လုပ်ကြံမှု

ကိုယ်ထဲက အသက်ဓာတ် ၀ိုင်ယာမျှင်တွေ

တစ်စချင်း ဖြတ်တောက်နေတာ ခံရ မခက်ဘူးလား

အာရုံကြော သတိပေးသံဟာ တစစ်စစ် မြည်ဟီးလို့

နေ့တိုင်း နေထိုင် ရှင်သန်မှုက ခင်ခင်မင်မင် မရှိတဲ့ လိပ်ပြာတွေလား

ရင်တလှပ်လှပ်နဲ့ သက်ပြင်းတွေ ခဏတိုင်း ခွါခွါချ

လေထဲပုန်းပြီး ၀င်လာတဲ့ ကြောက်စိတ်တွေ နေကောင်းလား နေဆိုးလား

အမိုက်အရိုင်း အပေအတေ အလေအလွင့်လား

ရူးကြောင်ကြောင် မေးခွန်းတွေနဲ့ မင်းရဲ့ တစ်ခန်းလုံး ရှုပ်ပွတွန့်ကြေနေမှာ

သေချာပါတယ်...

အလိုမတူ ဖြတ်သန်းရတဲ့ ဘ၀ဆိုတာကြီးကို ငြင်းဆန်မယ်

တဖြည်းဖြည်း မှေးမှိန်လာတဲ့ အရောင်ကို ငြင်းဆန်မယ်

စန်းလဂ်မကောင်းတဲ့ ညနက်နက်တွေကိုလည်း မင်းငြင်းဆန်နေလိမ့်မယ်

ငယ်ငယ်က စိတ်ဒဏ်ရာဟာ အခုထိ ယိုင်နဲ့နဲ့ ခြေလှမ်းတွေပဲ မဟုတ်လား

အမေ ဘယ်မှာလဲ၊ အဖေ ဘယ်မှာလဲ

အစစ်အမှန် တရားမျှတမှု စာနာခြင်း ချစ်မေတ္တာ ဘယ်မှာလဲ

လွတ်လပ်စွာ ပြောဆို ရေးသား တိုင်ပင် ဆွေးနွေးခွင့် ဘယ်မှာလဲ

အိပ်မရတဲ့ ညအမောဖိုင် မသတီစရာ အညစ်အကြေးတွေ အထပ်လိုက်

ကိုယ့်ကိုယ်ကိုယ် သတ်သေချင်လောက်အောင် အကျပ်အတည်းမျိုးနဲ့ မွန်းကျပ်နေမှာပေါ့

အိပ်ဖို့ ဘယ်တော့မှ မကြိုးစားနဲ့ ကိုယ့်လူ သတိပေးနေတာတွေ / တွေး

သေမင်းလွှတ်တဲ့ အခိုးအငွေ့ဟာ မင်းဘေးတ၀ိုက် ဝေ့ဝေ့သီလို့

အမိုက်အမဲများအတွက် ကမ္ဘာကြီးကို တောင်းပန်လိုက်ပါ

ညည အိပ်လို့မရဘူး၊ ညည အိပ်လို့မရ၊ ညည အိပ်လို့မ၊

ညည အိပ်လို့၊ ညည အိပ်၊ ညည၊ ည

ညအော်သံဟာ တုန်ယင်ထိုးဆွရင်း

ကိုယ်ထဲက အသက်ဓာတ် ၀ိုင်ယာမျှင်တွေ

တစ်စချင်း ဖြတ်တောက်နေတာ ခံရ မခက်ဘူးလား ဆူးရင့်။ ။

ဆူးရင့်

25. 7. 2011

AM; 3;30;15;