သွေးကြောအသေနဲ့ လွင့်အော်နေသော တောအုပ်

ပြဿဒါး ပြဿနာနဲ့ ပြက္ခဒိန်အဟောင်းတွေပဲ

တအုံ့တဆိုင်း ပျိုဆင်းလျောကျ
ဖြတ်သန်းမောင်းနှင်ရာ လမ်းတစ်လျှောက်
မာနနဲ့ အေးစက်မာကျောရင်း
အမှိုက်တွေ ခေါင်းထဲပြေးဝင်လာတယ်
ရှင်သန်မှု အလွင့်စိတ် ငိုသံများလည်း
အောင်ပွဲအလီလီ ပစ်မှတ်လွဲခဲ့ ။

သမာသမတ်ကျကျ သမာနိုင်ဖို့
ဝန်းကျင်ရဲ့ အငွေ့အသက်ကို လှုံတယ်
တစ်ကိုယ်ရည် မွန်းကြပ်မှုအတွက်
ကဗျာ့လေကို ရှူတယ်
အဖိတ်အစင်ကင်းကင်း မေတ္တာပို့တယ် ။
အိပ်ရေး၀၀ အိပ်တာလည်း
ဘ၀အတွက်ပါပဲ ။

လူသားဆန်တဲ့ လူ့အဖြစ်ကို
လူလူသူသူ ရခဲ့ပြီလား
သေခြင်းဆိုတာ
ကျုပ်တို့ရဲ့ ဝေးဝေးမှာ မပျော်မွေ့ပါဘူး
မျက်စိရှေ့က ပျောက်သွားတဲ့
လူတွေ တိရစ္ဆာန်တွေ စကားလုံးတွေ စာလုံးတွေ ။

လောကဓံဆီက
အလိုမတူ စူးဝင်လာတဲ့
ဆိပ်လူးမြားက
ရင်ညွန်ဆီ တည့်တည့်
ငြိမ်သက်နေလိုက်တယ်
အော်သံတွေ ဘယ်သူမှ မကြားစေချင်ဘူး ။ ။

ဆူးရင့်၊တန့်ဆည်၊
စရဏမဂ္ဂဇင်း
အတွဲ ၆ ၊ အမှတ် ၅
နိုဝင်ဘာလ ၊ ၂၀၀၉

သို့ ..... ဆူးရင့်

မငိုသေးတဲ့ တိမ်တွေကို ခင်ဗျားငိုအောင်လုပ်နေတာလား
မရွာသေးတဲ့ ပင်လယ်ကို ခင်ဗျားရွာအောင်လုပ်နေတယ်ထင်တယ်

မပြောဖြစ်သေးတဲ့ စကားအတွက် ဆက်ပြီးသိမ်းထားပေးပါ
သေချာမှုတွေအတွက် မသေချာပေးတာလား
ရိုးတန်ကျဲ ကျေးလက်ညများဆီ ခင်ဗျားရောက်အောင် သွားပါ
သဘာဝ အလှမရှိတဲ့ မြို့ ပြညတွေကို ကျောခိုင်းလိုက်ပါတော့
ယဉ်ကျေးမှုတွေ ဆိတ်သုဉ်းနေမှတော့ ဘာကို ရှာဖွေနေတော့မှာလဲ။

ခင်ဗျားရဲ့ ခင်ဗျားက လှနေပြီးသားပါ
အခါခါ သေဆုံးခဲ့ဖူးတဲ့ မွေးနေ့ပွဲမှာ တစ်ခုခုတော့ လုပ်နေမှာ သေချာတယ်။
ပြီးဆုံးချင်ပါတယ်ဆိုမှ မပြီးသေးတဲ့ ည၊ ဇာတ်နာလွန်းတယ်ဗျာ
ကားဟွန်းသံတွေ ဆူညံနေမှတော့ ခင်ဗျားရဲ့ စုတ်ချက်တွေလဲ ဆူညံနေမှာပဲ
ခင်းဗျားရဲ့ ယောင်ပြီး ထ ထ အော်တတ်တဲ့ အကျင့်၊ ခင်ဗျားတစ်ခုခုကို လန့်နေတယ်။

