ဖွဲ့စပ် ထုတ်ပိုး ပြုလုပ်မှု မူလပုံစံ အနေအထားမပျက်ဘဲ တည်ဆောက်ထားတဲ့ ISMလား
ကဗျာတစ်သျှူး အသားအစအနတွေ စံချိန်ပြည့် အရည်အသွေးမြင့်ဖို့ ထင်ပါတယ် အဲလိုလား
တစ်နေ့ တစ်ပုဒ်လောက်မှ မရေးမသားရရင် အရေပြားတွေ ယားယံလာတတ်သလား
စားမ၀င် အိပ်မပျော် ခေတ်ပြိုင်အာရုံခံစားမှု အသက်ရှူသံ တိမ်းမှောက်နေသလား
ချည်မျှင်ဆန်ဆန် ဗဟိုချက်မဲ့အောင် စိပ်မယ် မွှာမယ် ဖြတ်တောက် SPACEခြားမယ်ပေါ့ ဟုတ်လား
ပင်မရေစီးထဲ ပက်လက် မှောက်ခုံ ဘယ်လို မြောနေ မောနေခဲ့သလဲ
အချိုးအကွေ့ မတူညီတဲ့ စာသားအဆောက်အဦဆီ ပြေးမလား လွှားမလား
ပလပ်စတစ်လိုက်ကောက်သလို စကားလုံးအမှိုက်ပုံထဲ ရှာချင် ဖွေချင်သေးလား
ကိုယ်တိုင် တွေ့ရှိချက် ရေးသားပြီး ပြုလုပ် တပ်ဆင်ခြင်းမျိုးပဲလား
COLLECT ဟာ ရိုးအီနေပြီလို စိတ်ရဲ့ အတွင်းသားစိတ်ကို တိုးတိုးလေး ပြောပြနေလား
အသစ်ဆိုတဲ့ တံဆိပ်တွေ အထပ်လိုက်ကပ် ရှေ့ကို ဆက် - ဆက် စီးသွားမလား
ရေသေအိုင် အစပ်ဆီ အရှက်မရှိ ဂငယ်ကွေ့ ပြန် - ပြန် ၀င်လာဦးမလား
ဒေါင်လိုက် စီမလား၊ အလျားလိုက် စီမလား၊ ဘယ်လိုလဲ၊ ခင်ဗျားရဲ့ သဘောပဲလား
ကဗျာနာရေးအတွက် အသက်အစားထိုး ခွဲစိပ်ကုသဖို့ စိတ်ဝင်စားလား
ခင်ဗျား အသက်တစ်ခြမ်းကို ရက်ရက်ရောရောပဲ ပေးဆပ်ထားခြင်းလား
ဘာဗေဒ ဘယ်သီအိုရီ ဟိုဒင်းတက္ကနစ် အဲဒီဝါဒတွေ ဖတ်ဖြစ်လား
နိုင်ငံနဲ့ ပြုပြင်ပြောင်းလဲရေး ရေးဖြစ်လား၊ ဆုပ်ကိုင်ထားလား
ရင်ထဲ ၀မ်းထဲအထိ ရောက်လား၊ နာကျင်ခံစားနေလား၊ ဆိုးဝါးဆဲလား
လင်းပွင့် မှောင်မည်းလွန်းတဲ့ သိမှု မသိမှုတွေ ဆွဲခေါ်လာဖြစ်သေးလား
ကဗျာမှာ ကြော်ငြာလိုအပ်ကြောင်း ထင်မြင်ယူဆဖူးသလား
စကားလုံးတွေ စာသားတွေ လော်လီတာ မောက်မာတာ
ဆပ်ဆော့တာ အငြိမ်မနေဘဲ ကစားနေတာ လေ့ကျင့်ခန်းလား စတန့်ထွင်တာလား
FORM အကြောင်းအရာ အသံ ဟန် ချိန်းဖို့ ကြိုးစားကြည့်သေးလား
တဖျောက်ဖျောက် တဂျောက်ဂျောက် ခုန်ခုန်ထွက်ပြေးတတ်လား
JUMP တွေရဲ့ သဘောကို သွေဖယ်သေးလား အဲလိုထည့်ရေးမိတတ်လား
စိတ်ကူး စိတ်ရူးပေါက်သလိုပဲ အရေးအသားသက်သက်လား
ကဗျာအပြင် ထွက်ပြေးဖို့ ကြံစည်ဖူးလား ကဗျာထဲ ဆွေးဆွေးငွေ့ငွေ့လေး ငိုနေလား
ကဗျာထဲ ပြေးပြေးဝင်လာတတ်တဲ့ အိပ်မက်မျိုးလား စားဝတ်နေရေး ကျန်းမာရေးလား
ပျော်လား ဖျော်ဖြေရေးလား ဟာသလား အသုံးချခံ ပစ္စည်းသက်သက်လား
ကဗျာကို ညီအစ်ကိုမောင်နှမလို သဘောထားလား ဆွေမျိုးသားချင်းလို သဘောထားလား
မိတ်ဆွေလို သဘောထားလား ချစ်သူလို သဘောထားလား လင်မယားလို သဘောထားလား
ဒါမှမဟုတ် သူစိမ်းသက်သက်ပဲလား ဘယ်လို သဘောထားမျိုးလဲ
ပေါ်ပင်တွေ ရောယောင်နောက်လိုက်လုပ်ရပ်တွေ ပုံတူကူးချမှုတွေ ရှိခဲ့ဖူးလား
ဝင်လာတဲ့ D တွေ အုံ့ဆိုင်းရင်း မှိုင်မှိုင်ဝေေ၀ လွင့်နေ ၀ဲနေလား
စိတ်အလျဉ်အတိုင်း ပေါ်လာသမျှ အခု ကိုယ် ရေးပစ်လိုက်သလို ချရေးသားခြင်းမျိုးပဲလား
ပြီးတော့
ဘာတွေ ဖြစ်လာသေးလဲ
ဘယ်လို ခံစားရသေးလဲ
ပြောပါဦး။ ။
ဆူးရင့်
