........သူပေးထားတဲ့ ဒီကဗျာကို စာစီတယ်။ ပြီးဆုံးချိန်ကတော့ 21. 8. 2010 မနက် 1:55မိနစ်လို့ အားနေရင် မှတ်ထားလိုက်ပေါ့။ မမှတ်လည်း ဘာမှတော့ အရေးကြီးတဲ့ ကိစ္စမဟုတ်ပါဘူး။

ဆူးရင့်

FREE SIZE ကဗျာတီရှပ်

မင်းဒီနေရာမှာ ဘာလုပ်နေတာလဲ အန္တရာယ်ရှိတယ်
လူကူးမျဉ်းကျားမှ ကူးပါ ပျော်ရွှင်ဖွယ်ရာတွေကို ဓာတ်ပုံရိုက်မယ်
DEMENTIAလို့ ခေါ်တဲ့ ရောဂါကြောင့် ဖြစ်တတ်တဲ့ စိတ်ဖောက်ပြန်မှုစတဲ့ ရောဂါတွေဟာ
လမ်းလျှောက်ခြင်း လေ့ကျင့်ခန်းမှန်မှန်ယူခြင်းတို့ကြောင့်ရောဂါဖြစ်ပွားမှုကို တားနိုင်ပါတယ်
ခေတ်ကို ကြုံတွေ့ရမှုက မပြောချင်တာတွေ များနေပေမယ့် အရိပ်တွေ့ရမှာပဲ
Plz a,s,l ရန်ကုန်အနုပညာမြေမှ ကြိုဆိုပါတယ်

မျှော်လင့်ချက်ဟာ နေလောင်ခံထားရတယ်
တကယ်လို့ မျှော်လင့်ချက်ဟာ ဓားထိုးခံထိတယ်ဆိုရင်
သူ့ရဲ့ ဓားထိုးခံထိတဲ့ အလောင်းကောင်ဓာတ်ပုံကို
ဂျာနယ်ထဲမှာ မြင်မကောင်းရှုမကောင်းအောင် ထည့်ထားရင် သင်ဘယ်လို ခံစားရမလဲ
ကိုယ်က မြစ်ဘက်က မော်တော်ခုတ်မောင်းသံကို နားထောင်နေတတ်တယ်
ဝူးရှီဂယ်လို အသည်းကွဲတာ မဆန်းပါဝူး
ချစ်မေတ္တာမှိုတက်နေပြီဆိုတာပဲ
ဖြောင့်တဲ့ သစ်ပင်ဟာ အရင်အခုတ်ခံရတတ်တယ်
စိတ်အတွင်းထဲက မီးလောင်ဖုတွေ ကိုယ်ရေတွက်တယ်
အကြမ်းဖက်မှုရဲ့ ရက်စက်မှုတွေ
အိမ်တွေဟာ သံပန်းတံခါးတွေကို အလုံပိတ်ထားပြီး
သူစိမ်းဆန် သံသယလူခေါ်ခေါင်းလောင်းကြိုးတွေကို တွဲလောင်းချထားတတ်တယ်
ကဗျာအနုပညာအတွက် ဈေးကွက်မရှိဘူး ကျော်ကြားမှုက
ခပ်ညံ့ညံ့ဖျော်ဖြေမှုတွေအပေါ်မှာပဲ ငွေတွေကို ပြည့်လျှံစေတယ်
ပါးကို ခပ်ပြင်းပြင်းထိုးထည့်ပစ်မိမယ်
ကျွန်တော်က ကျွန်တော်ကဗျာရေးတယ်ဆိုတာကို ကဗျာထဲ ထည့်ရေးမိတယ်
ချက်ချခံထားရတဲ့ တံခါးကြားကနေလည်း ကြယ်တွေကို ချောင်းကြည့်တတ်ခဲ့ပါတယ်
ပျော့တွဲနေပါတယ်

စိုးမင်းအောင်
၂၀၁၀၊ ဇူလိုင်၊ ၂၇။
မနက် ၈ နာရီ ၄၅ မိနစ်။

မှတ်ချက်။ ။အနီရောင် ပေးထားသော စာကြောင်းမှာ ဆရာမြသန်းတင့်၊
အတ္ထုပ္ပတ္တိ၏ အတ္ထုပ္ပတ္တိစာအုပ်၊ စာမျက်နှာ(၉၀)မှ စာသားဖြစ်သည်။

ဝေးဝေးက ဝေ့နေတဲ့ အသံ

နွေခေါင်ခေါင်မှာ ရေကို ဆာသလို ကဗျာကိုဆာတယ်ကဗျာက ဆာလောင်မှုတစ်မျိုးလား။ငယ်ငယ်က တစ်စုံတစ်ရာကို လွမ်းသလို ကဗျာကိုလွမ်းတယ်ကဗျာက လွမ်းဆွတ်မှုတစ်မျိုးလား။အလေ့ကျ အပင်လို တွေ့ကရာ ပေါက်ဖွားတယ်ကဗျာက လွယ်ကူတဲ့ အနုပညာလား။ကဗျာဟာ ဘယ်အရပ်မှာ ကျင်လည်နေပြီးဘယ်ကောင်းကင်အောက်မှာ နားခိုသလဲ။ကဗျာက ကဗျာဆန်ဆန် ကဗျာဖြစ်သလိုမျိုးကဗျာက ကဗျာမဆန်ရင် ကဗျာမဖြစ်နိုင်ဘူးလား။ကဗျာမှာ အမည်နာမ မရှိသလို ကဗျာက ပရမတ္ထသစ္စာလား။ကဗျာက လွတ်လပ်ကောင်းကင်ရဲ့ သင်္ကေတဖြစ်သလိုကဗျာက မလွတ်မလပ် မွန်းကြပ်ပိတ်လှောင်ခြင်းရဲ့ ထွက်ပေါက်လား။ကဗျာမှာ နားမရှိသလို ကဗျာက နှလုံးသားခေါ်တိုင်း ပြန်ထူးတတ်သလား။ငါက ကဗျာရေးသလို ကဗျာက ငါ့ကို မရေးဘူး။ဒါ ကဗျာလား၊ ကဗျာနဲ့တွေ့ မှ မေးကြည့်ရဦးမယ်။