ခင်ဗျားရဲ့ အားနာတက်တဲ့ အပြုံး
ဘယ်အရာတွေမှ အရှုံးမပေးဘူးဆိုတာ ကျုပ်သိတယ်
တစ်ခါတစ်ရံ ကျုပ်တောင် လန့်လန့်သွားတယ် တကယ်ပါ
ဘာမှ မထူးဆန်းတဲ့ ဘာပကာသနမှ မပါတဲ့ မွေးနေ့ ပွဲလေးမှာ ခင်ဗျား ငြီးမနေပါနဲ့
နေရမယ့် ရက်တွေက လက်ချိုးပြီး ရေတွက်လို့ ရနေပြီပဲဗျာ
မရနိုင်တော့တဲ့ အတောင်ပံ တစ်စုံအတွက် မမျှော်လင့်ဘဲ နေလိုက်ကြစို့ရဲ့ ။

မွေးနေ့မှသည်
နေရသလောက်ထိ
ကျုပ်တို့ရဲ့ ဆူးရင့်
အထူးသဖြင့် ပျော်ရွှင်ပါစေ...။
နေရု

ညဉ်းဖြစ်တဲ့ သီချင်း

ပျင်းတဲ့ အခါတိုင်း သီချင်းတွေ ညဉ်းဖြစ်/ဆိုဖြစ်ခဲ့ပါတယ်
လောလောဆယ်မှာ ခံစားမှုက
ဘယ်လို ဖြစ်လို့ ဖြစ်နေမှန်းကို မသိအောင်ပါပဲ
စာဖတ်ချင်စိတ် မရှိသလို ကဗျာလည်း မရေးဖြစ်တာ ကြာနေပြီ
စိတ်ဓာတ်ကျနေတယ်လို့ ပြောရင် ပိုပြီး မှန်လိမ့်မယ် ထင်ပါရဲ့
မျှော်လင်ချက်တွေက ဖြစ်မှ မလာပဲလေ.........။

လူတစ်ယောက်မှာ အနည်းဆုံး မျှော်လင့်ချက် တစ်ခုလောက်တော့ ရှိကြလိမ့်မယ်
ထင်ပါတယ်။ ကျွန်တော်ကတော့ တစ်ခုထက်မက ရှိခဲ့ပါတယ်။
ဖြစ်ချင်/ရောက်ချင်တဲ့ အရာတစ်ခုကို ဖြစ်အောင် လုပ်/ ပြော/ကြံ
ပြီးနောက်....အမှန်တကယ် ရောက်ရှိလာမယ့် နေ့ရက်တစ်ရက်ကို
စောင့်မျှော် ငံ့လင့်နေတာကို မျှော်လင့်ချက်လို့ ထင်ပါတယ်။

များသောအားဖြင့် ကျွန်တော့်မျှော်လင့်ချက်တွေဟာ
ရောက်မလာပဲ အိပ်မက်လို ပျောက်ကွယ်သွားတာ များပါတယ်
သေးသေးမွှားမွှားလေးတွေတော့ တစ်ခါတစ်ရံ ရောက်ရှိလာတတ်ပါရဲ့
ကျွန်တော့် ညံ့ဖျင်းမှုကြောင့်လား။ ကံကြမ္မာကြောင့်လား။ နှစ်မျိုးလုံးကြောင့်လား။

စိတ်ကျရောဂါဆန်ဆန် ခွေခေါက် လဲပြိုနေချိန်မှာ
မှတ်မှတ်ရရ ပန်းရင့်ရောင် က တဂ်ထားတဲ့ အကြောင်း သတင်းပို့တယ်
“ ညဉ်းဖြစ်မိတဲ့ သီချင်းတဲ့ ”

မျှော်လင့်ချက်တွေ ရောက်မလာ ဖြစ်မလာတိုင်း
သတိရရ ညဉ်းဖြစ်တဲ့ သီချင်းလေး တစ်ပုဒ် ရှိပါတယ်။
အဲဒီ သီချင်းလေးက ကျနေတဲ့ ကျွန်တော့် စိတ်ဓာတ်တွေကို မြှင့်တင်ပေးသလို
ခံစားရပါတယ်..။ ခေါင်းစဉ်ကို ကြည့်ပြီး အားတတ်ရပါတယ်။

