နေကလည်း ပြင်းတယ် စိတ်မှာ ဖြစ်တဲ့ ထိခိုက်မှုတွေကလည်း ပြင်းတယ် အရင်နေ့ကဆို အသက်ကိုတောင် မရှူဘဲ သေသလိုကို အောင့်ထားမိသေးတယ် ကမ္ဘာကြီးကလည်း အနိဋ္ဌာရုံတွေ ပြည့်နေတာပဲ မစိုးရိမ်ဖို့ မစိုးရိမ်ကျောင်းတိုက်ကို သွားရမယ် HELP ကူညီပါ ကျန်းမာရေးကိုလည်း ကျန်းမာဖို့ စောင့်ရှောက်ရဦးမယ် စိမ်းလန်းချင်တယ်ဆို စိမ်းလန်းစိုပြည်ကို လာခဲ့ ကဗျာတွေနဲ့ စောင့်နေတယ် အင်းလျားရေပြင်ကိုလား ကိုယ်ငေးနေတယ် အရှေ့ကို ရောင်နီလာရင် ကိုယ်ကြိုပါ့မယ် ကားအင်ဂျင်စက်သံတွေ ဟွန်း…မတီးရနယ်မြေထဲက ဟွန်းသံတွေ ကိုကို အရမ်းဆိုးတာပဲနော် သမီးကိုဆို အွန်လိုင်းပေါ်မှာ ညစ်ညမ်းစာသားတွေနဲ့ တအားဖက်ထားတယ် သိပ်မွန်းတာပဲ ကိုကိုပို့တဲ့ မဟုတ်တရုတ်မေးလ်တွေကိုလည်း ဖျက်ရဦးမယ် ဆိုနေတာက သီချင်းလိုလို ကမ္ဘာမကျေလိုလို အူအတက်ပေါက်တော့ အန္တရာယ်ရှိတယ် ပြောကြတယ် စိတ်အတက်ပေါက်တော့ ဘယ်လို နေရမလဲ လူကြမ်းကြီးတွေကိုလည်း ခွင့်လွှတ် လွှတ်စရာ ရှိတဲ့ ခွေးတွေကိုလည်း ခွင့်လွှတ်ရင်း ကိုယ့်ဘ၀ကိုယ်လည်း ခွင့်လွှတ်တတ်လာတယ် ဟုတ်တယ်နော် နာမည်ရှိတဲ့ BRAND တွေ တအား ဈေးကြီးတာပဲ ကလေးဘ၀ထဲက ဖြူစင်မှုတွေကိုလည်း ပြန်သတိရလိုက်သေးတယ် ဆက်ပြောစရာက ဆူး…ဆူးကလည်း ရင့် သူဆက်ပြောပါလိမ့်မယ်
မဖြစ်ညစ်ကျယ် သက်ရောက် အရှိတရားတွေ တန်ဖိုးကြီးတာက အစ သံသရာ အဆုံးမသတ်သေးသမျှ အရာတွေအကြောင်း ပြောပြ လက်တွေကို ရေရှင်ဆန်ဆန် စီးကြမယ် မျောကြမယ် ပြီးရင် ပုပ်သိုးနေတဲ့ ညနက်တွေ အူနေတာလည်း ငိုသံတစ်မျိုးပဲ ခွေးတွေ အူသလို အူအူ ငိုခဲ့ကြရတဲ့ မျက်ရည်တစ္ဆေအစစ်တွေ ကြောက်နေရပါတယ် ကျောက်ဆောင်ပေါ် အိပ်ရင်း ဖုတ်သွင်းရထားကို ကျောက်ကန်ဖို့ မျှော်မယ် မျှော်တော်ယောင် ဘ၀က စောင့်နေမယ် ဂုဏ်သရေမဲ့ အသိုက်ပျက် ၀ပ်ကျင်းမှာ ကျဉ်းမြောင်းတဲ့ သဘာဝပတ်ဝန်းကျင်မှာ ငေးနေမယ် ဘာသာစကားဆိုတာလည်း နောက်ဆုံးတော့ ဘာသာစကားဆီ သွားရုံသက်သက်ပဲ ကိုယ်တို့က ခံစားမှုဆီ အရောက်သွားချင်တယ် ခဲမလောက် နောက်..ပြောစရာ ရှိသေလား အတည်ပြောချင်လည်း ပြော အောင်ရင်ငြိမ်းဆီ ဖုန်းဆက်တယ် ဟယ်လို…
သစ္စာတရားဆီ ဖုန်းဆက်လိုက်ရင် အိမ်မှာ မရှိဘူးဆိုတာချည်းပဲ အသက် ၃၈ နှစ်ပြည့်မှ ဆယ်ကျော်သက်မိန်းကလေးတစ်ယောက်ကို ချစ်မိတယ် ခင်ဗျားရော ချစ်ဖူးသလား ကိုယ်ဟာ နတ်မိစ္ဆာ ဘုရားသခင်ကို ဆန့်ကျင်ရဲတယ် ချစ်ခြင်းမေတ္တာကို မလွန်ဆန်နိုင်ဘူး အခုတလော စိတ်ထဲမှာ အပျောက်အရှ အရမ်းများတာပဲ များနေတယ် ဘယ်ဘ၀ရောက်ရောက် ချစ်မေတ္တာကို ယုံကြည်တယ် အချစ်မှာ လိင်ကိစ္စ ပါ မပါ ကိုယ့်ကို လာမမေးနဲ့ သူ့နာမည်နဲ့ ပန်းပင်လေးတစ်ပင် စိုက်ထားတယ် ကိုယ်သေသွားရင်တောင် နောက်ဘ၀မှာ ပန်း-ပွင့်လာမှာပဲ ကိုယ်ဒီလို ခံစားသိရတာတွေ ပန်းထွက်လာတယ် ရဲရဲပြောတော့ နည်းပညာကိုလည်း ဆန့်ကျင်မယ် သွေးသားဝိုင်ယာညှော်နံ့ တွေဟာ ဆိုးပါတယ် ၂၄ နာရီ မေ့မရ လိင်စိတ်ကြွချိန်မှာ မင်းကို မေ့ထားပါတယ် ခင်ဗျားပြောချင်သလို သူလာနေပြီ သူရနီမှာလည်း ပြောချင်တာတွေ ရှိပါလိမ့်မယ်
သူ မပြောဘဲ နှုတ်ဆွံ့ကာ တော်ပါပြီကွာတဲ့ လှဲအိပ်နေတယ် လဲနေတယ် အာရုံထဲ ခေတ်/ ဘ၀တစ်ခုလုံး လဲပြိုနေသလို သူ လဲနေတယ် နေတယ် နေနေပါတယ် အားလုံးရဲ့ ဝေးဝေးမှာ နေပါတယ်
အောင်ရင်ငြိမ်း ဆူးရင့် စိုးမင်းအောင်
၂၀၁၀၊ နိုဝင်ဘာ၊ ၂၈
နေ့လယ် ၁ နာရီ ၀၂ မိနစ်။
No comments:
Post a Comment