အတည်မဲ့

စွန့်လွှတ်/စွန့်ထုတ်ခြင်း၊ ပြန်လည်သိမ်းဆည်းခြင်း

ပုံစံနဲ့ ကိုက်ညီအောင် သေချာစဉ်းစားပြီး ပထမဆုံးခြေလှမ်းကို စတင်လိုက်ပါတယ်
ဖြတ်သန်းသွားလာနေတဲ့ မိုးတိမ်တွေကို အဆွေးများသဖွယ် တွေ့ရပါတယ်
လိုမယ်ဆိုရင် ဖုန်းနံပါတ်တစ်ခုကို ခေါ်လိုက်လေ
ကမ္ဘာကလည်း ညစ်ညမ်းတယ် ဟိုနိစ္စဓူဝကလည်း ညစ်ညမ်းတယ်
ဗလာကိုယ်ထည်လေ ဗလာဗလာပါ
တစ်စုံတစ်ရာကို အတင်းဆွဲဖက်ထားသလိုမျိုး ပျော်ရွှင်မှုကို ကျွန်တော်ဆွဲဖက်ထားတယ်
ရှေ့လမ်းချိုးတစ်ခုမှာ သူချိုးသွားတယ် ကျိုးသွားလိုက်တာမှ
ရင်ဘတ်စည်တီး ရင်ကြီးမီးလောင် ရင်ပပ်ကြားအက် ရင်ဖရိုဖရဲ ရင်ကစဥ့်ကလျား
အားလုံးဒီအတိုင်း ယခင်အတိုင်းလေ ညစ်ညမ်းမှုအကုန်လုံးကို သန့်စင်အောင်တော့
အကျိုးမဆောင်ပါနဲ့ ငြိမ်နေတဲ့ လူဆိုတာလည်း တစ်ချိန်တည်းမှာပဲ
လှုပ်ရှားနေသလို လှုပ်ရှားနေတဲ့ လူဆိုတာလည်း တစ်ချိန်တည်းမှာပဲ
ငြိမ်ကျသွားတာမျိုး ချောက်ချားမှုကို ရူးသွပ်ဖွယ်
ကိုယ်ခြောက်လှန့်ထုတ်မိတယ် အခုအထုပ်ဖြစ်သွားတာက စိတ္တဇအရှုပ်ထုပ်လေ
မနက်ခင်းလည်း ပြုလုပ်သန့်စင်နိုင်တဲ့ အနေအထားမရှိအောင် နေ့လယ်ခင်းလည်း
ဆေးဖက်ဝင်နေ့လယ်ခင်းမဖြစ်နိုင်အောင် ညခင်းလည်း အမှုန်အမွှားဘ၀ထဲက
ရုန်းမထွက်နိုင်အောင် ကိုယ်ဖြစ်ရတယ် ဒါကလည်း သဘောကို ပြောတာပါ
ကျွန်တော်ပြောတာကို သဘောပေါက်လား မပေါက်လည်း သဘောကို
ဒီအတိုင်းထားခဲ့လိုက် ပေါ့ပေါ့ပါးပါး ပေါ့ပေါ့ပျက်ပျက်တော့ မလုပ်နဲ့
ပိုနေရင် ခုတ်ချလိုက် စတန့်များရင် ဂန့်သွားမယ် ပေါ်ပင်မလုပ်နဲ့ ငါ့ရင်ထဲ
အမှိုက်တွေ လာမပစ်နဲ့ သဘောကို ပြောတာပါ ပေါ်ပင်မလုပ်နဲ့ဆိုပါတော့
ဖြည့်စွက်စရာဟာ တစ်နေရာရာမှာ ရှိနေတယ် ကိုယ်ခေါ်ရာ လိုက်ခဲ့တော့လို့
ဇွတ်မတိုက်တွန်းလို ပြောမယ် ပိုက်ဆံဟာ မိုးပေါ်က ကျလာမယ့်နေ့
တနင်္ဂနွေမဟုတ်လည်း လက်ထပ်မယ် ငြိမ်ငြိမ်လေးနေလိုက် မီးပျက်သွားတဲ့
လေအေးပေးစက်လို ဒါပေမဲ့ တစ်ခုခု တို့လိုနေတာတော့ အမှန်ပဲ ပျော်ရွှင်စရာဟာ
ကမ္ဘာမှာ ပျက်သုဉ်းပျောက်ကွယ်သွားပြီလို့ မဆိုလို ရုန်းမထွက်နဲ့ ကိုယ့်လူ
အေးရင် အေးမယ် ပူရင် ပူမယ် ဒါအေးအေးပူပူကဗျာ CITY TAXI လေးနဲ့ လာနေတယ်
ဖတ်သူရှေ့မှောက်အရောက်။

စိုးမင်းအောင်၊ သူရနီ၊ လင်းသဏ်ညီ
၂၀၁၀၊ ဇွန်လ၊ ၉ ရက်။
ူ

ကိုယ်မရေးတဲ့ အတွက်........သူငယ်ချင်းတွေ ရေးဖြစ်ကြတဲ့ ကဗျာလေးကို တင်ပေးလိုက်ပါတယ်။
ကဗျာဆရာတွေ စုစည်းမိပြီဆိုရင် တစ်ယောက်တစ်လှည့်စီ ကဗျာရေးဖို့ စိတ်ကူးရတတ်ကြတယ်လေ....။
ဆူးရင့်၊တန့်ဆည်၊

