စိတ်ပျက်စရာကောင်းတဲ့ ဇာတ်ဝင်ခန်း

စာမကျက်ချင်ပေမယ့်
ကျောင်းသားပဲ လုပ်ချင်နေခဲ့တယ်
မုန့်ဖိုးတောင်းလို့ လွယ်သလိုလို
ဘာလိုလို ညာလိုလို ဟိုဟာလိုလို ဒီဟာလိုလို
လူကြီးလုပ်ဖို့ အသက်ကြီးရမှာ
ကြောက်ကြောက်နေခဲ့
လူကြီးလိုလို ကလေးလိုလို
လိုလိုတွေနဲ့ လော်လီနေဆဲလူ။

ဆန်တစ်ခွဲ မရချင်နေ
သူများအကြောင်း မပြောပဲ မနေနိုင်
ကဗျာဆရာတစ်ယောက်
အရက်မူးပြီး ပန်းကန်ပြားတစ်ချပ် ပေါက်ခွဲ
စသဖြင့် ပါးစပ်က သွေးသံရဲရဲ
ညှီဟောက်နေတဲ့ အန်ဖတ်တွေကို
အန်နေရတဲ့ အရသာ
စိတ်က လိုချင်မှုနဲ့ ခါးစပ်နေရမှ။

ဘာလုပ်လို့ ဘာကိုင်ရမှန်း မသိတဲ့အခါ
အင်တာနက်ပေါ်ကိုပဲ တက်တက်မျှော်မိ
ကဗျာတွေကို အပြိုင်ရေဖျန်းကြ
ဒီဇိုင်းတွေ ပြိုင်ဆွဲကြ
ဟီ..ဟိ.. လို့ ရယ်ရယ်နေတဲ့
ဘလော့ဂါတွေကို ပါးပိတ်ရိုက်ချင်တယ်
နင် ငါ့ကို ချစ်လား yes (or) no
အချစ်က ချက်စားလို့မှ မရတာ။

လူစွမ်း မပြနိုင်လို့ကတော့
လူ့အသင်းအပင်းက အရွေးချယ်ခံရမှာမဟုတ်
တအိအိပျော်ကျနေတဲ့ ရေခဲတုံးကြီးကို
စိတ်က စိုးရိမ်တကြီး ဖက်တွယ်ထား
အပျင်းပြေ ရေဒီယိုနားထောင်ဖို့
ဓာတ်ခဲက အားမရှိ
အနာဂတ်မိုးက မထိတထိ ရွာနေ။
သာရလင်း