ရုံးရောက်တော့ မန်နေဂျာရဲ့ မျက်နှာပေါ်မှာ မီးလောင်မှုတစ်ခု ဖြစ်ပွားနေပါတယ် သိလား။ သူ့မှာ လောင်နေတဲ့ မီးက တစ်ခြားတော့ မဟုတ်ပါဘူး။ ဒေါသ မီးတောက်တွေပဲ တောက်လောင်နေတာပါ။ သူက ဒီတိုင်းပဲ မကြာ မကြာ လောင်နေကျ။ မိုးတွင်းဆိုတော့ ရာသီဥတု မကောင်းလို့ သူ့မျက်နှာမှာ မီးလောင်နေတာလား။ မျက်နှာ တိုင်း မီးတောက်တွေ ငြိမ်းနိုင်ဖို့ ရာသီဥတု ကောင်းမွန်ပါစေလို့ မဆီမဆိုင် ဆုတောင်းနေမိတယ်။ တကယ့် မဆီမဆိုင်ပါပဲ။
ညီမရေ ..ဇယ်ခုံပေါ်မှာ ဇယ်သီးလေးတွေ လွတ်လွတ်လပ်လပ် ပြေးလွားနိုင်ဖို့ ဘောလို့ ခေါ်တဲ့ ကျောက်မှုန့် သေးသေးလေးတွေကို ဖြူးပေးရပါတယ်။ ဒီလိုမှသာ ဇယ်သီးလေးတွေကို တောက်လိုက်တိုင်း တောက်လိုက်တိုင်း လို့ရာဆီ လမ်းကြောင်းဖြောင့်ဖြောင့် ပြေးလွားနိုင်မှာပေါ့။ ရှင်သန်ရာ လူဘ၀ လမ်းတစ်လျောက် သာယာ ဖြောင့် ဖြူးဖို့အတွက်ရော အကိုတို့ ဘာတွေနဲ့ ဖြူးပေးရမလဲ။ အကို့ရဲ့ အထင်ကိုပြောရရင် ကံ ဥာဏ် ၀ီရိယလို့ခေါ်တဲ့ ကျောက်မှုန့်လေးတွေကို ဖြူးပေးဖို့ လိုအပ်လိမ့်မယ်ထင်ပါတယ်။
ကမ္ဘာကြီးက ကူးစက်ရောဂါပိုးတွေနဲ့ အတူ လှလှပပ မူးယစ်နေပါတယ်။
အပြင်ကို ထွက်လိုက်မိတဲ့အခါတိုင်း
မြုံနေတဲ့ ရင်ဘတ်က အနာတွေရဲ့ ငြီးငြူးသံတွေနဲ့အတူ
ပြည်အောင်းနေတဲ့ အော်သံတွေကို ကြားနေရတယ်။
“အဆင်မပြေဘူး ....အဆင်မပြေဘူး....အဆင်မပြေဘူး”
ဂုဏ်ရှိတဲ့သူတွေက ဂုဏ်နဲ့ မူးယစ်နေကြသလို
ပညာရှိတဲ့သူတွေက ပညာနဲ့ မူးယစ်နေကြတယ်။
ငွေရှိတဲ့သူတွေက ငွေနဲ့ မူးယစ်နေကြသလို
အာဏာရှိတဲ့သူတွေက အာဏာနဲ့ မူးယစ်နေကြတယ်
အချစ်ရှိတဲ့သူတွေကတော့ အချစ်နဲ့ပဲ မူးယစ်နေကြရုံပေါ့။
သူငယ်ချင်းတစ်ယောက်ကတော့ အကို့ကို ဒီလိုပြောဖူးပါတယ် သိလား
“ကျွန်တော့်မှာ ပညာ ဂုဏ် ငွေ အချစ် ဘာမှ မရှိဘူး။ ဒီတော့ ကျွန်တော် အရက်နဲ့ပဲ မူးနေလိုက်တယ်”
အင်း .....သူပြောသလိုလဲ အကိုကတော့ မူးယစ်ဆေးဝါတွေ အရက် ဘီယာတွေနဲ့ မမူးချင်ဘူး။
အကို ဘာနဲ့ မူးရမလဲ
အကို့မှာ ပညာနည်းနည်း ငွေနည်းနည်း
ဂုဏ်နည်းနည်း အချစ်နည်းနည်းတော့ရှိတယ် အဲဒီနည်းနည်းလေးတွေကို ဆတူ ရောစပ်ပြီး ခွက်အလွတ် တစ်လုံးထဲမှာထည့်။ ပြီးမှ မော့သောက်ပစ်လိုက်တယ်။ တကယ်ပါ ညီမရယ် အကိုဟာ ညီမလေးနဲ့အတူ တိုင်ပတ်ပြီးတော့ ကဗျာတွေနဲ့ မူးနေလိုက်တယ်။ ကဲ.... ခင်များရော ဘာတွေနဲ့ မူးနေလဲ၊ ညီမလေးရော ဘာနဲ့ မူးနေလဲ။ ။
ဆူးရင့်၊တန့်ဆည်၊
3 comments:
အလွမ်းတွေနဲ့မူးလို့ခံစားချက်တွေ အံချလိုက်တယ်
ဘာနဲ့မှ မမူးပါဘူးရှင်....။ ဒါပေမယ့် ဒီစာလေး ဖတ်ပြီး ခေါင်းနဲနဲမူးသွားသလိုပဲ.... နားလိုက်ဦးမှ...း)
ပုံမှန် ပြန်တွေးတတ်ကြသေးရဲ့လားတဲ့ သူငယ်ချင်းတစ်ယောက်က ပြောနေတယ်။ကိုဆူးရင့်ရဲ့ အလွမ်းတွေက ရီဝေလွန်းသတဲ့။ ဟ ဟ
Post a Comment