အိပ်မက်

။တစ်။

ချစ်ခြင်းကို ဖွဲ့သီဖို့ ငါ့ရင်မှာ
မွန်းကျပ်မှု အသင်္ချေနဲ့ ရှူရှိုက်ခဲ့ရတယ်။
သတိရမှုတွေ လွတ်ထွက်မသွားအောင်
ငါ့မှာ ချည်နှောင်ခဲ့ရတယ်။
တမ်းတမှုတွေ အငွေ့မပျံအောင်
ငါ့မှာ လှစ်ဟခဲ့ရတယ်။
စွဲလမ်းမှုတွေ ပုတ်သိုးမသွားအောင်
ငါ့မှာ အေးစက်ခဲ့ရတယ်။
မင်းအသံလေးတွေ ခါးမသွားအောင်
ငါ့မှာ ဂရုစိုက်ပြီး အချိုကဲခဲ့ရတယ်။
မင်းပုံရိပ်တွေကို ပျောက်မသွားအောင်
ငါ့မှာ ငြို့ယူခဲ့ရတယ်။
ရင်ခုန်သံတွေ ရပ်တန့် မသွားအောင်
ငါ့မှာ ဆုတ်ကိုင်လှုပ်ရမ်းခဲ့ရတယ်။


မင်းလျှောက်ခဲ့တဲ့ လမ်းတွေရော
မင်းပျောက်သွားတဲ့ လမ်းတွေပါ
ငါ့မှာ ခြေရာခံ စုစည်းခဲ့ရတယ်။
မင်းသုံးစွဲခဲ့တဲ့ မိတ်ကပ် သနပ်ခါးတွေက အစ
မင်းကြိုက်တတ်တဲ့ အစားအစာ အရောင်တွေ အဆုံး
မင်းနင်းချေပြီးသား စာမျက်နှာတွေပါ
ငါမှာ ရှာဖွေမှတ်သားခဲ့ရတယ်။


မင်းဟာ အမုန်းဆီ ဦးတည်လျှောက်လှမ်းနေတဲ့
နှလုံးသား ကျောက်ဖြစ်ရုပ်ကြွင်းလား။
ခံစားချက်မရှိတဲ့
မိုးတိမ်အတုလား။
မာကျောခက်ထန်တဲ့
ပန်းတစ်ပွင့်လား။
သံယောဇဉ်ကို ရိတ်သိမ်းနိုင်တဲ့
မှော်ပညာရှင်လား။
အရာရာ ကွန်မန့်ပေးလို့ရတဲ့
နည်းပညာသစ် စက်ရုပ်တစ်မျိုးလား။


မင်းထားခဲ့သလို မနေတတ်တော့
ငါ့မှာ ကြိုးတွေနဲ့ ရုန်းရခက် လှုပ်ရှားရခက်
ငါ မင်းကို လိုက်ရှာနေပါတယ်
မလွတ်လပ်တဲ့ ကိုယ်ခံအားနဲ့
မင်းကို ငါလိုက်ရှာနေတယ်
ဟုတ်တယ်
တစ်ညလုံး မင်းကို လိုက်ရှာနေခဲ့တဲ့ ငါ


စိတ်လိုလက်ရ တောင်းဆိုခွင့် မရှိသလို
စိတ်လိုတိုင်း လက်ကမရနိုင်ခဲ့ဘူး
မပြတ်သားတဲ့ ရင်းနှီးမှုနဲ့
ငါ့မျှော်လင့်ချက်ဟာ ဝေးဝေးလာခဲ့တယ်
မျှော်လင့်ချက် မကင်းတဲ့ သီချင်းတွေ မဆိုချင်တော့ဘူး
မျှော်လင့်ချက် မကင်းတဲ့ ထမင်းတွေ မစားချင်တော့ဘူး
မျှော်လင့်ချက် မရှိရင် အရာရာ ပေါ့ပါးနေလိမ့်မယ်
ဘာမျှော်လင့်ချက်မှ မရှိဘဲ ငါ မင်းကို လိုက်ရှာနေတယ်


တွေ့တွေ့ မတွေ့တွေ့ ငါမှာ ဘာမျှော်လင့်ချက်မှ မရှိတော့ဘူး
မင်းကို ငါ လိုက်ရှာနေသလို
ငါ့ကိုယ်ငါတော့ သိမ်းဆည်းဝှက်ကွယ်ထားလိုက်တယ်
မင်းနားထင်ဆီ ရောက်နေတဲ့ သွေးတွေ
တရားမှတ်ရင်း ဖောက်ထုတ်ပစ်လိုက်ပါ။
မင်းဆံဖျားထက် ရှည်ထွက်နေတဲ့
မာနအကိုင်းအခက်တွေ
တရားမှတ်ရင်း ဖြတ်တောက်ပစ်ပါ။
ဘ၀သံသရာကို စောစီးစွာ
ကန့်လန့်ကာချနိုင်ပါစေ။
ငါ့ကို အမြဲတမ်း အနိုင်ယူနိုင်ပါစေ။
ငါ့အားနည်းချက် မြေနိမ့်ပိုင်းကို လှံစိုက်နိုင်ပါစေ။
ငါ မင်းကို လိုက်ရှာနေပါတယ်။


