စိတ်လောင်ရှုမျှော်ခင်း

(တစ်)

ကျွန်တော့် အတွေ့အကြုံကို ကျွန်တော်ကိုယ်တိုင် မှတ်သားခွင့်ရလိုက်တဲ့ အသိမျိုး မဟုတ်ပေမယ့် ကျွန်တော့်ကို မွေးတဲ့နေ့ဟာ အောက်တိုဘာ(၂၉)ရက်နေ့ဖြစ်သလို ညရဲ့ကောင်းကင်တစ်ပြင်လုံး ကြယ်ရောင် လရောင်တွေ ခင်းကျင်းပြသခွင့်ရှိတဲ့ သီတင်းကျွတ်လဆန်း (၁၄)ရက်နေ့လည်း ဖြစ်ပါသတဲ့ ။
အမေပြောပြတဲ့ စကားမို့ မမှားလောက်ဘူးထင်တာနဲ့ ကျွန်တော်ယုံယုံကြည်ကြည် လက်ခံလိုက်ပါတယ် ။ ကိုယ့်ဇာတာကို ပြန်ပြီးဖတ်နိုင်လောက်တဲ့ ကြီးပြင်းမှု အချိန်ကာလဆီရောက်ပြန်တော့ `` အိုး ငါအင်္ဂါသားကြီးပါလား ´´လို့ ကိုယ့်ကိုယ်ကိုယ် အံ့သြစိတ် ၀င်မလာမိတာလည်း ကိုယ့်လူတို့ မသိသေးတဲ့ အမှန်တရားတစ်ခုပါ ။ ကျွန်တော် ငယ်စဉ်က ဆရာဘုန်းကြီး သင်ကြားပေးလိုက်တဲ့ ``ဦးညို ခေမာ သုတ ဝေရီ ရန်အစီစီ´´ဆိုတာ ဖိတ်စာမရဘဲ ရောက်လာတဲ့ ကျွန်တော့်ရှေ့တည့်တည့်က နတ်ဆိုးတစ်ကောင် ။ ထားပါတော့ တနင်္ဂနွေဆိုတာ ကျွန်တော့်ရဲ့ ဆန့်ကျင်ဘက်ဂြိုဟ် ကျွန်တော်က တနင်္ဂနွေရဲ့ ပဋိပက္ခဘေးရန် ။

(နှစ်)

မနက်ခင်းတစ်ခုဟာ သဘာဝထဲ ပျော်ပျော်ဝင်ဝင် စီးဆင်းကျလာပါတယ် ။ မိုးရာသီက မွေးတဲ့ တိမ်စိုင်တိမ်လိပ်တွေ ဖြစ်ပေမယ့် အရင်အတိုင်း ညစ်ညစ်ပတ်ပတ် မနေကြတော့ဘူး ။ ရေချိုးဆိပ်ကို ကျောခိုင်းလာတဲ့ မ်ိန်းမပျိုတစ်ယောက်လို လင်းလို့ သစ်လို့ ။ အဲဒီ မနက်ခင်းထဲမှာ သူငယ်ချင်းတစ်ယောက် နဲ့အတူ လက်ဖက်ရည်ဆိုင်ထိုင်ဖြစ်ကြပါတယ် ။ ကျွန်တော်ထင်မှတ်မထားတဲ့ အချိန်မှာ အမှတ်မထင်မေးထည့် လိုက်တဲ့ သူငယ်ချင်းရဲ့ မေးခွန်းနှစ်ခုကိုလည်း သူ့သဘောကျ လက်ခံနိုင်လောက်တဲ့ အဖြေကို ကျွန်တော့် ဦးနှောက်နဲ့ အတွေ့အကြုံက ဆုံးဖြတ်ချက်ထုတ်မပေးနိုင်တော့ ကြောင်အမ်းအမ်း ဖြစ်သွားခဲ့တာပါ ။
``ဆန့်ကျင်ဘက်လိင်ကို မဆာလောင်တဲ့ ပုထုဇဉ်ဆိုတာ မင်းတွေ့ဖူးလား´´
``...........................................................´´
``အားလုံးကို ကိုယ်စားပြုတဲ့ အချစ်ရဲ့ အဓိပ္ပာယ်ကို ငါသိချင်တယ်ကွာ ပြောပြပါလား ´´
``..........................................................................´´

