စက္ကူစွန်ရဲ့ နောင်တ တေး

။တစ်။
ကျောင်းက ဘလက်ဘုတ်ပေါ်မှာ
ကပ်ထားတဲ့ အောင်စာရင်းတွေကို ကြည့်ပြီး
ဒီနှစ် တက္ကသိုလ်ဝင်တန်း စာမေးပွဲမှာ
ကျွန်တော် ကျရှုံးခဲ့တယ်ဆိုတာ သိလိုက်ပါပြီ။

မိဘတွေ သဘောမတူနိုင်ပေမယ့်
သီးသီးသန့်သန့် ကျွန်တော့် ရည်ရွယ်ချက်တစ်ခုက
ရင်ထဲမှာ အမြစ်တွေ ဖြိုင်ဖြိုင်ထွက်လို့။

“ရန်ကုန်မှာ အလုပ်သွားလုပ်နေတဲ့
သူငယ်ချင်းထွန်းနိုင် ဒီတစ်ခေါက် ရွာကို ပြန်လာရင်
သူနဲ့အတူ ရန်ကုန်ဆင်းပြီး အလုပ်လုပ်မယ်”

မိဘဆရာတွေရဲ့ ချုပ်ခြယ်မှု အမျုိးမျိုးနဲ့
သွားလာနေထိုင်နေရတဲ့
ကျောင်းသားတစ်ယောက်ရဲ့ ဘ၀ဟာ
ဘယ်လောက် ပျင်းစရာ ကောင်းလဲ။

သူ့ဆန္ဒနဲ့ အံချော်နေတဲ့ ကျွန်တော့်ကို ကြည့်ပြီး
အမေ့ ပါးပြင်မှာ မျက်ရည်တွေ စိုထိုင်းသွားခဲ့ပါတယ်။
အဖေကတော့ တောက်တခေါက်ခေါက်နဲ့
ဒေါသတွေ ပေါက်ကွဲ ကျန်ရစ်ခဲ့လေရဲ့ ။

အားလုံးကို မသိကျိုးနွံပြုပြီး
သူငယ်ချင်းထွန်းနိုင်နဲ့အတူ
ကျွန်တော် ရန်ကုန်ကို ထွက်လာခဲ့ကြတယ်။

လက်ဖက်ရည်ဆိုင် တစ်ဆိုင်မှာ
စားပွဲထိုး ၀င်လုပ်ရင်း သုံးနှစ်ဆိုတဲ့
အချိန်ကာလဟာ တတိတိ တရွေ့ရွေ့
တိုက်စားကုန်ဆုံးသွားခဲ့ပါတယ်။

သူဋ္ဌေးဖြစ်အောင် လုပ်မယ်ဆိုတဲ့
ကျွန်တော့် ရည်ရွယ်ချက်တွေဟာလည်း
ခေတ်ကာလရဲ့ နင်းချေမှု အောက်မှာ
မှုန်ဝါးဝါးနဲ့ ပျောက်ဆုံး သွားခဲ့ပြန်ရော့။

ဘွဲ့ ဒီဂရီ မရှိသူ တစ်ယောက်အတွက်
တစ်ဝမ်းတစ်ခါး လှပအောင်
ဖြတ်သန်း ရုန်းကန်ဖို့အတွက်
မွန်းကြပ် ခက်ခဲလှတဲံ မြို့ပြရဲ့ ပရိယာယ်ကို
ကျွန်တော် ကောင်းကောင်း သဘောပေါက်လာခဲ့ပြီ။

ဒီတော့မှ ဇာတိရွာကလေးဆီ ပြန်ပြေးပြီး
စိတ်မပါပေမယ့်
တောင်သူလယ်ယာအလုပ်ကို လုပ်ကိုင်ခဲ့ရတယ်။

အဖြူနဲ့အစိမ်း ကျောင်းဝတ်စုံလေးတွေ
ဝတ်ဆင်ထားကြတဲ့
ကျောင်းသား ကျောင်းသူတွေကို မြင်ရတိုင်း
ဟိုတစ်ချိန်က ကျောင်းသားဘ၀ကို
လွမ်းလွမ်းဆွတ်ဆွတ်နဲ့
ကျွန်တော် ပြန်လိုချင်လိုက်တာဗျာ။

။နှစ်။
နွေရာသီရဲ့ ပူလောင် လှိုက်စားမှုကြောင့်
သစ်ရွက်တွေ မြေမှာ ပြန့်ကျဲနေပါတယ်။
လယ်ကန်သင်းက ကုက္ကိုပင်ကြီးကို
မှီထိုင်ရင်း သက်ပြင်းတစ်ချက်ကို
ကျွန်တော် သံရှည်ဆွဲပြီး မှုတ်ထုတ်ပစ်လိုက်တယ်။

သစ်ကိုင်းအဖျားမှာ ချိပ်မိပြီး
စုပ်ပြတ်နေတဲ့ စက္ကူစွန်လေး တစ်ကောင်ဆီ
အကြည့်က အမှတ်မထင် ရောက်သွားခဲ့ပြန်ရော့။

စက္ကူစွန်ကလေးက
သီချင်းတစ်ပုဒ် သီကျူးနေသလို
ကျွန်တော် ခံစားနေရတယ်။

သီချင်းသံ အပိုင်းအစတွေကိုလည်း
ကျွန်တော့်နားထဲ ကြားယောင်လာပါတယ်။

“ရင်ဘတ်က နှောင်ကြိုးတစ်စုံဟာ
တိမ်ဆီ လွင့်ရာ ခရီးတိုင်း
ငါ့ပျံသန်းမှုကို ပိတ်ဆို့ခဲ့ပြီ။

ဟိုး အမြင့်ဆီ ထိုးတက်ဖို့
ငါအော်နေတယ်

ငါ့အသံကြောင့်
နှောင်ကြိုးတွေ ပြတ်တောက်ခဲ့လေသလား
ငါ မသိဘူး
ငါတကယ် မသိခဲ့ပါဘူး

လွတ်လပ်စွာ ပျံတက်ခဲ့ပေမယ့်
ဆန့်ကျင်ဘက်ဆီ ထိုးထိုး ဆင်းနေခဲ့
မျှော်လင့်တိုင်း ဖြစ်မလာတာ
ငါတစ်ယောက်ထဲ မဟုတ်ဘူး သူငယ်ချင်းရေ..”

။သုံး။
မြေပြင်ကို
ကျွန်တော် လက်သီးနဲ့
အားထည့်ပြီး ဆောင့်ထိုးပစ်လိုက်တယ်။

ဆူးရင့်၊တန့်ဆည်၊