။နှစ်။

အခမ်းအနား တစ်ခုမှာ
မသဲမကွဲ မင်းကို တွေ့ရတယ်
အဲဒီပွဲမှာ မင်းက အခရာ
သိုးဆောင်းဘာသာ စကားတွေနဲ့
ဆက်၍ဆက်၍ အစီအစဉ်တွေကို လှုပ်ရှားသွားစေတယ်။


မင်းရဲ့ စကားသံတွေကို ကြားနေရပေမယ့်
ငါ လုံးဝ နားမလည်နိုင်ခဲ့။
မင်းဟာ ဧည့်ပရိသတ် အလယ်မှာ
ရဲရင့်ခဲ့တဲ့ ခြင်္သေ့မတစ်ကောင်ပဲ။
မျက်နှာပန်းလှလှ သွက်လက်နေလိုက်တာ
ငါကတော့ အရင်လို အညတရ
မင်းရဲ့ အောင်မြင်မှုကို ပရိသတ်အပြင်ကနေ
တိတ်တိတ်လေးသာ ကြည့်ခွင့်ရခဲ့သူ။


အဲဒီ အခမ်းအနားဟာ
ဘာကို ကိုယ်စားပြု
ရည်ညွှန်းတဲ့ အခမ်းအနားလဲ။


မင်္ဂလာဧည့်ခံပွဲလား
မွေးနေ့ဧည့်ခံပွဲလား
စေ့စပ်ပွဲလား
စုံညီပွဲလား
ဆုနှင်းသဘင်ပွဲလား
ရှင်ပြု နားသ အလှူတော်မင်္ဂလာပွဲလား
နည်းပညာ နှီးနှောဖလယ်ပွဲလား
ထိပ်သီး ဆွေးနွေးပွဲလား
အဲဒီအခမ်းအနားဟာ
ဘာပွဲရဲ့ အခမ်းအနားလဲ
ငါတကယ် မသိခဲ့ပါဘူး။
ငါဟာ အဲဒီပွဲနဲ့
လုံးဝ မပတ်သတ်တဲ့ သာမာန်လူတစ်ယောက်ပါ။


အခမ်းအနားပြီးဆုံးတော့
ကားတစ်စီးဆီ မင်းလျှောက်လာတယ်
ဒါဟာ မင်းရုပ်လွှာကို
ပီပီပြင်ပြင် မြင်ခွင့်ရတဲ့ မြင်ကွင်းတစ်ခုပဲ။


ငါသိဖူးတဲ့ အရင်ကရုပ်နဲ့
အခုမြင်နေရတဲ့ မင်းရဲ့ပုံဟာ ကွဲလွဲနေသလို
မင်း တကယ်ကို သားသားနားနား တည်ရှိနေခဲ့ပါတယ်
ငါမင်းကို မှတ်မိနိုင်ပေမယ့်
မင်းအတွက်တော့ ငါဟာ တစိမ်းတရံ ဖြစ်လို့။
နှုတ်ဆက်နိုးနိုးနဲ့ ငါမင်းကို ကြည့်နေခဲ့တယ်
ဘာမျှော်လင့်ချက်မှ မရှိခဲ့တာဟာ အရင်အတိုင်း။


ကားတစ်စီးဟာ မင်းကို သယ်ဆောင်ပြီး
“ ၀ူး ”ခနဲ့ မောင်းထွက်သွားတယ်
ငါ့ကိုယ်ငါ သယ်ဆောင်ပြီး
ဒေါင့်ကွေးလေးတစ်ခုမှာ
အိပ်စက်နေလိုက်တယ်
ဘာမျှော်လင့်ချက်မှ မရှိဘဲ
ငါ မင်းကို လိုက်ရှာနေပါဦးမယ်။