ကျွန်တော်ဝန်ခံလိုက်ရတဲ့ ကျွန်တော့်ညံ့ဖျင်းမှုနဲ့ မနက်ခင်းဟာ တနင်္ဂနွေအောက်က နေ့စွဲတစ်ခုဖြစ်ကြောင်း သိလိုက်ရချိန်မှာ ကျွန်တော့်ကို ကျိုးကြေနေတဲ့ စိတ္တဇတစ်ချို့က အထီးကျန်ဆန်တဲ့ တဲပျက်တစ်လုံးဆီ ခေါ်ဆောင်သွားကြပါတယ် ။ လိုရာဆီ ပစ်မှတ်လွဲချော်သွားတဲ့ အားလပ်ရပ် အထား အသိုများ ။ ဒိုင်ယာရီထဲက အမှိုက်များ ၊ ချေးညော်အထပ်ထပ် အသုံးအဆောင်များ ၊ အသံတိတ် ရေခဲတုန်းများ ၊ လောကဓံဆိုး လေးခုရဲ့ ယုယ ပွတ်သပ်ချက်များ ၊ ၀ါကျင့်ကျင့် အတိတ်ရနံ့များ ၊ လည်မျိုညှစ် ဆွဲရမ်းခံရတဲ့ လွယ်အိပ်ထဲက အမိုက်အမဲများ ၊ လက်ပေါ်နဖူးရာ ထင်တဲ့ အတွေးများ ၊ နဖူးပေါ် လက်ရာထင်တဲ့ စိတ်ကူးများ ၊ တီးခတ်ရင်း မျက်စိလည်သွားတဲ့ pattern များ ၊ အနယ်အမှုန် ပြဿဒါး လှလှလေးများ ၊ လေ့ကျင့်ခန်း ဓာတ်ပြားဟောင်းများ ၊ အနီးဆုံး ၀န်းကျင်က ခဏိက၀ါဒီ ဆက်ဆံရေး ၀တ်မှုန်များ ၊ စားဝတ်နေရေး ဟစ်အော်ခြိမ်းချောက်မှုများ ၊ အပြုံးအတု အရေးပြား
တွန့်ခေါက်သံများ ၊ ဖက်ရှင်များ ၊ အလှကုန်များ ၊ စကားပြောစက်များ ။

ဒါတွေ အားလုံးကို အထီးကျန်ဆန်ဆန် ကျွန်တော် မတွေ့ချင်ဘဲ တွေ့နေရပါတယ် ။
ဒါတွေ အားလုံးကို အထီးကျန်ဆန်ဆန် ကျွန်တော် မတွေးချင်ဘဲ တွေးနေရပါတယ် ။

အဲသည်လို အတွေးတွေ တွေးဖြစ်လိုက်တိုင်း ကျွန်တော့်နာရီတွေဟာ သောက်လက်စ စီးကရက်တစ်လိပ်လို မီးလောင်ခံနေရပါတယ် ။ စိတ်လိုလက်ရ ဖွင့်ပြချင်တဲ့ ကျွန်တော့်ရင်ဘတ်ကို တနင်္ဂနွေဟာ ဆိတ်သုဉ်းခြင်းအတိနဲ့ ပူလောင်စေပါတယ် ။ စွယ်တော်တစ်ရွက်လောက် ခူးဖို့ကြံရွယ်
ခဲ့ပေမယ့် ကျွန်တော့်အနာဂတ်ဟာ အလင်းမရှိတဲ့ နေ့ရက် ၊ မျဉ်းပြိုင်တွေ တစ်လမ်းဆီ ပြေးလွှားနေကြပါတယ် ၊ အရင်ဆို ကျွန်တော်ဟာ အချစ်အကြောင်းကို သိပ်ပြီးပြောချင်ခဲ့ပါတယ် ၊ အိပ်မက်တစ်ခုတောင် မက်ခွင့်မပေးဘဲ ပြတ်တောက်သွားတဲ့ ဂစ်တာကြိုးတစ်ချောင်းကို ငေးရင်း အချစ်နဲ့ပတ်သက်လို့ ဘာမှ မပြောချင်တော့ပါဘူး ၊ လူတွေနဲ့ ဝေးဝေးနေခဲ့ပါတယ် ၊ လမ်းတွေနဲ့ ဝေးဝေးနေခဲ့ပါတယ် ၊ ပင်လယ်မှာ နစ်မြုတ်သူ တစ်ယောက်ဟာ ကျွန်တော်ဖြစ်သလို ကျွန်တော်လက်ပစ်ကူးရင်း မောပန်းခဲ့တဲ့ နေ့ရက်ရှည်တွေလည်း ဖြစ်ပါတယ် ၊ ကိုယ့်လူတို့ မမြင်နိုင်တဲ့ ငုတ်လျိုး
ဝမ်းခေါင်းနာတွေ ၊ မှတ်တိုင် အဟောင်းတွေ ၊ ဆည်းဆာလေနီကြမ်းတွေဟာ ကျွန်တော်နေ့တိုင်း ၀တ်ဆင်နေရတဲ့ သက္ကရာဇ်တစ်ဆင်စာ မွန်းကြပ်မှုတွေ ပါ ၊ တနင်္ဂနွေကို ကျွန်တော် ကြောက်တယ် ၊ ကျွန်တော့်ကို မေ့ဆေးပေးဖို့ ခင်များတို့ စိတ်ကူးကြပါတော့ ။