အချစ်ကြောင့် မျှော်လင့်ချက် ပျောက် ခဲ့တဲ့ နေ့တွေ.......
အပေါင်းအသင်းကြောင့် မျှော်လင့်ချက် ဆုံး ခဲ့တဲ့ နေ့တွေ........
ပတ်ဝန်းကျင်ကြောင့် မျှော်လင့်ချက် ပျက် ခဲ့တဲ့ နေ့တွေ.......
ကိုယ့်ညံ့ဖျင်းမှုကြောင့် မျှော်လင့်ချက် သုဉ်း ခဲ့တဲ့ နေ့တွေ.......
အဲလို နေ့မျိုးတွေမှာ ကျွန်တော် ဒီသီချင်းကို ဆိုဖြစ် ညဉ်းဖြစ်ခဲ့ပါတယ်။

သီချင်းနာမည်က “ ဖြေသိမ့်လိုက် ”
အငဲ ရေးပြီး ၀ိုင်ဝိုင်း သီဆိုထားပါတယ်
အခု ဂစ်တာမတီးဘဲ ညဉ်းဖြစ်လိုက်ပါတယ်။

အားလုံးပြီးဆုံးသွားတော့ ရင်တစ်ခုလုံး ကြေသွားလား
ကိုယ်ချင်းစာပါတယ်..။ အို သူငယ်ချင်း သိပ်မဆန်းဘူး
ရှေ့ဆက်ပြီးတော့ တွေ့ကြရမှာပဲ
ဆုံးရှုံးခြင်းက တို့တွေ ပြေးမလွတ်နိုင်
မောပန်းလွန်းတဲ့ မင်းရဲ့ လိပ်ပြာလေး ဖြေသိမ့်လိုက်...။

ကံကြမ္မာဆိုတာက ချိုတစ်လှည့် ခါးတစ်လှည့်
ခုလည်း ဒီလိုပဲ/ပေါ့ အောင်မြင်လိုက် ရှုံးနိမ့်လိုက်
လဲကျတဲ့အခိုက် ကွဲခဲ့တဲ့ မင်းနှလုံးသား
အက်ကြောင်းလေးက အမြဲတမ်း အမှတ်တရပေါ့
ရှေ့ဆက်/ဆက်လျှောက်ရမယ့် မင်းရဲ့ ဘ၀သစ်အတွက်
ဖြေသိမ့်လိုက်...။

သူငယ်ချင်း
ရှေ့ဆက် မင်းဘ၀ဟာ အမြဲချိုမြိန်ပါစေ.. အောင်မြင်ပါစေ
တစ်ခါတစ်ရံမှာ ခါးသီးလည်း ကျော်ဖြတ်လိုက်ပေါ့လေ
ဟိုအရင် အချိန်က ကြေကွဲခြင်း မင်းမျက်ရည်
မြစ်ပြင်ကျယ်မှာမျှော ပင်လယ်ထိ စီးပါစေ
အားတင်းကာ လျှောက်လေ....။
စီးပါစေ....အားတင်းကာ ....လျှောက်......လိုက်.....။
ဆူးရင့်၊တန့်ဆည်၊

တစ်ပိုင်တစ်နိုင် စိတ္တဇ

မွေးနေ့ အမှတ်တရ
ကဗျာစာအုပ်လေး လုပ်မယ်ဆိုတော့
ကိုယ်နဲ့ ရေးဖေါ်ရေးဖက် အသိမိတ်ဆွေ သူငယ်ချင်တွေဆီ
အွန်လိုင်းက မိတ်ဆွေတွေဆီ
ကဗျာတွေ တောင်းခဲ့ပါတယ်။

မွေးနေ့က
အောက်တိုဘာ(၂၉)ရက်နေ့မှ
ရောက်မှာ ဖြစ်ပြီး
သေရမယ့် နေ့ရက်ကိုတော့
ကြိတင် မသိရသေးပေမယ့်
မကြာမကြာ စဉ်းစားဖြစ်ခဲ့ပါတယ်။

ကျွန်တော် လုပ်နေတဲ့
အဲဒီစာအုပ်လေး
အခု
ပြီးဆုံးသွားပါပြီ။

စိတ်ဝင်စားလို့ ဖတ်ချင်ရင်တော့
ဒီမှီာ
ကလစ်ပြီး ဖတ်ရှုနိုင်ပါတယ်။

ကဗျာတွေကို
မွေးနေ့လက်ဆောင်ပေးကြတဲ့
ဝါရင့်ကဗျာဆရာများ
သူငယ်ချင်းများ
အားလုံး အားလုံးကို
အထူး ကျေးဇူးတင်ပါတယ်လို့
ပြောပါရစေ။
ဆူးရင့်၊တန့်ဆည်၊