စိတ်ကူးသက်သက် မွစာများ

တစ်တစ်ခွခွနဲ့ တစ် တစ်လီ တစ်နေတဲ့ တစ်နေ့ တစ်ရက် တစ်နံနက်
စိတ်ဓာတ်ကျသလို နှင်းက နှစ်ကျပ်ခွဲဖိုးလောက်တောင် ကျမလာဘူး
ပြက္ခဒိန်တွေသာ တစ်ချပ်ပြီးတစ်ချပ် အရည်ပျော် ရွတ်တွနေတာ
မနက်ခင်းရဲ့ အခင်းအကျင်းဟာ စီးဆင်းနေမြဲပေါ့ လမင်း။

သစ္စာ မေတ္တာတွေဟာ အရည်တွေလား အဖတ်တွေလား
တစ်စုံတစ်ရာ ကြောက်ရွံ့ စိုးထိတ် မဝံ့မရဲ သမ်းဝေနေခြင်းလား
DNA . ပုံတူမျိုးပွား ကလုံး၊ တော်ဖလာရဲ့ လှိုင်းများ။

လမင်းရေ သတိရတယ် သတိရတယ် အရမ်းကိုသတိရတယ်
အရောင်စွဲ မေးခွန်းများကိုလည်း သတိရတယ်
လမင်းသံစဉ် နှစ်ဆယ့်လေးကိုလည်း သတိရတယ်..
အားလုံး
သတိ။ ။
ရတယ်...(အစိပ်၊ အပိုင်း၊ အကွဲ၊ အရှ၊ အပွန်း၊ အပဲ့တွေ)

ခွဲခွါရ ကွဲကွာရတော့မယ့် မကြာမီ နေ့ရက်များအတွက်
ဒါပေမယ့်
ဒါဟာ ပေတုန်းတစ်တုန်း မဟုတ်လို့ မဲ့နေရတဲ့ လူ့အဖြစ် မှတ်တမ်း
လောကဓံဟာ ရိုးရိုးလေး အရိုးခံအတိုင်း အရိုးရင့် ရိရွဲလို့
နှစ်တွေပြောင်းလဲတာကို သတိရပြီး စိတ်တွေ ပြောင်းလဲတာတွေ ပြောင်းလဲပစ်ဖို့
မလွယ်တဲ့ မလွယ်ကြောကြီးပေါ် ဖြစ်စဉ်တွေလည်း ပြောင်းလဲ။

ဒီအက္ခရာများကို နောက်ထပ် မိနစ်အနည်းမှာ အဆုံးသတ်ပါမယ်
သုည ညတွေ တွေတွေလေး လေးနက်၊ နက်နက်လာတဲ့ သံသရာချောက်ကြီးထဲ
ချောက်ချောက်ခြားခြား လည်နေ၊ ပတ်နေတာ...
ဥပမာ သွေးရှိလို့ တိုးတဲ့ သွေးတိုးကိစ္စ၊ အသည်းရှိလို့ ခြောက်ရတဲ့ အသည်းခြောက်ခြင်း ပြဿနာ
အသားရှိလို့ပဲ ပတ်ဝန်းကျင်ဟာ အသားဝါရောဂါလို့ ကင်ပွန်းတပ် ထွန်းကားခဲ့တာပေါ့။

မြန်မာကဗျာတွေ သွေးတိုး အသည်းခြောက် အသားဝါဖြစ်နေပါသလား
ဝါဒ ဝါဒီ ဂိုဏ်းဂဏနဲ့ ဗေဒ သီဝရီ နည်းစနစ်တွေ
အတိတ်က ဒဏ်ရာဟောင်းများလို လစ်လျူရှု မေ့လျော့ထားပါတယ်
စိတ်တောက်စားမှု နယ်နိမိတ်က ရုန်းထွက်ချင်ပါတယ်
ဒီဝါကျအားလုံးကို ကြိုက်သလို ခေါင်းစဉ်တပ်ပါ လူကြီးမင်းများခင်ဗျား။

ဆူးရင့်၊တန့်ဆည်၊
Heart( နှလုံးအိမ်) မဂ္ဂဇင်း
သြဂုတ်လ၊ ၂၀၁၀၊

ကဗျာစည်သွတ်ဘူး

ဇာတ်လမ်းတွေကို လုပ်ကြံဖန်တီးရတယ်။
ဖြစ်နိုင်ရင် ရင်ကို ဖွင့်ပြထားချင်ပါတယ်။
လူ့အဖြစ်ရရှိခဲ့တဲ့ ဘ၀မှာ ဘယ်အရာက အရေးကြီးဆုံးလဲ။
ဆင်းရဲသားလေးလည်း လူချမ်းသာတစ်ယောက်ဖြစ်သွားအောင် လှည့်စားနိုင် တယ်။
တစ်စဆီပြန့်ကျဲနေတဲ့ မောင်နှမတွေ စိတ္တဇတွေ ဝေးကွာနေတဲ့ ချစ်သူတွေကို
တစ်စဆီ ပြန်လိုက် ကောက်တယ်။
မြို့ပြရှင်သန်မှုထဲ နှင်းမီးခိုးများ ပိတ်လို့ အူ။
စောစောနိုးထခဲ့တဲ့အခါမှာ ကိုယ်တစ်ယောက် စောစောလွမ်းဆွေးရပါတယ်။
ကတ်ကိုဘိန်းသောက်ခဲ့တဲ့ စီးကရက်နဲ့ ကိုယ်သောက်နေတဲ့စီးကရက် အခိုးအငွေ့များ ဟာ ပုံတူ။
ကိုယ်ဟာ ကဗျာသမားဘ၀ တီရှပ်နဲ့ဂျင်းဘောင်းဘီကို ရွေးချယ်ဝတ်ဆင်မိခဲ့ပါတယ်။
အသည်းနှလုံး ရဲ့ နံရံတွေ ချောက်ချားရူးသွပ်ဖွယ်ဖြစ်အောင် ပြိုပျက်ကစဥ့်ကလျားဖြစ်နေပါတယ်။
ထို့ကြောင့် ကဗျာအနုပညာ မြေမှာပဲ ခေါင်းချချင်တယ်။
ကျောက်တူးတဲ့ သူတွေက ရရှိလာတဲ့ ကျောက်ကို ယူ၊
ကိုယ်က ချစ်မေတ္တာတူး သမားတစ်ယောက်ဆိုတော့
ရရှိလာမယ့် ချစ်မေတ္တာကို ယူ၊
ခင်ဗျားက ကျန်တာတွေ အကုန်တူးသမားတစ်ယောက်ဆိုတော့ ကျန်တာတွေ အကုန်လုံးကို ယူရမယ်။ ဘတ်စ်ကားကျပ်ကျပ်စီးရတဲ့ အချိန်အခါမှာ ဘာသာစကားကျပ်ကျပ်တွေကိုပဲ ကိုယ့်ဆီက ခင်ဗျားရရှိနိုင်ပါတယ်။
ကားရဲ့ လီဗာကို အဆုံးအထိ ဖိနင်းချင် နင်း၊
နည်းနည်းပိုသန့်ရှင်းတယ် ထင်ရတဲ့ လေကို တ၀ကြီး ပိုရှူချင် ရှူ၊
အသင့်ပြုလုပ်ပြီးသား အစားအသောက်တွေကို အသင့်ဖောက်စားသုံးချင် စားသုံး၊
လူသားဆန်မှုတရားကိုတော့ ခင်ဗျားမမေ့မလျော့ဘဲ နေရမယ်။
အကြမ်းဖက်မှုရဲ့ အနက်များဟာ
အနက်ရောင်ဝမ်းနည်းကြေကွဲရမှုများပဲ ပေးတယ်ဆိုတာ နှလုံးသားထဲ ရောက်ရှိအောင်