။သုံး။

မင်း ငါ့ဆီရောက်လာခဲ့တဲ့ကြောင်း
ငါ့အိပ်စက်ခြင်းတွေ ပျက်စီးသွားမှာစိုးပြီး
မနှိုးခိုင်းတဲ့အကြောင်း
မင်းရောက်ကြောင်းကို စာနဲ့ရေးပြီး
ထားခဲ့မလိုနဲ့ မထားခဲ့ဘဲ ပြန်ယူသွားတဲ့အကြောင်း
မင်းရဲ့အလှအပများအကြောင်း
မင်းတော်ကြောင်း တတ်ကြောင်း
အကြောင်းပေါင်းများစွာကို
ငါနိုးလာတော့
ဘေးကလူတစ်ယောက်ကပြောပြတယ်။


တကယ်တော့ မင်းဟာ
ပတ္တမြားမြေကနေ
ဘယ်လို ဘယ်ပုံ ရန်ကုန်ကိုရောက်နေတာလဲ
ငါမသိလိုက်ရပါလား။
မင်းရှိနိုင်မယ့်နေရာတွေ
ငါလိုက်ရှာခဲ့ပါတယ်။


လမ်းခုလတ်မှာ ကြုံတွေ့ရတဲ့
လူသတ်ပွဲတစ်ခုက မကြည့်ရက်စရာပဲ။
ဟုတ်တယ်
အားကောင်း မောင်းသန်လူတစ်ယောက်က
လူတွေကို လိုက်သတ်နေတာ
သူသတ်တဲ့လူတွေက
ဝေဒနာသည်တွေ
ရောဂါသည်တွေ
မသန်စွမ်းသူတွေ
ကိုယ်အင်္ဂါချို့တဲ့သူတွေ
သွေးပျက်စရာပါပဲ။


ခေါင်းကိုတူနဲ့ ဆက်တိုက်ထုနှက်တယ်
စီးကျလာတဲ့သွေးတွေ၊
နောက်ခန္ဓာကိုယ် အနှံ့
ဓါးနဲ့ခုတ်တယ်၊ ထစ်တယ်၊
သွေးတွေစီးကျလာပြန်တယ်။


တစ်ယောက်၊ နှစ်ယောက်
သုံးယောက်၊ လေးယောက်
ငါးယောက်၊ ခြောက်ယောက်
အို ----- အများကြီးပါပဲ
သွေးအိုင်ထဲ လဲနေတဲ့ လူတွေ
သွေးအိုင်ထဲ သေနေတဲ့ လူတွေ
အော်သံတွေ
အကူအညီ တောင်းသံတွေ
ငြီးတွားသံတွေ
တကယ့်ကို သွေးပျက်စရာ မြင်ကွင်းကြီးတစ်ခု။


လမ်းပေါ်မှာသွေးတွေစီးနေတယ်
ရေတွေစီးသလို
သွေးတွေ လမ်းပေါ်မှာစီးနေခဲ့တာ
အဲဒီ သွေးချောင်းကို ဖြတ်ကျော်ပြီး
မင်းရှိနိုင်မယ့်နေရာတွေ ငါလိုက်ရှာခဲ့တယ်
ဘာ မျှော်လင့်ချက်မှ မရှိတော့၊


မင်းတည်းခိုတဲ့ အိမ်ကိုရောက်တော့
အိမ်ရှင်တွေက
“မင်း ငါ့ဆီကို သွားတယ်”လို့ ပြောတယ်။
လွဲချော်မှုတွေနဲ့ ငါ ခလုတ်တိုက်လဲကျသွားခဲ့ပြီ။

မျှော်လင့်ချက် မရှိတဲ့
မျက်ဝန်းတစ်စုံဟာ
သွေးတွေ စီးကျလာတယ်။
ဟိုအဝေး သွေးချောင်းက
သွေးတွေဟာ စီးဆင်းလာတယ်။


သွေးတွေ
သွေးတွေ
သွေးတွေ
ငါ့ကို နစ်မြုတ်ပြီး
သယ်ဆောင်သွားကြတယ်။


ငါ တကယ် သေဆုံးသွားပြီလား
မသေဆုံးသေးဘူးလား
ငါမသိခဲ့ဘူး။
ငါ ဘာမှ မသိတော့ဘူး။


။လေး။

ငါ အိပ်မက်က လန့်နိုးလာခဲ့တယ်
ဘယ်လို အိပ်မက်တွေလဲ
ဘယ်လို ဖြစ်စဉ်တွေလဲ
ရေ တစ်ခွက် ထသောက်လိုက်တယ်
အိပ်မက်ထဲမှာလို
မင်း သားနားနိုင်ဖို့ ဆုတောင်းတယ်။
မျှော်လင့်ချက် မရှိဘဲ
ငါ မင်းကို လိုက်ရှာနေပါဦးမယ်။

ပြီးပါပြီ
ဆူးရင့်၊တန့်ဆည်၊
(၂၃၊ ၉ ၊ ၂၀၀၉)
အိပ်မက်တစ်ခုကို ခံစားပါသည်။