တပည့်တော် ပျောက်ဆုံး အကြောက်ဆုံး ဖြစ်နေရတာ ရှိတယ် မရောက်တဲ့ လမ်းတွေ ရှိတယ်
လျှောက် ခဲမလောက်ရတာတွေ ယိုဖိတ်နေတာတွေ
လှံတစ်ချောင်း ကိုယ်ပေါ် ထိုးစိုက်လာတဲ့ နေ့ရက်တွေက အစ
ပြည်အောင်း ပိတ်လှောင်နေတဲ့ စကားလုံး လောင်မြိုက်မှုတွေက အစ
အဆုံး ကဗျာ DOCUMENTRY ဗီဒီယိုရိုက်ကူးရေး ကမ္ဘာ ငါ့ကို ချစ်နေတယ် ပြော လိမ်လည်တဲ့ ကဗျာ
စကားပြေ ကျိုးကျိုးပြတ်ပြတ် ဒဏ်ရာ ကဗျာ ယုံကြည်လို့ ရတဲ့ သစ္စာလား သွေးစစ်ကြည့်
ပြီးတော့ မနက်အိပ်ရာအထ ခေါင်းကို ကြော့နေအောင် ဖြီးစမ်းပါ
မျက်ဝန်းထဲက အရည်များ ပန်းထွက်လာပြီး သေနတ် မပစ်နဲ့ ပြောကာ
စကြ၀ဠာအပြင်ဘက်ကို ထွက်ပြေး ပြေးထွက်မိပြီး အတွင်းမှာ တိုက်စား
လာနေတာ အကွက် အပွင့် အချိုင့် အ၀ှမ်း ချောက်တွေ
ချောက်ချောက်ချားချား ချားရဟတ် စီးကြည့်ပါလား
ဘီလူးဆိုင်းတီးရင် ဘီလူးက ကရုံ ယိုးဒယားတီးရင်
မင်းသားလို ၀တ် ထွက်ကရုံပေါ့ လည်မယ် အဟား
တကယ်တော့ သွားစမ်းပါကွာ အလကား အရာတွေ ၀င်လာတဲ့ ဒီတွေ
ဒေါင်း ဒေါင်း ဒုန်း
မျက်တောင်မခတ် မျက်လုံး ဖောက်ထုတ်ကြည့်ပါလား
ဘာမှန်းမသိတာတွေ မြင်နေ အတွင်းသား အပြင်သား ပေါင်သား အလယ်သား
အသားယူကြည့် လောက်ပေးပစ်လိုက်မယ် ဟုတ်တယ် ခေတ်က မင်းမြင်သလို ဟောင်းလောင်း
အခြေတွေကို မြင်ရတယ် ဟောင်းလောင်း အမြစ်တွေကို မြင်ရတယ်
လမ်းသရဲပဲ လမ်းဘေးက ……..ဟာတွေ
သေးမပေါက်ရ လေထဲ အမှိုက်မပစ်ရ လေထဲ ဖိနပ်မစီးရ
နေ့/ည လေရပြီ လေ တစ်နာရီ နှစ်ဆယ့်ခုနစ်မိုင်နှုန်း
COME ON နဲ့ COME ON - COME ON
ဒါက မပျံသန်းရ နယ်မြေ ကိုယ့်မြေပဲ ကိုယ်လှော်ချင် လှော်မယ်
ကိုယ်လျှောက်ချင်တဲ့ နေရာ လျှောက်မယ်
လမ်းသရဲပဲ ဘိုဟီးမီးယန်းပဲ လျှောက်ပစ်လိုက်မယ် ဂလောက်
လမ်းဆိုတာ လျှောက်ပစ်လိုက်ဖို့ လျှောက်ထားမယ်
ကိုယ်ရှာနေတယ် လွတ်လပ်လင်းပွင့်တဲ့ ကောင်းကင်
ဘိုဟီးမီးယန်းတစ်ယောက် ဆက်လျှောက်နေတယ် အိုကေလား အိုကေရင် COME ON
တောင်းပန်နေပါတယ်
အားလုံးကောင်းပါတယ်ခင်ဗျား
အလွန်ကျေးဇူးတင်ပါတယ် ထွီ
ကဗျာခေါင်းစဉ်။ ။
အချိုး အကွေ့များ စာသားဥယျာဉ်
No comments:
Post a Comment