အကြိမ်ကြိမ်အခါခါ ကိုယ်ပြောနေပါရစေ။
ajrm ae w shift+j h vl shift+y b0 မြောနေတဲ့ လူ့ဘ၀ပေါ့ ဟုတ်လား။
ညစ်ညမ်းမေးလ်တွေ မပို့နဲ့ သူငယ်ချင်းရေ။
သတိပေးတားမြစ်သည်။
ကောင်းကင်ပြာပြာမိုးသားအောက်တွင် ကိုယ်နေထိုင်သည်။
ထိခိုက်ထားသောကြောင့် ကတ်ကိုဘိန်းဓာတ်ပုံကြီး နံရံမှာ ကွာကျ နေသည်။
ကိုယ်နဲ့ အဝေးဆုံး ကြယ်တံခွန်လို ကောင်မလေး ပြေးလေပြီ။ မမုန်းရ မတီးရ။
ဆရာဝန်က စိတ်ငြိမ် ဆေးပြားများသောက်ရန် ညွှန်ကြားထားသည်။
ကဗျာ၏ EXPIRE DATE ကို သတိပြုပါ။
ဖတ်သူအသည်းနှလုံး ကူးစက်ခံစားကွဲအက်တတ်သည်။

စိုးမင်းအောင်
၂၀၁၀၊ သြဂုတ်၊ ၁၀ ရက်။
မနက် ၆ နာရီ ၄၀ မိနစ်။

အမေ့ဆီ မပို့ဖြစ်ခဲ့တဲ့ စာတစ်စောင်

အိပ်လို့ မရတဲ့ ရက်တစ်ပတ်ဟာ ပြန်ကွေ့ဝင်လာတယ်
ကဆုန်ပေါက်ထွက်ပေါ်လာတဲ့ ချောင်းဆိုးသံဟာ
ရင်ဘတ်ကို ဖြတ်ဖြတ်နင်းသွား… လည်ချောင်ကို ဖြတ်ဖြတ်နင်းသွား
သွေးစတွေ ရဲခနဲ့ အသက်ဓာတ်ကို နှုတ်ယူနေကြပြီ ။

တန့်ဆည်မှာ မိုးရွာလား အမေ
လောက ချွေးသီးချွေးပေါက်ဓားနဲ့ စိုရွှဲရင်း အအေးမိခဲ့ပါတယ်
ခန္ဓာဆီ ပြန်ကပ်ခွင့် မရှိတဲ့ ၀ိညာဉ်တစ်ကောင်လို
နေထိုင်မှုက မကျွတ်လွတ်လိုက်တာ အမေ
မိသားစု အသိုက်အမြုံဆီ ပြေးဝင်လာချင်ပေမယ့်
မီးလောင်ဒဏ်ရာ အဖုအပိန့်နဲ့ ပြေးပြေးလွှားလွှား ပြေးနေရဆဲပါ ။

ခွေးသေတစ်ကောင်ရဲ့ အပုတ်နံ့လို
သားရဲ့ သတင်းဟာ နံစော်နေလိမ့်မယ်
လောက်တရွရွ အနာဂတ်ဟာ ရေချိုးခန်း မ၀င်ဖြစ်ဘူး
တီရှပ်အင်္ကျီနဲ့ အ၀တ်အထည်တွေ
အခန်းကျဉ်းလေးထဲ ချဉ်စုတ်စုတ် အမှတ်အသားက မှိုပေါက်နေရဲ့ ။

လွန်ခဲ့တဲ့ နှစ်က အသက်နဲ့ လဲထားရတဲ့
စီးကရက်တွေ ပြန်သောက်နေတာ
အမေသိရင် ရင်ကျိုးမလား
ဆရာဝန်က ဖြတ်ဖို့ ပြောတိုင်း
ကျွန်တော်က အဆုတ်ကို မှိုင်းတိုက်နေတာ သေချင်လို့တဲ့ ။

ကိုယ့်ကိုယ်ကို ပြန်ရှာကြည့်တော့ တံခါးချပ်တွေ ပိတ်နေတာ
မျှော်လင့်ချက်နဲ့ လွဲချော်တာ၊ ခေါင်းမာတာ၊ ကန့်လန့်တိုက်တာ
ရွေးခြယ်ထားတဲ့ ကဗျာဆရာဘ၀ဟာ
ခဲဖျက် ကော်ရရှင်နယ်ပင်းလ် မလိုပါ၊ backspace/deleteနဲ့ ဖျက်ဖို့ မလိုပါ ။