တကယ်တော့ ငြင်းဆန်မရခြင်းတွေဟာ ယခုကဗျာပါ စာသားတွေပဲ

တစ်ယောက်ယောက်က အမှားတစ်ခုခုနဲ့
ချစ်မေတ္တာသာ မရှိခဲ့ရင်
ငါတို့ ကမ္ဘာအတွက် မတွေးဝံ့စရာ
အိပ်ပျော်နေတုန်း ချောက်အိပ်မက်တွေ မက်ခဲ့သေးလား
ကျောထောက် နောက်ခံတွေ စုတ်ပြဲနေသလား
မြစ်ကိုမှ ဖြတ်မကူးရဲရင်
ဒီမြင်နေရတဲ့ တစ်ဖက်ကမ်းကို
ငါတို့ ဘယ်တော့မှ ရောက်တော့မှာ မဟုတ်။

အသားကျနေတဲ့ အနာတရတွေ
လည်ပတ်နေတဲ့ အရာတွေ
မရေးဖြစ်သေးတဲ့ ကဗျာတစ်ပုဒ်ထဲမှာ
ဘာကိုမှလည်း သေချာပြောပြနိုင်သေးမှာ မဟုတ်။

ကိုယ်စုတ်ဖြဲမိချင် စုတ်ဖြဲမိဦးမှာ
အခက်အခဲ ရှေ့တိုးမသာ နောက်ဆုတ်မသာ ဖြစ်
မီးခိုးမည်းတွေ ဖုန်းနေတယ်
စိတ်အတွင်းက အစ ခန္ဓာတစ်ခုလုံး ကျွမ်းလို့လောင်
ဘ၀ထဲ လွတ်ကျသွားတာကို
ရပ်ငေးဆွေးနေတဲ့ လူတစ်ယောက်ကိုမှ
လှောင်ရယ်စရာလား။

အမှောင်ထဲ ချောင်းမြောင်းနေတဲ့ မျက်လုံး အန္တရာယ် ကျားရဲတွေ
တစ္ဆေသရဲ အတွေ့အကြုံကို ငါကြောက်တယ်
နှင်းဆီပန်း မပို့မိသေးတာဟာ
ညပ်နေတဲ့ စစ်ပွဲတံခါးကြားက
ရင်တစ်ခြမ်းကို ဆွဲထုတ်နေရလို့ပါကွာ။

လက်သည်း ခြေသည်း လောကတစ်ခုထဲက ကြေးတွေ
မျှော်လင့်ချက်ကို ငါမျှော်လင့်နေတာ
လူဆိုတာ မျှော်လင့်ချက် လိုတယ်
နောက်ကွယ်က ဖြတ်ပြေးသွားတဲ့ အရိပ်တွေ
နေ့ညတွေ အခုပဲ ကျန်းမာရေး ပြန်ကောင်းတော့ မလိုလို
တို့တစ်တွေ လုံခြုံရေး ဘလိတ်ဓားကြိုးတွေကြား
နေထိုင် အသက်ရှိရတယ်။

သင်္ဘောမှောက်နေတာဟာ
ဆယ်ယူခံဖို့မှ မဟုတ်ရင်
ပစ်ပယ်ခံရဖို့ စိတ္တဇ ရတယ်
ဘယ်လို ပေါင်မုန့်ထောပတ်သုပ်
အသည်းနှလုံး ယိုသုပ်တွေလဲ။

ရရှိလိုက်တာမှာ ဖုန်ကပ်နေတယ်
ထိတ်လန့် တုန်လှုပ်ရခြင်းသာ
အကောင်းဆုံး အသုံးအဆောင်တစ်ခုလို
မီးတောင်ဟာ ပေါက်ကွဲ။