(သုံး)

၂၀၀၆-ဖေဖေါ်ဝါရီ ................... ။ ကျွန်တော် လူတွေကို လူလူသူသူ စကားပြန်ပြောခဲ့ပါတယ် ။ ကျွန်တော် ကြောက်ရတဲ့ တနင်္ဂနွေတစ်နေ့မှာ အဖေါ်ကောင်မလေးတစ်ယောက်နဲ့အတူ ကေကေ ရောက်လာပြီး သူအဖေါ် ကောင်မလေးနဲ့လည်း မိတ်ဆက်ပေးပါတယ် ။ ပြီးမှ သူ့ရှေ့မှာ ချထားတဲ့ ကော်ဖီခွက်ကို သူ့နှုတ်ခမ်းနဲ့ မိတ်ဆက် လိုက်တာပါ ။
“ ၀ိုင်ဝိုင် ”
ကေကေ မိတ်ဆက်ပေးတဲ့ ကောင်မလေးရဲ့ နာမည်ပါ ။ ခင်မင်စရာ ကောင်းတဲ့ ကောင်မလေးလို့ ကျွန်တော် ထင်ခဲ့မိတာ တက်တက်စင်အောင် လွဲချော်သွားခဲ့ပါလား ။ ဘာကြောင့်လဲဆိုရင် အဲဒီကောင်မလေးဟာ ချစ်စရာ တကယ်ကောင်းတဲ့ ကောင်မလေး ဖြစ်နေလို့ပါပဲ ။ ကျွန်တော်တို့နှစ်ယောက်ရဲ့ ရင်းနှီးမှုဟာ တစ်စတစ်စ ဖွံ့ဖြိုး လာခဲ့ပါတယ် ။

အညာကို ပြန်မယ့် ကေကေကို အောင်မင်္ဂလာအဝေးပြေး ကားဝင်းအထိ ကျွန်တော်တို့ လိုက်ပို့ကြတော့ အရင်ကထက် နွေးထွေးလာခဲ့ပါတယ် ။ ကျွန်တော့်သူငယ်ချင်း ယောင်္ကျားလေး ရောဂါနဲ့ ဆေးရုံရောက်တော့ အရင်ကထက် ပူနွေးလာခဲ့ပါတယ် ။ နောက် တန့်ဆည်ကို ပြန်မယ့် ကျွန်တော့်ကို ဘူတာကြီးအထိ ကေကေနဲ့ ၀ိုင်ဝိုင် လိုက်ပို့ကြတော့ အရင်ကထက် ပူလောင်လာခဲ့ပါတယ် ။ သွားအခေါင်းပေါက်ပြီး သွားကိုက်ဝေဒနာ ခံစားနေရတဲ့ ကျွန်တော့်သူငယ်ချင်းတစ်ယောက် ဆေးရုံရောက်တော့ အရင်ကထက် ပူပြင်းလာခဲ့ပါတယ် ။
“တနင်္ဂနွေနေ့ အလည်လာခဲ့မယ်လေ”
ဝိုင်ဝိုင်ရဲ့ စကားသံလေးကို ကြားရတဲ့နေ့မှာ ကျွန်တော်ဘယ်လို ဖြစ်သွားခဲ့သလဲဆိုတာ ပြောမပြတတ်အောင်ပါ ။ တနင်္ဂနွေကို ကြောက်ဖို့ ကျွန်တော် မေ့လျှော့သွားပါတယ် ။ အဲဒီ တနင်္ဂနွေက စပြီး ရောက်လာမယ့် တနင်္ဂနွေတိုင်း ၀ိုင်ဝိုင်ကို စောင့်မျှော်တတ်ခဲ့ပါတယ် ။ ၀ိုင်ဝိုင်ဟာ အင်္ဂါသမီးဖြစ်ကြောင်း သိခွင့်ရလိုက်ပေမယ့် ၊ တနင်္ဂနွေကို သူကြောက်ခဲ့ဖူးသလားဆိုတာ မေးခွင့်မရလိုက်ပါဘူး ။