မနက်ခင်းတွေ တစ်ရက်ပြီး တစ်ရက် ပွင့်ပွင့်လာတိုင်း
စာနာစိတ်တွေ ပိတ်ပိတ်သွားကြတဲ့ လူတွေကို ကြောက်နေရတယ်
ကြောက်ကြောက်နဲ့ နေနေရတယ်၊ ကြောက်နေတဲ့ စိတ်တွေ ရတယ်
မာခဲနေတဲ့ စိတ္တဇရင်ခုန်နှုန်းဟာ ဟိုအဝေးဆီ ရှည်ဝေးလို့ ဝေးသွားလိုက်
ဒီလူ ဒီမျက်နှာ ဒီအခြေအနေနဲ့ ရွာကို မပြန်ချင်သေးဘူး
အမေရယ် အစာအိမ်နံရံတွေ မကျွမ်းလောင်ဖို့ ပြေးလွှားရဦးမယ်
ကမ္ဘာကြီး ငြိမ်းချမ်းဖို့ တိုက်ပွဲဝင်ရဦးမယ် ။

တိုက်တာ ၀င်းခြံအကြောင်း၊ ဇိမ်ခံကား ဘဏ်စာအုပ်နဲ့ ဟမ်းဖုန်းအကြောင်း
အဲကွန်း တီဗွီ ရေခဲသေတ္တာနဲ့ ကွန်ပျူတာ အင်တာနက်အကြောင်း
မသီဆိုနိုင်တော့တဲ့ သီချင်းတွေပါ အမေရယ် ။

ပြန်ကောင်းလာမှာ မဟုတ်တော့တဲ့ အဆုတ်ထဲ
ကာဗွန်ဒိုင်နောက်ဆိုက်၊ နီကိုတင်းအမျုိးပေါင်း နှစ်ဆယ်ကျော်၊ ဗာဂျီးနီးယား....
ဆက်တိုက် ရှိုက်သွင်းနေမိတဲ့ ငမိုက်သားတစ်ယောက်အတွက်
နာရေးသတင်းကို နားစွင့်ပေးပါဦး အမေ.......။ ။

ဆူးရင့်၊တန့်ဆည်၊
၁၆၊ ၈၊ ၂၀၁၀

မြို့ကြီးတစ်မြို့ ထဲ ဘယ်က ဘယ်လို ဘာတွေ

အခြေအနေအရ မပြေပြစ်တဲ့ ရာသီဥတုမှာ ပန်းတွေ ဖြိုင်ဖြိုင်ပွင့်လို့
အခြေအနေအရ မဖြစ်နိုင်တဲ့ လမ်းကြောင်းမှာ တရွေ့ရွေ့ ဆုတ်ခွာလို့
အခြေအနေအရ ရေးဖြစ်တဲ့ ကဗျာတွေဟာ ကြမ်းတမ်းကွေ့ကောက်လို့
အခြေအနေအရ ခေတ်မကောင်းလို့ ရူးချင်ယောင်ဆောင်တယ်...သိလား။

အချစ်ဟာ ဧရိယာအပြင်က စကားလုံးတွေလား
ခေတ်ဟာ လောင်ကွင်းတစ်ခုက မီးသင့်အစအနတွေလား
အမေ့မေတ္တာဟာ စိတ်အရေပြားပေါ်က တက်တူးတွေလား
နောက်ဆုံး အိပ်ရေးပျက်တာတွေ၊ စိတ္တဇ ရတာတွေပဲ အဖတ်တင်တယ်။

ငါ့ဂျင်းဘောင်းဘီပေါ်က အရောင်တွေ
ငါ့ဂျင်းဘောင်းဘီပေါ်က အစုတ်အပြဲတွေ
ငါ့ဂျင်းဘောင်းဘီပေါ်က မပြတ်သားမှုတွေ
ဝိုးတ၀ါးအသံနဲ့ အမှောင်ဖုံး၊ ပုလင်းကွဲထိချင်လည်း ထိနေမယ်။

ပတ်ဝန်းကျင်ကမ္ဘာကျဉ်းမြောင်းခဲ့သလောက် ဒဏ်ရာမပေါ်တာ

ပတ်ဝန်းကျင်ကမ္ဘာကျဉ်းမြောင်းခဲ့သလောက် မတူခြားနားတာ
ပတ်ဝန်းကျင်ကမ္ဘာကျဉ်းမြောင်းခဲ့သလောက် မပွင့်လင်းတာ
ရှင်သန်ခြင်းလက်တံတွေကို စောင့်ငေးကြည့်ရင်း လှလှပပမဟုတ်ရင် မလှမပ ငါရယ်မောတယ်။

အခက်အခဲကြားက အခက်အခဲဟာ ငါ့အသုံးမကျမှုလား
အခက်အခဲကြားက ရော်ရွက်ဝါကြွေဟာ ငါ့မီးခိုးဆန်ဆန်အုံ့မှိုင်းမှုလား
အခက်အခဲကြားက လောင်မီးများဟာ ငါ့သက်ပြင်းချမှုလား
လက်သီးက နံရံဆီ တဒိုင်းဒိုင်း ရောက်ရှိသွားတယ်။

မျက်ဝန်းမှာ ခြေတစ်ဖက်ပြတ် မေတ္တာနှစ်ဖက်ပြတ်ပုံရိပ်တွေ
ယိုစီးလို့ စာနာမှုကို မသာမယာငါစောင့်နေရတာ မောတယ်
သင်ဟာ ငါ့အတွက် မျက်ရည်ဘယ်နှစက်ကျခဲ့ဖူးတဲ့ သူရဲကောင်းလဲ
အမှန်တရားအပေါ် ထင်မြင်ယူဆချက်ကို ပွင့်လင်းစွာ တိုင်ပင်ဆွေးနွေးနိုင်ပါတယ်