ကိုယ်ဖက်ထားမိတာက
လူအဖြစ် ရုပ်အလောင်းနဲ့
ပျော်ရွှင်မှု ခြေပြတ် လက်ပြတ်တွေပဲ
အမြဲတမ်း သတိပေးချက်တွေ
တစ်နေရာရာဆီက ထုတ်ပြန်နေတယ်
တစ်နာရီ မိုင်စွမ်းအားအကုန်နဲ့ ပြေးဝင်လာနေတယ်
မကြင်နာ ရက်စက် ထက်ခြမ်းကွဲသွားစေမယ့်
အမျိုးအမည် မသိ မုန်တိုင်းများ

လူကြီးမင်းများ ခင်ဗျား
စာသားရဲ့ တစ်နေရာကို ရောက်ရင်
ကျွန်တော်တို့ အားလုံး
သေဟန်ဆောင်ရပါမယ်
ကိုယ့်အတ္တကိုယ် အနူးညံ့ဆုံးအထိ
ယဉ်ကျေးအောင် ချော့မြှူရပါမယ်။

အသည်းကွဲတာဟာ
အသည်းကွဲတာပေါ့ ခင်ဗျား
စာမျက်နှာပေါ်က တစ်စွန်းတစ်စ
ဖေါ်ပြထားတဲ့ လောကဘုံ
ကွယ်လွန်သွားတဲ့ အရာတွေ တစ်ခုပြီး တစ်ခု
ရထားတစ်စင်းဟာ
မနက်ဖြန် သင်္ချီုင်းတွေဆီ ခုတ်မောင်းသွားတယ်
လွမ်းဆွေးလိုက်တာ။

စိုးမင်းအောင်

ပဉ္စလက် ငှက်

အတောင်ပံ နာပေမယ့်
ငါ အခုထိ ပျံနေရတုန်း
ညောင်သီးက ရှားသထက်ရှား
လေးညှို့သံတွေပဲ များသထက်များ
အိပ်တန်းဝင်တာတောင်
ထောင်ချောက်ဆင်မလား စိုးနေရ
နေ့နေ့
ညည
ငှက်တစ်ကောင်မှာလည်း
စိတ္တဇဆိုတာ ရှိတယ်။

ငှက်တွေဟာ ပျံရင်း သေသတဲ့
ကြည့်လိုက်စမ်း
ဟောဒီမှာ ထူးဆန်းတဲ့ ငှက်တစ်ကောင်
သေရင်း ပျံနေရဲ့ ။ ။

ဝါဆိုကိုဦး(တောင်ကြီး)

အချိန်ရဲ့ တန်ဖိုး

တစ်နှစ်ရဲ့ တန်ဖိုးကို သိချင်ရင်
စာမေးပွဲကျတဲ့ ကျောင်းသားကို မေးကြည့်ပါ။

တစ်လရဲ့ တန်ဖိုးကို သိချင်ရင်
လမစေ့ဘဲ ကလေးမွေးတဲ့ မိခင်ကို မေးကြည့်ပါ။

တစ်ပတ်ရဲ့ တန်ဖိုးကို သိချင်ရင်
အပတ်စဉ်ထုတ် ဂျာနယ်အယ်ဒီတာကို မေးကြည့်ပါ။

တစ်နေ့ရဲ့ တန်ဖိုးကို သိချင်ရင်
ကလေး ခြောက်ယောက်ကို ကျွေးမွေးရတဲ့
နေ့စား အလုပ်သမားတစ်ယောက်ကို မေးကြည့်ပါ။

တစ်နာရီရဲ့ တန်ဖိုးကို သိချင်ရင်
ဆုံစည်းခွင့်ကို စောင့်နေကြတဲ့
ချစ်သူများကို မေးကြည့်ပါ။

တစ်မိနစ်ရဲ့ တန်ဖိုးကို သိချင်ရင်
ရထားမမီလိုက်တဲ့ ခရီးသည်ကို မေးကြည့်ပါ။

တစ်စက္ကန့်ရဲ့ တန်ဖိုးကို သိချင်ရင်
ယာဉ်တိုက်မှုနှင့် သီသီလေး လွဲသွားတဲ့
ဒရိုင်ဘာကို မေးကြည့်ပါ။

တစ်မီလီစက္ကန့်ရဲ့ တန်ဖိုးကို သိချင်ရင်
အိုလံပစ် ငွေတံဆိပ်ရှင်ကို မေးကြည့်ပါ။

ကျော်ဝင်း