တနင်္ဂနွေများစွာ ငိုတစ်ခါ ရယ်တစ်လှည့်နဲ့ ကျွန်တော်တို့ ဖြတ်ကျော်ခဲ့ကြပါတယ် ။ တစ်ပတ်မှ တစ်ရက်ပဲ ရပိုင်ခွင့်ရှိတဲ့ တနင်္ဂနွေကို ကျွန်တော် ရင်ခုန်တယ် ။ နေပူပစေ မိုးရွာပစေ တနင်္ဂနွေကို ကျွန်တော်စောင့်မျှော်နေမိဦးမှာပဲ ။ တနင်္ဂနွေအကြောင်း စဉ်းစားမိတိုင်း ကျွန်တော် ၀ိုင်ဝိုင်ဆီ ရွက်လွှင့်ခဲ့တာမျိုး ၊ ကျွန်တော်ငယ်ငယ်က တနင်္ဂနွေဟာ ကျွန်တော့်ရဲ့ ရန်ဘက် ၊ ကျောင်းပိတ်ရက် ၊ ပိုက်ဆံရှိတဲ့ တနင်္ဂနွေဆို ပိုက်ဆံရှိသလို ငွေပြတ်တဲ့အတိုင်း ။ ဘုရားပေါ် ရောက်ဖြစ်တဲ့ တနင်္ဂနွေဆိုရင် ဒိုင်ယာရီထဲမှာ ကျောက်စာတွေ ဘာတွေ ထွင်းလို့ ။ တနင်္ဂနွေမပီသခဲ့ရင် ကျွန်တော်ဟာ တနင်္ဂနွေနဲ့ အရူးတစ်ယောက်လို ရန်ဖြစ်တတ်ပါတယ် ။ ကျွန်တော်ရှိုက်သွင်းခဲ့တဲ့ လေမှာ တနင်္ဂနွေဓာတ်တွေ ပါဝင်သလို နေ့တိုင်းမျိုသွင်းခဲ့တဲ့ ကျွန်တော့် အစာအိမ်မှာလည်း တနင်္ဂနွေ အာဟာရတွေ ရှိနေပါတယ် ။ ကျွန်တော် ရေတွက်မိတဲ့လက်ဟာ တနင်္ဂနွေရောက်ဖို့ မျှော်လင့်ချက် ။ ဖြစ်ချင်တာ တောင်းလို့ရမယ်ဆိုရင်
ဝိုင်ဝိုင်နဲ့ ပတ်သက်တဲ့ တနင်္ဂနွေများစွာကို ကျွန်တော် လိုချင်တယ် ။ နောက် ၀ိုင်ဝိုင်လက်မောင်းက အမာရွတ်လေးကို တနင်္ဂနွေထဲမှာ ကျွန်တော် မြင်ချင်တယ် ။ ၀ိုင်ဝိုင်းရဲ့
သီချင်းတွေ လိုက်လိုက်ဆိုတတ်တဲ့ (၀ိုင်ဝိုင်း အသံနဲ့ လုံးဝမတူတဲ့) ၀ိုင်ဝိုင်ရဲ့ အသံလေးကို တနင်္ဂနွေတိုင်း ကြားချင်နေပါတယ် ။

ဆက်ရန်ရှိပါသေးတယ် ။