လက်ရှိပစ္စုပ္ပန်အချိန် လည်ပတ်မှုထဲမှာ စက္ကန့်တံများဟာ ရပ်တန့်နေပါတယ်
လက်ရှိပစ္စုပ္ပန်အချိန် လည်ပတ်မှုထဲမှာ အလိုမကျမှုများဖြင့် နာကျင်နေပါတယ်
လက်ရှိပစ္စုပ္ပန်အချိန် လည်ပတ်မှုထဲမှာ ဆူးရင့် စိုးမင်းအောင်ဟာ ၀ဋ်ရှိခဲ့လို့ လည်နေပါတယ်
မခံနိုင် ကျိုးကြေပြတ်ရွေ့ကွဲအက်နေတယ်။

ဆူးရင့်၊ စိုးမင်းအောင်

၁၅၊ ၈၊ ၂၀၁၀

အထူးမှတ်ချက်။ ။ ဆူးရင့်ရေးသားပြီးသော ကဗျာတစ်ပုဒ်ကို စိုးမင်းအောင်မှ
ပေါင်းစည်းတည်းဖြတ်ဝင်ရောက်ဖြည့်စွက်ရေးသားသည်။

မျဉ်းစောင်း

အဖြစ်အပျက်ကို သိရပြန်တော့ စိုးရိမ်ရပြန်တယ်/ ရင်မဆိုင်ရဲတာ
သိမ်ငယ်နေရတယ်/ ရစ်ပတ်တွယ်နှောင် လာတဲ့အခါ ရုန်းထွက်ဖို့ရန်
ခက်ခဲလှပါတယ်/ မချိုမချဉ်အနာတွေ မြင်တယ်မဟုတ်လား/ ၀ုန်းဝုန်းဒိုင်းဒိုင်း
လှမ်း မေးမိတယ်/ ရှင်သန်သက်က သုံးဆယ်ပြည့်ပြီတဲ့/ ဟိုလိုလို
ဒီလိုလိုလုပ်ရင်း မျက်နှာလွှဲနေမိတယ်/ တစ်ယောက် ကို တစ်ယောက်/ နင်နဲ့ငါ/
ငါ့မှာ သံယောဇဉ်တွေပဲ ချမ်းသာတယ်/ ပိတ်ပြောထားတယ်/ တစ်ရက်တော့
အရည်ပျော်ခြင်းများဟာ ငါ့ဘက်ကနေ ဖြစ်လာနေတယ်/ လောကဓံ မျဉ်းစောင်း
လှိုင်းထဲ ပျော်ကျပျောက်ဆုံးသွားတာ/ နှလုံးသားရှိလို့ အထိအခိုက်ခံခဲ့ရတာ/
အိုး…၀ိုး…ခံစားမှုနဲ့/ ရှေ့တစ်ကြောင်းကို ဆက်ရေးရမလား/ မိုးကြီးရွာမှာ
ရွာလိုက်ရမလား/ သူငယ်ချင်းက GSM ဟမ်းဖုန်းနဲ့ ကိုယ့်ကို ပြောတယ်/
ငွေလိုနေတယ်/ ခွေလိုနေတယ်/ ကိုယ်က ကဗျာနဲ့ ဒီလိုပဲ နေသွားမှာ/
ချစ်မေတ္တာလိုတယ်/ ဖရိုဖရဲ ကစဥ့်ကလျား ဘ၀ကြီး မရရှိချင်တော့ဘူး/
အဟင်းဟင်းဟင်း/ လှောင်ရယ်သံကို လွတ်အောင် ပြေးတယ်/ ၀ဋ်ရှိလို့
ဒဏ်မိခံနေရတာပါ/ ကိုယ့်စိတ်ကြယ်လေး တွေကို ကိုယ်ငေးတယ်/ ပြောစရာ စကားက
လူသားတန်ဖိုးတွေ လျော့ကျနေတယ်/ကိုယ်ရေးတဲ့ ကဗျာကို အမှန်တကယ် ဖတ်သူဆီ
လွှဲအပ်လိုက်ပါတယ်/ မျဉ်းစောင်း/ စောင်းချင် စောင်းမယ်/ ကိုယ့်ချစ်မေတ္တာဟာ
စောင်းမသွားဘူး/ ကြင်နာမှုကို လှူပါ/ စာကြောင်းကို ရပ်ပြီး
ခေတ္တမြောနေပါသည်/ ရိုးရိုးလေးပဲ ဆက်ဖတ်ကြည့် ပါ/ ကြေကွဲမှုနဲ့
တွေ့ဆုံအပြီး အခုလို ကိုယ့်ကိုယ်ကိုယ်မေးမြန်းထားခဲ့

