ဂေါက်ရိုက်သမား ဆိုတာ
ဆင်ခြင်တုံတရားနဲ့ ကျင်းကို ချိန်ဆရတယ်။
ဂေါက်အိပ်ထဲမှာ
လောကဓံ ရှစ်ပါးကလွဲရင် ဘာမှ မရှိဘူး
လက်တွေ့မကျတဲ့ ဘ၀ဆိုရင်
မတော်တဲ့ တုတ်တံကို လဲပစ်ရတယ်။
ဂေါက်ရိုက်သမားမှာ
သူ့ကွင်း ကိုယ့်ကွင်း မရှိဘူး
အသက်ရှူ မမှားဖို့ စိတ်ကူးမလွဲဖို့
သုံးခွက် တစ်ခွက်
သုံးချက် တစ်ချက်
ဆေးဖက်ဝင်ဖို့ အသက်ရှင်တယ်။
ရိုက်သွင်းရတဲ့ ကျင်းကို ကြည့်ရတယ်
အဲဒီကျင်းက
ဂေါက်ရိုက်သမားရဲ့ ဂုဏ်သရေရှိ တန်ဖိုးဖြစ်တယ်။
မြက်ခင်းစိမ်းစိမ်းကို ဖြတ်လိုက်
ရေအိုင်ငယ်လေးကို ရေပွက်ပမာ ကြည့်လိုက်
လိမ့်နေတဲ့ ဂေါက်သီးဆီက
အပျော်ကို မီးလို ကူးလိုက်
အကွာ အဝေး ရိုက်ရမယ့် ရိုက်ချက်
လက်ဆအတိုင်း ဘ၀ကို ကိုင်တွယ်ရတယ်။
ဂေါက်ရိုက်သမားဟာ
ဂေါက်နေတဲ့ အလုပ်သမား မဟုတ်ဘူး
မုဆိုးကို ပြန်ချောင်းတဲ့ သားကောင် ဖြစ်တယ်။
သားကောင်မှာ
တောခြောက်ခံရတာ တောလှန့်ခံရတာ မရှိဘူး
အတတ်ပညာနဲ့ သူ့ထောင်ချောက်နဲ့
မုဆိုးလည်ပင်းကို
တစ်ချက်တည်း ကြိုးကွင်းပြန်စွပ်နိုင်တယ်။
ကျွန်တော်တို့လည်း
ကျွန်တော်တို့ ကြိုက်တဲ့ ပုံစံနဲ့
တစ်ချက်တည်း ကျင်းဝင်နိုင်ဖို့
တစ်သက်လုံး လေ့ကျင့်ပေးနေရတဲ့
ဂေါက်ရိုက်သမား။
မင်းဆက်
No comments:
Post a Comment