ပါသည်/ ငါးနှစ်လောက်
ခင်ဗျားဟာ စိတ်ဆရာဝန်နဲ့
တိုင်ပင်ဆွေးနွေးလမ်းညွှန်ကုသမှုခံယူခဲ့ရသေးတယ်နော်/ အခုရော ခင်ဗျားဟာ
ခင်ဗျားဘယ်သူဆို တာကို သိနေပြီလား/ နိုးနိုးနိုးနိုးနိုး/ ခေါင်းကို
လက်နှစ်ဖက်ဖြင့် ဖိညှစ်ထားပြီး သူငြင်းသည်/ အစစ်အမှန်ဆီသို့
မျှော်လင့်ခြင်း/ တမ်းတခြင်း/ ရှာဖွေခြင်း/ ရွက်လွှင့်ချင်နေပါသည်/
မေ့မရသေးပါ/ မီးကွင်းတွေထဲ ကျွမ်းမထိုး ချင်တော့ပါ/ ခံစား/ ထိရှ/ ကြေကွဲ/
စိုးရိမ်ပူပန်/ တုန်လှုပ်ချောက်ချားခဲ့ရပါသည်/ မကောင်းမှုကို
ပျောက်ကွယ်စေဖို့ ကောင်းမှုပြုပါ/ ရယ်စရာစာကြောင်း ကိုယ်ရေးချင်သည်/
တကယ်မရေးတတ်ပါ၍ မရေးခဲ့ပါ/ အနမ်းထိန်းသိမ်းပေးပါနော်/
အကြမ်းမဖက်ရဘူးနော်/ ဘယ် CHATTING ထဲက ညစ်ညမ်းစာသားတွေနဲ့
နယ်လွန်အိပ်စက်နေသလဲ ဖြေပါ/ တိုက်ပြိုင်ပေးပို့ထားခြင်း မရှိကြောင်း/
ကိုယ်တိုင်ရေးကဗျာဖြစ်ပါကြောင်း/ ဘယ်သူဘယ်ဝါ/ အမှတ်/ ဘယ်လမ်း/ ရပ်ကွက်/
မြို့/ ခရိုင်/ တိုင်း/ နိုင်ငံတွင် အမှန်တကယ်နေထိုင်သူဖြစ်ပါကြောင်း/
အစဉ်အလေးအနက် ထား လက်မှတ်ရေးထိုး/ ထောက်ခံစာများနဲ့တကွ ရှင်သန်/
သေဆုံးပါ/ မင်းကို သတိရရင် ကိုယ်ကဗျာတွေပဲ ရေး ဖတ်နေမိတယ်/ ယနေ့/
မနက်ဖြန်/ နေ့ရက်တိုင်းမှာ ငြိမ်းချမ်းခြင်း ဆည်းလည်းသံများ
ကိုယ်ကြားချင်တယ်/ ငါ့အိပ်ရာဟာ အခုတော့ အဆွေးများနဲ့ တွန့်ကြေလျက်ပဲ/
မပြန့်ပွားအောင် အတင်းအဓမ္မကာကွယ်နေရတယ်

စိုးမင်းအောင်
၂၀၁၀၊ သြဂုတ်၊ ၁၃ရက်
ညနေ ၅ နာရီ ၁၅ မိနစ်။

သံယောဇဉ် Virus

နေ့တစ်နေ့ရဲ့ အစောဆုံး စက္ကန့်လေးတွေက အစ မီးညွန့်တလူလူ တောက်လောင်နေတယ်
နောင်တကို ပျော့ညံ့ခြင်းလို့ ဘာသာပြန်ရင် ဖြစ်မလား
အမှောင်ကမ္ဘာထဲက အလင်းစက်ဟာ သေဆုံး ကွယ်ပျောက်လို့
သိစိတ် မသိစိတ်ဖြင့် ပြုလုပ်သည်၊ ရိုက်ချိုးသည်
စိန်ပြေးတမ်း ကစားပွဲဟာ (၂)နှစ်ခန့် ကြာမြင့်ခဲ့တယ်
ကန့်သတ်ချက်မဲ့ နယ်နိမိတ်အထိ ဖြည်းဖြည်းလေး ဝေးဝေး ပြေးပါ လမင်း
သက်လုံမကောင်းတဲ့ ခြေထောက်တွေသာ
ဖိအားတစ်ခုရဲ့ လှုံ့ဆော်မှုနဲ့ အမောဆို့ လဲကျ ကျန်ရစ်ခဲ့တာ
ကြမ်းပြင်ဟာ သွေးစက်တွေနဲ့ လှပလို့….လေတယ်
နာမည်ဟာ
ရေပန်းစား ကျော်ကြားလာမယ့် ကိုရီးယားမင်းသမီး
ချွာဂျန်ဝန် မဟုတ်သလို လီယွန်ဟီး မဟုတ်ဘူး
ပါ့ခ်ရှင်ဟီး မဟုတ်သလို ကင်ဆိုးယွန် မဟုတ်ဘူး
မွန်ဂိုးယောင် မဟုတ်သလို အင်ဂျိုအွန် မဟုတ်ဘူး
ဟန်နီလီ မဟုတ်သလို လီမင်ဂျန် မဟုတ်ဘူး
ချာဂျာဟွန် မဟုတ်သလို ဟန်ချေးယောင် မဟုတ်ဘူး
သွေးဆာနေတဲ့ ကြမ်းပိုးတွေမှာ နာမည်ရှိလား
ဝေနေတဲ့ အက္ခရာတွေ ဝေ့နေတဲ့ နိမိတ်ပုံတွေ ဝေးနေတဲ့ နီးစပ်မှုတွေ
ဝေးဝေး ဖြည်းဖြည်းလေး ပြေးပါလမင်း
လမ်းမဆုံးခင်မှာ ပန်းတိုင် ရှိလိမ့်မယ်
ကမ္ဘာ့စစ်တမ်းအရ ကျေးဇူးတင်ပါတယ်ဆိုတဲ့ စကားဟာ
လူအသုံးအများဆုံးမို့ ပါလေရာ ငပေါတစ်ယောက်လို ဖြစ်ရော။့

အိပ်မက်က လန့်နိုးလာတယ်
@
ဟိုးတုန်းက ခေါ်သံများ သံချေးအထပ်ထပ်ကိုက်
အတိတ်ဟာ ဘုကိုလည်း မသိ၊ ဘကိုလည်း မသိ
သေတော့မယ့် လူတစ်ယောက်က
ဒိုင်ယာရီ မရေးဘဲ သေတမ်းစာရေးတယ်
ငါ့ လျှို့ဝှက်ချက်တွေက အစ
မင်း နာမည်ကို ရေးထိုးခဲ့တာ၊ ရေးရေးလေး မဟုတ်ဘူး
မသိဘူးလို့ ပြောတတ်တဲ့ မသိဘူးကတော့ ဘယ်သိမလဲ
ရင်ဘတ်ကို လက်နဲ့ဖိပြီး ဆက်ရေးနေပါတယ်...
အသက်ကို ဘာနဲ့မှ မထုတ်ပဲ လွှင့်ပစ်ထားပါတယ်
ခြင်တစ်ကောင်ကို သတ်တဲ့ လက်နဲ့ ရေးဖြစ်တဲ့ ဒီကဗျာဟာ
ငရဲလားမယ့် အနုပညာပေါ့။ ။

ဆူးရင့်၊တန့်ဆည်၊
၁၄၊ ၈၊ ၂၀၁၀

အက်ကွဲနေသော အပေါ်အခွံများ

ည
ရင်အုံကို ဖွင့်ကြည့်တော့
သန်းခေါင်ကျော်
ခွေးလေ ခွေးလွင့်တွေလို စိတ်လေ စိတ်လွင့်၊

လ
မရှိတဲ့ ညမို့ ကောင်းကင်ဆီ မငေးချင်။

အိပ်ဆေး မလုံလောက်တဲ့ ပြေးလွှားမှုမှာ
ပြဿဒ်ကအစ အမှိုက်တွေ မီးရှို့ပစ်လိုက်
လေစိမ်းလိုက်လို့ တံခါးပိတ်သလို နားကိုလည်း ပိတ်၊
တိတ်ဆိတ်ခြင်းက တကယ်ကို ဆူညံလွန်းတယ်။
ငါဟာ ငါကလွဲရင် ကိုးကွယ်မှု မရှိ၊
ရက်ရာဇာ ပြဿဒါးမရှိ၊
ကဗျာအတွက် ကျန်းမာရေးကိုတောင်
ဆိုးဆေးနဲ့ မယ်လမင်း ဆတူ ရောစပ်ထားရတယ်။
အသည်းကွဲနေတဲ့ ငနဲတွေ
ရော့ဒီမှာ အရက်ပြင်းပြင်း
ရော့ဒီမှာ ဒိုင်ယာစီဗင်
ရော့ဒီမှာ ဆေးပြင်းလိပ်နဲ့
ရောဒီမှာ ရှော့မရှိတဲ့ အညစ်အကြေးမလေးတွေ...။

ဖြတ်သန်းပတ်သက်သမျှ
nextနှိပ်၊
proxyလို ကျော်ခွ၊ ပြီးရင် ဆက်လျှောက်။
ဒါဟာ ဘူတာလား ဘတ်စ်ကားမှတ်တိုင်လား မမေးနဲ့
လူမနေတဲ့ အိမ်အိုတစ်လုံးလား မှော်ဆရာရဲ့ ပြကွက် အသစ်လား မမေးနဲ့
သန့်စင်ခန်းလား ပြာကျသွားတဲ့ လမင်းရဲ့ သုဿန်လား မမေးနဲ့

ဤယ် အမတ် ၅ ယောက် သတိုဝ်အကိုဝ်ရယ်ဆု ပိယ်တာဝ်မူသော
စသည်ဖြင့် ရေးထားတဲ့ ပထမအသင်္ခယာလင်မယားကျောက်စာလား မီးပြတိုက် အပျက်အယွင်းလား မမေးနဲ့။ ရယ်သံမပါတဲ့ ကောင်းကင်ဘုံလား စာနာမှုမရှိတဲ့ ဓာတ်ပေါင်းဖိုလား မမေးနဲ့
မြူမယ် မူမယ်ဆိုတဲ့ ပျက်လုံးထောင်ချောက်လား အမဲလိုက် သီချင်းလား မမေးနဲ့
on lineလား on lie လား မမေးနဲ့
အချစ် အမုန်းကြားက ပါးလွှာတဲ့ နယ်နိမိတ်တစ်ခုလား
ပြတ်သွားလို့ အသစ်ပြန်လျှော်ခိုင်းတဲ့ ဗလာသက်သက်လား မမေးနဲ့

အလျော့ပေးလို့
လိုက်လျှောလို့
နုံခဲ့တာ
အ ခဲ့တာ
တုံးတော့ မထက်တာ။
ပန်းလို ကြွေဖို့ စိတ်ကူးထားရင်
သေသလိုသာ နေနေလိုက်စို့
အပေါ်ယံဆန်တဲ့ ခေတ်ထဲ ခေါင်းကို မော့၊ ရင်ကို ကော့ထား
နောက်ကျောကို ဓားနဲ့ ထိုးမယ့်အစား
အပြင်ထွက်တိုင်း ရင်ဘတ်ကိုပဲ စက်သေနတ်နဲ့ ပစ်ဖို့ကြိုးစားပါ
ပွင့်ပွင့်လင်းလင်း ထုံထိုင်းမှုအကြောင်း
ပုံပြင်နဲ့ အိပ်မက်အကြောင်း ငါပြောပြမယ်
“ နောက်ဆုံးတော့..... မနေ့က သွေးတွေ ခြောက်ပုလင်းစာ ဖောက်ထုတ်လိုက်သတဲ့”
ဒါပါပဲ ကလေးတို့ရယ်(ရယ်သံများ)

ဒီနေ့က စလို့ ငါ့ကဗျာတွေ မီးသင့်နေတာ ကောင်းတယ်
ဒီနေ့က စလို့ ငါရေးဖြစ်တဲ့ ပန်းချီကားတွေ ဆေးပြယ် ဖွာထွက်နေတာ ကောင်းတယ်
စိတ်ပျက်စရာ ကောင်းတဲ့ ဆက်ဆံရေး ပေါ်လစီတွေ မျက်စိမှတ် အန်ထုတ်။

သံယောဇဉ်ဆိုတာ…
အမြစ်ကအစ ခုတ်ထွင်လှဲကျင်းလိုက်ရင်
မလိုအပ်တဲ့ သစ်တစ်ပင်လို ရှင်းလင်းသွားမှာ
အသုံးမ၀င်တဲ့ မြက်တစ်ပင်လို ရှင်းလင်းသွားမှာ/ ယုံ။

ဘီလူးအစီခံရတဲ့
ညဟာ
လ မရှိ
မနက် ရှစ်နာရီမှာ
အိပ်ဖို့ ကြိုးစားတုန်း။ ။

ဆူးရင့်၊တန့်ဆည်၊
လကွယ်ညတစ်ညသို့ ရည်ညွှန်းပါ၏။
၁၀၊ ၈၊ ၂၀၁၀